လံာ်တၢ်ဘူၣ်ထီၣ်ဘါထီၣ် 5:10 - Sgaw Karen Common Bible

¹⁰ အန့ၣ်ဝံၤဒီးကဘၣ်လုၢ်ထီၣ်ဝဲထိၣ်ခံဘ့ၣ်တဘ့ၣ်လၢတၢ်လုၢ်မ့ၣ်အူ ဒ်တၢ်သိၣ်တၢ်ဘျၢအိၣ်ဝဲအသိးန့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အတၢ်ဒဲးဘးလၢအမၤတ့ၢ်ဝဲအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:10 Iomraidhean Croise

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:35

အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:16

ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

ရိမ့ၤ 5:11

အါန့ၢ်အန့ၣ်, ပသးခုဒီးပာ်ကဖၢလၢပသးလၢကစၢ်ယွၤ အပူၤ, ခီဖျိပကစၢ်ယ့ၣ်ၡူးခရံာ်လၢအဒုးကဲထီၣ်ပှၤလၢ ကစၢ်ယွၤအတံၤသကိးတဖၣ်အဃိန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ယၤကိာ် 5:15

တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.