လံာ်တၢ်ဘူၣ်ထီၣ်ဘါထီၣ် 4:31 - Sgaw Karen Common Bible

³¹ ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:31 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤယိၤဘး 42:8

ဒီးခဲကနံၣ်အံၤ, ဟံးန့ၢ်ဂီၤဖံးဖါနွံဒုဒီးသိဖါနွံဒုဒီးလဲၤဆူယခ့ ယပှၤစီၤယိၤဘးအအိၣ်ဒီးလုၢ်ထီၣ်တၢ်လုၢ်မ့ၣ်အူလၢသုဂီၢ် တက့ၢ်. စီၤယိၤဘးကဘါထုကဖၣ်တၢ်လၢသုဂီၢ်ဒီးယကစံး ဆၢအတၢ်ထုကဖၣ်လီၤ. ဒီးယတမၤတရီတပါသုဒ်သုကြၢး ဒိးန့ၢ်ဝဲအသိးန့ၣ်ဘၣ်. သုတစံးတၢ်လၢယဂ့ၢ်ယကျိၤလၢ အတီအလိၤဒ်အစံးတ့ၢ်ဝဲအသိးန့ၣ်ဘၣ်.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:17

ဒီးကဘၣ်ဖီၣ်ဝဲလၢအဒံးဆ့ဒီးဖှီသ့ၣ်ဖးအီၤဘၣ်ဆၣ်, တဘၣ်မၤတဲာ်ကွံာ်အဒံးဆ့ဘၣ်. ဒီးကဘၣ်ဆိၣ်ကဲၤထီၣ်အီၤခဲလၢာ် လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:18

ဒီးကဘၣ်ပာ်ထီၣ်သိလၢအိၣ်တ့ၢ်လၢအစုလၣ်ပူၤန့ၣ်လၢပှၤတ ဂၤန့ၣ်အခိၣ်လိၤန့ၣ်လီၤ. အန့ၣ်ဒီးပှၤလုၢ်တၢ်အခိၣ်ကမၤ ဝဲတၢ်မၤကဆှီထီၣ်က့ၤအလုၢ်အလၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:15

ပှၤလုၢ်တၢ်အခိၣ်ကဘၣ်လုၢ်ထီၣ်ထိၣ်တဘ့ၣ်ဒ်တၢ်လုၢ်တၢ်ပျၢ်တၢ်ဒဲး ဘးအသိးဒီးအဂၤတဘ့ၣ်ဒ်တၢ်လုၢ်မၤဘူၣ်လၢမ့ၣ်အူ အသိးအဂီၢ်န့ၣ်လီၤ. ဒီးအအံၤမ့ၢ်ပှၤလုၢ်တၢ်အခိၣ်ကမၤတၢ်မၤက ဆှီထီၣ်က့ၤတၢ်လၢပှၤတဂၤန့ၣ်အဂီၢ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:22

ဒီးပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအလုၢ် အလၢ်ဘၣ်ဃးတၢ်မၤကဆှီထီၣ်လၢကသုးကွံာ်ပိာ်ခွါန့ၣ်အတၢ်ဒဲးဘး, ဒီးကစၢ်ယွၤကပျၢ်အတၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:2

ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:9

ဒီးပှၤလုၢ်တၢ်အခိၣ်ကဟံးန့ၢ်ကိၣ်တနီၤဒ်တၢ်သ့ၣ်နီၣ်ထီၣ်က့ၤ အတၢ်လုၢ်လၢတၢ်အံၤအဂီၢ်ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:19

ဒီးကဘၣ်ဟံးန့ၢ်အသိခဲလၢာ်ဒီးဆိၣ်ကဲၤထီၣ်ကွံာ်အီၤလၢတၢ် လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:35

အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:10

အန့ၣ်ဝံၤဒီးကဘၣ်လုၢ်ထီၣ်ဝဲထိၣ်ခံဘ့ၣ်တဘ့ၣ်လၢတၢ်လုၢ်မ့ၣ်အူ ဒ်တၢ်သိၣ်တၢ်ဘျၢအိၣ်ဝဲအသိးန့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အတၢ်ဒဲးဘးလၢအမၤတ့ၢ်ဝဲအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:21

ဒီးသ့စီကွံာ်ဝဲအပှံာ်အကဖုဒီးအခီၣ်တဖၣ်ဒီးဆူးကဲၤထီၣ်သိ ဖါဒီဒုလၢတၢ်လုၢ်လီၢ်အဖီခိၣ်ဒ်ယွၤမၤလိာ်ဝဲအသိးန့ၣ်လီၤ. မ့ၣ်အူအံၤအတၢ်နၢမူန့ၣ်မၤမုာ်ယွၤအသးန့ၣ်လီၤ.

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 10:12

မ့မ့ၢ်ခရံာ်လုၢ်ထီၣ်တၢ်လုၢ်တမံၤလၢတၢ်လုၢ်တၢ်ဒဲးဘးအဂီၢ်, တၢ်လုၢ်တမံၤလၢအဒုးကဲထီၣ်တၢ်ဘျုးလီၤထူလီၤယိာ်, ဝံၤဒီးဆ့ၣ်နီၤဝဲလၢ ကစၢ်ယွၤအစုထွဲတခီလီၤ.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.