လံာ်တၢ်ဘူၣ်ထီၣ်ဘါထီၣ် 4:30 - Sgaw Karen Common Bible

³⁰ ဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ်အသွံၣ်လၢ အစုမုၢ်ဒီးပာ်လီၤအီၤလၢတၢ်လုၢ်မၤဘူၣ်လၢမ့ၣ်အူအလီၢ်အနၢၤ တဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်ကဘၣ်လူ လီၤဝဲဖဲတၢ်လုၢ်လီၢ်န့ၣ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:30 Iomraidhean Croise

လံာ်တၢ်ဟးထီၣ်ကွံာ် 29:12

ဟံးန့ၢ်ဂီၤဖံးဖါတဒုန့ၣ်အသွံၣ်တနီၤလၢနစုမုၢ်ဒီးထွါအီၤလၢတၢ်လုၢ်လီၢ်အနၢၤတဖၣ် အလိၤန့ၣ်တက့ၢ်. အန့ၣ်ဝံၤဒီးတၢ်သွံၣ်လၢအိၣ်လီၤတဲာ်တဖၣ်န့ၣ်လူလီၤအီၤလၢတၢ် လုၢ်လီၢ်အခီၣ်ထံးန့ၣ်တက့ၢ်.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:18

ဒီးကဘၣ်ပာ်တၢ်သွံၣ်တနီၤလၢတၢ်လုၢ်ထီၣ်တၢ်နၢမူအတၢ်လုၢ်လီၢ် အနၢၤတဖၣ်အဖီခိၣ်လၢတၢ်ဘူၣ်ထီၣ်ဘါထီၣ်ယွၤအဒဲပူၤန့ၣ်လီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲ တၢ်လုၢ်မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:25

အန့ၣ်ဝံၤဒီးပှၤလုၢ်တၢ်အခိၣ်ကဟံးန့ၢ်တၢ်သွံၣ်တနီၤဒီးဘျုး လီၤအစုမုၢ်လၢတၢ်သွံၣ်န့ၣ်အပူၤဒီးပာ်အီၤလၢတၢ်လုၢ်တၢ်နၢ မူတဖၣ်အလီၢ်အနၢၤတဖၣ်အလိၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤဝဲလၢတၢ်လုၢ် ထီၣ်တၢ်မၤဘူၣ်ဆိၣ်ကဲၤလၢမ့ၣ်အူအတၢ်လုၢ်လီၢ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:34

အန့ၣ်ဝံၤဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ် အသွံၣ်လၢအစုမုၢ်ဒီးပာ်အီၤလၢတၢ်လုၢ်မၤဘူၣ်မ့ၣ်အူအလီၢ် အနၢၤတဖၣ်အလိၤလီၤ. ဒီးတၢ်သွံၣ်လၢအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် လီၢ်န့ၣ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:7

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ပာ်တၢ်သွံၣ်တနီၤလၢတၢ် လုၢ်ထီၣ်တၢ်နၢမူအတၢ်လုၢ်လီၢ်အနၢၤတဖၣ်အဖီခိၣ်လၢတၢ်ဘူၣ်ထီၣ် ဘါထီၣ်ယွၤအဒဲပူၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:9

ဒီးကဘၣ်ဖှံတၢ်သွံၣ်တနီၤဖဲတၢ်လုၢ်လီၢ်ကပၤန့ၣ်လီၤ. တၢ်သွံၣ်အိၣ်လီၤတဲာ်တဖၣ်န့ၣ်ကဘၣ်တၢ်ဂၢ်လီၤအီၤဖဲတၢ်လုၢ်လီၢ် အခီၣ်ထံးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:15

စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:9

ဒီးစီၤအၤဟရိၣ်အဖိခွါတဖၣ်ဟဲစိာ်န့ၢ်အီၤလၢတၢ်သွံၣ် ဒီးအဝဲဘျၢလီၤအစုမုၢ်ဆူတၢ်သွံၣ်, ဒီးပာ်ထီၣ်အီၤလၢတၢ်လုၢ်လီၢ် အနၢၤတဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်လူလီၤဝဲ လၢတၢ်လုၢ်လီၢ်အခီၣ်ထံးန့ၣ်လီၤ.

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ဧ့ၤဘြံၤ 2:10

မ့ၢ်တၢ်အဂ့ၤဒီးကြၢးဝဲလၢကစၢ်ယွၤ, ပှၤလၢတၢ်ခဲလၢာ်မ့ၢ်လၢ အဂီၢ်ဒီးတၢ်ခဲလၢာ်ကဲထီၣ်လၢအီၤတဂၤန့ၣ်, ကမၤလၢပှဲၤတၢ်အခိၣ်လၢအဝဲသ့ၣ်အတၢ်အုၣ်က့ၤခီၣ်က့ၤအဂီၢ် တဂၤ, ခီဖျိတၢ်တူၢ်တၢ်ဒ်သိးဒီးကစၢ်ယွၤအဖိခွါအါဂၤကဒိး န့ၢ်ဘၣ်အလၤအကပီၤအဂီၢ်လီၤ.