လံာ်တၢ်ဘူၣ်ထီၣ်ဘါထီၣ် 4:3 - Sgaw Karen Common Bible

³ ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 4:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:21

အဝဲသ့ၣ်လဲၤစိာ်ဂီၤဖံးဖါနွံဒု, သိနွံဒု, သိဖိနွံဒုဒီးမဲာ်တဲးလဲးနွံဒုဒ်တၢ်လုၢ်တၢ်ပာ်တမံၤအဆိး လၢကစိာ်ထီၣ်ကွံာ်စီၤပၤအဟံၣ်ဖိဃီဖိတဖၣ်ဒီးကီၢ်ယူဒၤ အပှၤဂီၢ်မုၢ်အတၢ်ဒဲးဘးတဖၣ်အဂီၢ်ဒီးလၢတၢ်မၤကဆှီထီၣ် ယွၤအတၢ်လုၢ်ဟံၣ်အဂီၢ်န့ၣ်လီၤ. စီၤပၤစံးဘၣ်ပှၤလုၢ်တၢ်အခိၣ်တဖၣ်လၢအမ့ၢ်စီၤအၤဟရိၣ်အစၢၤ အသွဲၣ်လၢကလုၢ်ထီၣ်ဆၣ်ဖိကီၢ်ဖိတဖၣ်လၢတၢ်လုၢ်လီၢ်အဖီခိၣ်ဒ် တၢ်လုၢ်တၢ်ပာ်တဖၣ်အသိးန့ၣ်လီၤ.

လံာ်စီၤဧ့စြၤ 8:35

ကယဲၢ်ပှၤခဲလၢာ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ် န့ၣ်ဟဲစိာ်ဃီၤတၢ်မၤဘူၣ်တဖၣ်ဒ်တၢ်လုၢ်တၢ်ပာ်တဖၣ်လၢကဘၣ်တၢ် ဆိၣ်ကဲၤထီၣ်အီၤဆူပှၤအံၣ်စရ့လးဖိအကစၢ်ယွၤအအိၣ်န့ၣ်လီၤ. အဝဲသ့ၣ်မၤဘူၣ်လီၤဂီၤဖံးဖါတဆံခံဒုလၢပှၤအံၣ်စရ့လးဖိ ခဲလၢာ်အဂီၢ်, သိဖါခွံဆံဃုဒုဒီးသိဖိနွံဆံနွံဒု, ဒီးမဲာ်တဲးလဲးတဆံခံဒုစ့ၢ်ကီးလၢကမၤကဆှီထီၣ်က့ၤအသးလၢ တၢ်ဒဲးဘးအဂီၢ်န့ၣ်လီၤ. ကယဲၢ်ဆၣ်ဖိကီၢ်ဖိခဲလၢာ်အံၤဘၣ်တၢ်ဆိၣ်ကဲၤအီၤဒ်တၢ်လုၢ်တၢ် ပာ်တဖၣ်အသိးဆူယွၤန့ၣ်လီၤ.

လံာ်တၢ်ဟးထီၣ်ကွံာ် 29:14

မ့မ့ၢ်, ဂီၤဖံးဖါအညၣ်, အဖံးတဖၣ်ဒီးအပှံာ်အကဖုတဖၣ်န့ၣ်ဆူးကဲၤထီၣ်အီၤလၢသူၣ်ဒဲလီၢ်အချၢတက့ၢ်. အဝဲအံၤမ့ၢ်တၢ်လုၢ်မၤဘူၣ်တခါလၢကတြူာ်ကွံာ်ပှၤလုၢ်တၢ်အခိၣ်တဖၣ်အတၢ်ဒဲးဘးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်ယဃ့းစက့လး 40:39

လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ် လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.

လံာ်ယဃ့းစက့လး 43:19

ပှၤလုၢ်တၢ်အခိၣ်တဖၣ်လၢအဘၣ်ဃးဒီးလ့ၤဝံအဒူၣ်လၢအမ့ၢ်ဒၣ်ထဲ စီၤစၤဒိးအစၢၤအသွဲၣ်တဖၣ်ဧိၤန့ၣ်ကဟဲနုာ်ဘၣ်ဆူအမဲာ်ညါလၢ ကမၤယတၢ်အဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ် ဟ့ၣ်လီၤတၢ်ကလုၢ်အံၤန့ၣ်လီၤ. နကဘၣ်ဟ့ၣ်လီၤအဝဲသ့ၣ်လၢ ဂီၤဖံးဖါဖိတဒုလၢကလုၢ်ထီၣ်ဝဲဒ်တၢ်လုၢ်တၢ်ပာ်တမံၤအသိး လၢတၢ်လုၢ်တၢ်ဒဲးဘးအဂီၢ်န့ၣ်လီၤ.

လံာ်ယဃ့းစက့လး 44:27

ဝံၤဒီးကဘၣ်လဲၤနုာ်ဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤဒီးလုၢ်ထီၣ်တၢ်လုၢ်တၢ်ပာ်တမံၤလၢအဝဲအတၢ်မၤကဆှီ ထီၣ်သးအဂီၢ်ဒ်သိးအဝဲကမၤကဒီးတၢ်လၢယွၤအတၢ်လုၢ်ဟံၣ် အပူၤကသ့ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:11

ဒီးစီၤအၤဟရိၣ်လုၢ်ထီၣ်ဂီၤဖံးဖါတဒုဒ်တၢ်လုၢ်တၢ် ပျၢ်တၢ်ဒဲးဘးအသိးလၢအဂီၢ်ဒၣ်ဝဲဒီးအပှၤဟံၣ်ဖိအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:3

လဲၤနုာ်ဝဲကသ့ဒၣ်ဖဲလၢအဟဲစိာ်ဂီၤဖံးဖိတဒုလၢတၢ်လုၢ်, တၢ်ပျၢ်တၢ်ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအ ဂီၢ်ဝံၤအလီၢ်ခံန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 16:5

ဒီးအံၣ်စရ့လးအပှၤဂီၢ်မုၢ်ကဘၣ်ဟ့ၣ်စီၤအၤဟရိၣ်လၢမဲာ်တဲးလဲးဖါခံဒုလၢတၢ်လုၢ်တၢ် ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:6

ဒီးကလုၢ်ထီၣ်ဝဲဂီၤဖံးဖါတဒုလၢအနီၢ်ကစၢ်ဒၣ်ဝဲအတၢ် ဒဲးဘးကဘၣ်တၢ်ပျၢ်အီၤအဂီၢ်ဒီးလၢအဟံၣ်ဖိဃီဖိတဖၣ်အတၢ်ဒဲး ဘးကဘၣ်တၢ်ပျၢ်အီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 4:14

ဒီးထံၣ်သ့ၣ်ညါက့ၤအတၢ်ဒဲးဘးန့ၣ်, ပှၤအံၣ်စရ့လးဖိဒီတဖု ကဘၣ်ဟဲစိာ်ဂီၤဖံးဖါဖိတဒုလၢတၢ်ပျၢ်တၢ်ဒဲးဘးအတၢ်လုၢ် အဂီၢ်ဆူတၢ်ဘူၣ်ထီၣ်ဘါထီၣ်ယွၤအဒဲအမဲာ်ညါလီၤ.

လံာ်တၢ်ဘူၣ်ထီၣ်ဘါထီၣ် 4:23

တုၤအတၢ်ဒဲးဘးလၢအမၤတ့ၢ်ဝဲအံၤဘၣ်တၢ်ဒုးသ့ၣ်ညါက့ၤအီၤ ဒီးအဝဲကဘၣ်ဟဲစိာ်မဲာ်တဲးလဲးဖါလၢမဲၣ်သူမဲၣ်ဂီၤဒၣ်လဲာ် တအိၣ်ဘၣ်တဒု, ဒ်အတၢ်လုၢ်မၤဘူၣ်,

လံာ်တၢ်ဘူၣ်ထီၣ်ဘါထီၣ် 4:28

တုၤအတၢ်ဒဲးဘးလၢအမၤဝဲဘၣ်တၢ်ဒုးသ့ၣ်ညါက့ၤအီၤဒီးကဘၣ်ဟဲ စိာ်ဝဲမဲာ်တဲးလဲးမိၢ်တဒုလၢမဲၣ်သူမဲၣ်ဂီၤဒၣ်လဲာ်တ အိၣ်ဘၣ်လၢတၢ်လုၢ်မၤဘူၣ်တၢ်ပျၢ်တၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:5

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ဟံးန့ၢ်ဂီၤဖံးဖါ အသွံၣ်တနီၤဒီးစိာ်အီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤလီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:18

ကယဲၢ်ပိာ်ခွါလၢအလီၤစၢၤလၢစီၤအၤဟရိၣ်န့ၣ်ကအီၣ်ဘၣ်ဝဲ တၢ်အီၣ်လၢအဘၣ်တၢ်လုၢ်အီၤဆူယွၤအအိၣ်တဘိယူာ်ဃီ ဒ်တၢ်ဟ့ၣ်နီၤလီၤလၢအဂီၢ်အသိးန့ၣ်လီၤ. ဒီးပှၤတဂၤလၢ်လၢ်လၢအထိးဘၣ်တၢ်အီၣ်လၢတၢ်လုၢ်ထီၣ်အီၤန့ၣ်, ကဘၣ်တၢ်မၤဆါအီၤလၢတၢ်အီၣ်အံၤအတၢ်စီဆှံအစိကမီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:12

ဒီးပာ်စုစီၤအၤဟရိၣ်ခီဖျိတၢ်လူလီၤသိဖှူတၢ်တနီၤလၢအခိၣ်လိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 9:3

ဒီးစံးဘၣ်ပှၤအံၣ်စရ့လးဖိတဖၣ်လၢကဟဲစိာ်ဝဲမဲာ်တဲးလဲး ဖါတဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးဂီၤဖံးတနံၣ်ဖိတဒု, ဒီးသိတနံၣ်ဖိတဒုလၢမဲၣ်သူမဲၣ်ဂီၤတအိၣ်ဘၣ်လၢတၢ်လုၢ်မ့ၣ်အူအဂီၢ်,

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်တၢ်ဂံၢ် 8:8

အန့ၣ်ဝံၤဒီးအဝဲသ့ၣ်ကဘၣ်ဟံးန့ၢ်ကျီၢ်ဖါအသးစၢ်တဒုဒီးကိၣ် ကမူၣ်လၢအဃါဃုာ်အသးဒီးသ့ၣ်စၤယံးအသိ ဒ်တၢ်လုၢ်မၤဘူၣ်ကိၣ်အတၢ်မၤလိာ်အိၣ်ဝဲန့ၣ်လီၤ. နကဘၣ်ဟံးန့ၢ်ကျီၢ်ဖါသးစၢ်အဂၤတဒုလၢတၢ်လုၢ်တၢ်ပျၢ်တၢ်ဒဲး ဘးအဂီၢ်န့ၣ်လီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 5:3

ဒီးမ့ၢ်လၢအနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်အဃိ, အဝဲဒၣ်ဘၣ်လုၢ်ထီၣ်တၢ်လုၢ်တမ့ၢ်ထဲလၢပှၤဂီၢ်မုၢ်အတၢ် ဒဲးဘးအဂီၢ်ဧိၤဘၣ်. မ့ၢ်လၢအနီၢ်ကစၢ်ဒၣ်ဝဲအတၢ်ဒဲးဘး အဂီၢ်စ့ၢ်ကီးလီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.