လံာ်တၢ်ဘူၣ်ထီၣ်ဘါထီၣ် 4:26 - Sgaw Karen Common Bible

²⁶ ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:26 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:24

ဝံၤဒီးပှၤလုၢ်တၢ်အခိၣ်တဖၣ်မၤသံကွံာ်မဲာ်တဲးလဲးတဖၣ်ဒီးလူ လီၤအသွံၣ်, လၢတၢ်လုၢ်လီၢ်အလိၤဒ်တၢ်လုၢ်တၢ်ပာ်တမံၤအသိးလၢကစိာ်ထီၣ်ကွံာ် ပှၤဂီၢ်မုၢ်အတၢ်ဒဲးဘးအဂီၢ်န့ၣ်လီၤ. အဂ့ၢ်ဒ်အံၤ, စီၤပၤမၤလိာ်တ့ၢ်ဝဲလၢတၢ်လုၢ်မ့ၣ်အူတဖၣ်ဒီးတၢ် လုၢ်တၢ်ဒဲးဘးတဖၣ်န့ၣ်ကဘၣ်တၢ်မၤအီၤလၢပှၤအံၣ်စရ့လးဖိခဲ လၢာ်အဂီၢ်န့ၣ်လီၤ.

လံာ်ယဃ့းစက့လး 43:22

လၢခံတနံၤန့ၣ်နကဘၣ်ဟံးန့ၢ်မဲာ်တဲးလဲးဖါအလၢအပှဲၤတဒုဒီး လုၢ်ထီၣ်အီၤဒ်တၢ်လုၢ်တၢ်ပာ်တမံၤအသိးလၢတၢ်လုၢ်တၢ်ပျၢ် တၢ်ဒဲးဘးအဂီၢ်န့ၣ်လီၤ. မၤကဆှီထီၣ်တၢ်လုၢ်လီၢ်လၢမဲာ်တဲး လဲးဖါအသွံၣ်တမံၤဃီဒ်နမၤတ့ၢ်အီၤလၢဂီၤဖံးဖါအသွံၣ်အသိးန့ၣ် တက့ၢ်.

လံာ်တၢ်ဘူၣ်ထီၣ်ဘါထီၣ် 1:4

ကဘၣ်ပာ်အစုလၢဂီၤဖံးဖါအခိၣ်လိၤဒီးကဘၣ်တၢ်တူၢ်လိာ်အီၤဒ် တၢ်လုၢ်တၢ်ပာ်လၢအစိာ်ကွံာ်အတၢ်ဒဲးဘးအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:18

ဒီးကဘၣ်ပာ်ထီၣ်သိလၢအိၣ်တ့ၢ်လၢအစုလၣ်ပူၤန့ၣ်လၢပှၤတ ဂၤန့ၣ်အခိၣ်လိၤန့ၣ်လီၤ. အန့ၣ်ဒီးပှၤလုၢ်တၢ်အခိၣ်ကမၤ ဝဲတၢ်မၤကဆှီထီၣ်က့ၤအလုၢ်အလၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:15

ပှၤလုၢ်တၢ်အခိၣ်ကဘၣ်လုၢ်ထီၣ်ထိၣ်တဘ့ၣ်ဒ်တၢ်လုၢ်တၢ်ပျၢ်တၢ်ဒဲး ဘးအသိးဒီးအဂၤတဘ့ၣ်ဒ်တၢ်လုၢ်မၤဘူၣ်လၢမ့ၣ်အူ အသိးအဂီၢ်န့ၣ်လီၤ. ဒီးအအံၤမ့ၢ်ပှၤလုၢ်တၢ်အခိၣ်ကမၤတၢ်မၤက ဆှီထီၣ်က့ၤတၢ်လၢပှၤတဂၤန့ၣ်အဂီၢ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:22

ဒီးပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအလုၢ် အလၢ်ဘၣ်ဃးတၢ်မၤကဆှီထီၣ်လၢကသုးကွံာ်ပိာ်ခွါန့ၣ်အတၢ်ဒဲးဘး, ဒီးကစၢ်ယွၤကပျၢ်အတၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:19

ဒီးကဘၣ်ဟံးန့ၢ်အသိခဲလၢာ်ဒီးဆိၣ်ကဲၤထီၣ်ကွံာ်အီၤလၢတၢ် လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:35

အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:10

အန့ၣ်ဝံၤဒီးကဘၣ်လုၢ်ထီၣ်ဝဲထိၣ်ခံဘ့ၣ်တဘ့ၣ်လၢတၢ်လုၢ်မ့ၣ်အူ ဒ်တၢ်သိၣ်တၢ်ဘျၢအိၣ်ဝဲအသိးန့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အတၢ်ဒဲးဘးလၢအမၤတ့ၢ်ဝဲအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:16

ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:18

ဒီးကဘၣ်ဟဲစိာ်ဝဲသိဖါတဒု မ့တမ့ၢ်မဲာ်တဲးလဲးဖါတဒုလၢမဲၣ်သူမဲၣ်ဂီၤတအိၣ်ဘၣ်, ဒ်တၢ်ဟ့ၣ်ဆၢက့ၤအသိးဆူပှၤလုၢ်တၢ်အခိၣ်အအိၣ်န့ၣ်လီၤ. ဒီးအပှ့ၤအနီၣ်ထိၣ်တၢ်ပာ်ကအီၤ ဒ်တၢ်လုၢ်တၢ်ပာ်အလုၢ်အပှ့ၤကဘၣ်အိၣ်ဝဲအသိးလၢတၢ်လုၢ်တၢ်ပျၢ်တၢ်ကမၣ် လၢအမၤဘၣ်ဝဲ လၢတၢ်တတိာ်သူၣ်ပာ်သးအပူၤအဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:7

ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ကမၣ်လၢအဂီၢ်ဒီး အတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

လံာ်တၢ်ဂံၢ် 15:28

လၢတၢ်လုၢ်လီၢ်န့ၣ်ပှၤလုၢ်တၢ်အခိၣ်ကဘၣ်မၤအတၢ်မၤကဆှီ ထီၣ်သးလၢတၢ်ဘူၣ်တၢ်ဘါအလုၢ်အလၢ်လၢကမၤကဆှီထီၣ်ပှၤတဂၤန့ၣ် လၢအတၢ်ဒဲးဘးဒီးအဝဲကဘၣ်တၢ်ပျၢ်ကွံာ်အီၤန့ၣ်လီၤ.