လံာ်တၢ်ဘူၣ်ထီၣ်ဘါထီၣ် 4:22 - Sgaw Karen Common Bible

²² ဒီးတုၤပှၤပၢတၢ်တဂၤမၤတၢ်ဒဲးဘးဒီးအတၢ်ကမၣ်အိၣ်ဝဲလၢအလဲၤ ကပာ်ဘၣ်တၢ်လၢယွၤမၤလိာ်အီၤမၤတဂ့ၤဒီးမၤတ့ၢ်ဝဲလၢတၢ်တတိာ်သူၣ်ပာ်သးအပူၤန့ၣ်,

လံာ်တၢ်ဘူၣ်ထီၣ်ဘါထီၣ် 4:22 Iomraidhean Croise

စံးထီၣ်ပတြၢၤ 19:13

တြီဃာ်စ့ၢ်ကီးနခ့နပှၤလၢတၢ်ဒဲးဘးအဒူတက့ၢ်. မ်အသုတပၢယၤတဂ့ၤ, မ့မ့ၢ်ဒ်န့ၣ်ဒီး, တၢ်ပာ်တၢ်ကမၣ်လၢယလိၤအလီၢ်တအိၣ်ဘၣ်ဒီး ယကပူၤဖျဲးဒီးတၢ်ကမၣ်အဒိၣ်အယိာ်န့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:6

ပျဲနတၢ်ကတိၤဒၣ်နဲတဖၣ်ဆှၢနၤဆူတၢ်ဒဲးဘးအပူၤတုၤနကဘၣ်တဲ ဘၣ်က့ၤကစၢ်ယွၤအပှၤလုၢ်တၢ်အခိၣ်လၢ, “ယအၢၣ်လီၤတၢ်ကမၣ်လံ” န့ၣ်တဂ့ၤ. ဘၣ်မနုၤအဃိနမၤသးဒိၣ်ကစၢ်ယွၤန့ၣ်လဲၣ်. ဘၣ်မနုၤအဃိနပျဲအမၤဟးဂီၤတၢ်လၢနမၤတ့ၢ်လံအီၤန့ၣ်လဲၣ်.

လံာ်တၢ်ဘူၣ်ထီၣ်ဘါထီၣ် 4:13

ပှၤအံၣ်စရ့လးဖိဒီတဖုမ့ၢ်မၤဘၣ်တၢ်ဒဲးဘးဒီးကဲထီၣ်တၢ် ခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ်သူၣ်ပာ်သးအပူၤ,

လံာ်တၢ်ဘူၣ်ထီၣ်ဘါထီၣ် 4:27

ဒီးပှၤတဂၤဂၤလၢထံဖိကီၢ်ဖိအကျါမ့ၢ်မၤတၢ်ဒဲးဘးတမံၤမံၤ လၢယွၤမၤလိာ်ဝဲမၤတဂ့ၤ, ဒီးအတၢ်ကမၣ်အိၣ်ဝဲန့ၣ်,

လံာ်တၢ်ဘူၣ်ထီၣ်ဘါထီၣ် 5:17

ပှၤတဂၤမ့ၢ်မၤတၢ်ဒဲးဘးလၢတၢ်တတိာ်သူၣ်ပာ်သးအပူၤခီဖျိတၢ် လဲၤခီပတာ်ယွၤအတၢ်မၤလိာ်တမံၤလၢ်လၢ်န့ၣ်, အတၢ်ကမၣ်အိၣ်ဒီးကဘၣ်တူၢ်အတၢ်ကမၣ်ဒၣ်ဝဲန့ၣ်လီၤ.

လံာ်တၢ်ဂံၢ် 15:22

ဘၣ်ဆၣ်ဒီး, လၢတၢ်တပာ်သူၣ်ပာ်သးအပူၤပစံးဒၣ်ကလိာ်ပှၤတဂၤဂၤ ကလီၤတိၢ်ဝဲလၢတတိၢ်န့ၢ်တၢ်သိၣ်တၢ်သီတဖၣ်အံၤအကျါတနီၤနီၤ လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

လံာ်တၢ်ဂံၢ် 15:24

လၢကမျၢၢ်ဒီဒူၣ်တပာ်သူၣ်ပာ်သးအဃိဒီး, တၢ်ကမူၤကမၣ်မ့ၢ်မၤဘၣ် ဖုးအသးန့ၣ်, အဝဲသ့ၣ်ကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်မ့ၣ်အူလၢ အသိး, တၢ်နၢမူလၢအဘၣ်ယွၤအသး, ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံလီၤတံၢ်လီၤ ဆဲးန့ၣ်လီၤ. လၢန့ၣ်အမဲာ်ညါ, အဝဲသ့ၣ်ကဘၣ်လုၢ်စ့ၢ်ကီးမဲာ်တဲးလဲးဖါတဒုဒ် တၢ်လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

လံာ်တၢ်ဂံၢ် 16:2

ဃုာ်ဒီးပှၤအံၣ်စရ့လးဖိအဂၤတဖၣ်ခံကယၤယဲၢ်ဆံဂၤ, လၢအမ့ၢ်ခိၣ်နၢ်မံၤဟူသၣ်ဖျါတဖၣ်လၢဘၣ်တၢ်ဃုထၢထီၣ်အီၤလၢ ကမျၢၢ်ဒီကရူၢ်န့ၣ်လီၤ.

လံာ်တၢ်ဂံၢ် 31:13

စီၤမိၤၡ့, စီၤအလၤဧစၢ်ဒီးကယဲၢ်တၢ်အိၣ်မူကရူၢ်အခိၣ်အနၢ်အဂၤ တဖၣ်ဟးထီၣ်ဆူသူၣ်ဒဲလီၢ်အချၢလၢကလဲၤသဂၢၢ်သုးမုၢ်အဂီၢ်န့ၣ် လီၤ.

လံာ်တၢ်ဂံၢ် 32:2

အဝဲသ့ၣ်လဲၤဆူစီၤမိၤၡ့, စီၤအလၤဧစၢ်ဒီးခိၣ်နၢ်အဂၤတဖၣ်လၢ ကမျၢၢ်တၢ်အိၣ်မူကရူၢ်ပူၤအအိၣ်ဒီးစံးဝဲ,

လံာ်တၢ်ဂံၢ် 35:11

သုကဘၣ်ဃုထၢတၢ်ပူၤဖျဲးအဝ့ၢ်တဖၣ်, လၢပှၤတဂၤလၢအမၤသံဘၣ် ပှၤအဂၤတဂၤလၢတၢ်တပာ်သူၣ်ပာ်သးအပူၤန့ၣ်လဲၤဃ့ၢ်ပူၤဖျဲးအသး ကသ့အဂီၢ်န့ၣ်လီၤ.