လံာ်တၢ်ဘူၣ်ထီၣ်ဘါထီၣ် 4:21 - Sgaw Karen Common Bible

²¹ အန့ၣ်ဝံၤဒီးအဝဲကဘၣ်လဲၤစိာ်ဂီၤဖံးဖါန့ၣ်ဆူဒဲအချၢဒီး ဆိၣ်ကဲၤထီၣ်ကွံာ်အီၤဒ်အဆိၣ်ကဲၤဝဲဂီၤဖံးဖါလၢတၢ်လုၢ်မၤ ဘူၣ်လၢအကစၢ်ဒၣ်ဝဲအတၢ်ဒဲးဘးအဂီၢ်အသိးန့ၣ်လီၤ. တၢ်အံၤမ့ၢ်တၢ်ပျၢ်တၢ်ဒဲးဘးအတၢ်လုၢ်လၢပှၤအံၣ်စရ့လးဖိဒီ တဖုအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:21 Iomraidhean Croise

လံာ်စီၤဧ့စြၤ 8:35

ကယဲၢ်ပှၤခဲလၢာ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ် န့ၣ်ဟဲစိာ်ဃီၤတၢ်မၤဘူၣ်တဖၣ်ဒ်တၢ်လုၢ်တၢ်ပာ်တဖၣ်လၢကဘၣ်တၢ် ဆိၣ်ကဲၤထီၣ်အီၤဆူပှၤအံၣ်စရ့လးဖိအကစၢ်ယွၤအအိၣ်န့ၣ်လီၤ. အဝဲသ့ၣ်မၤဘူၣ်လီၤဂီၤဖံးဖါတဆံခံဒုလၢပှၤအံၣ်စရ့လးဖိ ခဲလၢာ်အဂီၢ်, သိဖါခွံဆံဃုဒုဒီးသိဖိနွံဆံနွံဒု, ဒီးမဲာ်တဲးလဲးတဆံခံဒုစ့ၢ်ကီးလၢကမၤကဆှီထီၣ်က့ၤအသးလၢ တၢ်ဒဲးဘးအဂီၢ်န့ၣ်လီၤ. ကယဲၢ်ဆၣ်ဖိကီၢ်ဖိခဲလၢာ်အံၤဘၣ်တၢ်ဆိၣ်ကဲၤအီၤဒ်တၢ်လုၢ်တၢ် ပာ်တဖၣ်အသိးဆူယွၤန့ၣ်လီၤ.

လံာ်တၢ်ဟးထီၣ်ကွံာ် 29:14

မ့မ့ၢ်, ဂီၤဖံးဖါအညၣ်, အဖံးတဖၣ်ဒီးအပှံာ်အကဖုတဖၣ်န့ၣ်ဆူးကဲၤထီၣ်အီၤလၢသူၣ်ဒဲလီၢ်အချၢတက့ၢ်. အဝဲအံၤမ့ၢ်တၢ်လုၢ်မၤဘူၣ်တခါလၢကတြူာ်ကွံာ်ပှၤလုၢ်တၢ်အခိၣ်တဖၣ်အတၢ်ဒဲးဘးတဖၣ်န့ၣ်လီၤ.

လံာ်ယဃ့းစက့လး 45:22

လၢမူးအခီၣ်ထံးတသီအနံၤန့ၣ်စီၤပၤဖိခွါလၢအပၢတၢ်ကဘၣ် လုၢ်ထီၣ်ဂီၤဖံးဖါဖိတဒုဒ်တၢ်လုၢ်တၢ်ပာ်တမံၤအသိးလၢအဝဲ အတၢ်ဒဲးဘးတဖၣ်အဂီၢ်ဒီးလၢကယဲၢ်ပှၤဂီၢ်မုၢ်တဖၣ်အတၢ်ဒဲးဘး တဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:15

အန့ၣ်ဝံၤဒီးကဘၣ်မၤသံဝဲမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘး လၢပှၤဂီၢ်မုၢ်အဂီၢ်န့ၣ်လီၤ. ဒီးကဘၣ်လဲၤစိာ်နုာ်တၢ်သွံၣ်တနီၤဆူတၢ်လီၢ်စီဆှံကတၢၢ်ဒီး ဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အလိၤတနီၤဒီးလၢ တၢ်အၢၣ်လီၤအီလီၤတလါအမဲာ်ညါဒ်အမၤတ့ၢ်ဝဲလၢဂီၤဖံးဖါတဒု အသွံၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:21

ဒီးကဘၣ်ပာ်ထီၣ်အစုခံခီလိာ်လၢမဲာ်တဲးလဲးန့ၣ်အခိၣ် လိၤဒီးတဲလီၤကျဲၤလီၤအံၣ်စရ့လးအပှၤဂီၢ်မုၢ်အတၢ်အၢတၢ်သီတဖၣ်ခဲလၢာ်, အတၢ်ဒဲးဘးတဖၣ်, ဒီးကီၢ်အံၣ်စရ့လးအပှၤဂီၢ်မုၢ်အတၢ်ပူထီၣ် တဖၣ်ဒ်သိးအပာ်ထီၣ်အီၤလၢမဲာ်တဲးလဲးတဒုန့ၣ်အခိၣ်လိၤန့ၣ် လီၤ. အန့ၣ်ဝံၤဒီးမဲာ်တဲးလဲးတဒုန့ၣ်ကဘၣ်တၢ်ပျဲကွံာ်အီၤဆူပှၢ် မုၢ်ကနၢခီဖျိပှၤလၢဘၣ်တၢ်ဃုထၢအီၤလၢတၢ်မၤအံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:27

ဂီၤဖံးဖါဒီးမဲာ်တဲးလဲးလၢအဘၣ်တၢ်သူအီၤလၢတၢ်လုၢ်တၢ်ပျၢ် တၢ်ဒဲးဘးအဂီၢ်အသွံၣ်လၢအဘၣ်တၢ်လဲၤစိာ်နုာ်အီၤဆူ တၢ်လီၢ်စီဆှံကတၢၢ်အပူၤလၢကစိာ်ကွံာ်တၢ်ဒဲးဘးအဂီၢ်န့ၣ်ကဘၣ် တၢ်စိာ်ကွံာ်အီၤဆူဒဲအချၢဒီးဆူးကဲၤထီၣ်ကွံာ်အီၤန့ၣ်လီၤ. အဖံး, အညၣ်ဒီးအအ့ၣ်ခဲလၢာ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:13

ပှၤအံၣ်စရ့လးဖိဒီတဖုမ့ၢ်မၤဘၣ်တၢ်ဒဲးဘးဒီးကဲထီၣ်တၢ် ခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ်သူၣ်ပာ်သးအပူၤ,

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:11

အန့ၣ်ဝံၤဒီးကဘၣ်လဲလိာ်က့ၤအဆ့ကၤဒီးလဲၤစိာ်ဖၣ်ဆါတဖၣ်န့ၣ် ဆူတၢ်လီၢ်ကဆှီလၢဒဲအချၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:23

တၢ်လုၢ်ဘုဧိၤဟုဧိၤလၢပှၤလုၢ်တၢ်အခိၣ်လုၢ်ထီၣ်ဝဲန့ၣ်တၢ်တဘၣ် အီၣ်အီၤဘၣ်. ဒီးကဘၣ်တၢ်ဆူးကဲၤကွံာ်အီၤခဲလၢာ်လီၤ.

လံာ်တၢ်ဘူၣ်ထီၣ်ဘါထီၣ် 8:17

မ့မ့ၢ်တၢ်လၢအအိၣ်တ့ၢ်ဒီးဂီၤဖံးဖါဖိလၢအမ့ၢ်အဖံး, အညၣ်, ဒီးအပှံာ်အကဖုတဖၣ်န့ၣ်ဆူးကဲၤထီၣ်ဝဲလၢပှၤသူၣ်ဒဲလီၢ် အချၢဒ်ယွၤမၤလိာ်အီၤအသိးန့ၣ်လီၤ.

လံာ်တၢ်ဂံၢ် 15:24

လၢကမျၢၢ်ဒီဒူၣ်တပာ်သူၣ်ပာ်သးအဃိဒီး, တၢ်ကမူၤကမၣ်မ့ၢ်မၤဘၣ် ဖုးအသးန့ၣ်, အဝဲသ့ၣ်ကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်မ့ၣ်အူလၢ အသိး, တၢ်နၢမူလၢအဘၣ်ယွၤအသး, ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံလီၤတံၢ်လီၤ ဆဲးန့ၣ်လီၤ. လၢန့ၣ်အမဲာ်ညါ, အဝဲသ့ၣ်ကဘၣ်လုၢ်စ့ၢ်ကီးမဲာ်တဲးလဲးဖါတဒုဒ် တၢ်လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 13:11

အဂ့ၢ်ဒ်အံၤ, ဆၣ်ဖိကီၢ်ဖိ, လၢအသွံၣ်ဘၣ်တၢ်စိာ်နုာ်အီၤဆူတၢ်လီၢ်စီဆှံကတၢၢ်အပူၤ လၢပှၤလုၢ်တၢ်အခိၣ်အဒိၣ်ကတၢၢ်ဒ်တၢ်လုၢ်လၢတၢ်ဒဲးဘးအဂီၢ် အသိးန့ၣ်, ဘၣ်တၢ်ဆူးကဲၤထီၣ်အီၤလၢဒဲအချၢလီၤ.