လံာ်တၢ်ဘူၣ်ထီၣ်ဘါထီၣ် 4:19 - Sgaw Karen Common Bible

¹⁹ ဒီးကဘၣ်ဟံးန့ၢ်အသိခဲလၢာ်ဒီးဆိၣ်ကဲၤထီၣ်ကွံာ်အီၤလၢတၢ် လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:19 Iomraidhean Croise

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:18

ဒီးကဘၣ်ပာ်ထီၣ်သိလၢအိၣ်တ့ၢ်လၢအစုလၣ်ပူၤန့ၣ်လၢပှၤတ ဂၤန့ၣ်အခိၣ်လိၤန့ၣ်လီၤ. အန့ၣ်ဒီးပှၤလုၢ်တၢ်အခိၣ်ကမၤ ဝဲတၢ်မၤကဆှီထီၣ်က့ၤအလုၢ်အလၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:35

အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:7

ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ကမၣ်လၢအဂီၢ်ဒီး အတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.