လံာ်တၢ်ဘူၣ်ထီၣ်ဘါထီၣ် 4:17 - Sgaw Karen Common Bible

¹⁷ ဒီးဘျၢလီၤအစုမုၢ်တဘိလၢတၢ်သွံၣ်အပူၤဒီးဖှံအီၤနွံစု လၢယၣ်ဘျးတဒၢအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:17 Iomraidhean Croise

လံာ်တၢ်ဘူၣ်ထီၣ်ဘါထီၣ် 14:7

ဒီးပှၤလၢအဘၣ်တၢ်မၤကဆှီထီၣ်က့ၤအီၤလၢတၢ်ဆါအၢန့ၣ်ကဘၣ်တၢ် ဖှံအီၤလၢတၢ်သွံၣ်နွံဘျီဒီးကဒုးသ့ၣ်ညါဝဲလၢအကဆှီထီၣ်လံန့ၣ်လီၤ. ဒီးကပျဲထိၣ်လၢအမူတဘ့ၣ်န့ၣ်ယူၤကွံာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:14

ဒီးကဘၣ်ဟံးန့ၢ်ဂီၤဖံးဖါန့ၣ်အသွံၣ်တနီၤ, ဒီးဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အမဲာ်ညါလၢအစုမုၢ် န့ၣ်လီၤ. အန့ၣ်ဝံၤဒီးဖှံအီၤတနီၤလၢတၢ်အၢၣ်လီၤအီလီၤတလါအမဲာ်ညါ နွံစုန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 4:16

အန့ၣ်ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ဟဲစိာ်ဂီၤဖံးဖါ အသွံၣ်တနီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤ,

လံာ်တၢ်ဘူၣ်ထီၣ်ဘါထီၣ် 4:5

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ဟံးန့ၢ်ဂီၤဖံးဖါ အသွံၣ်တနီၤဒီးစိာ်အီၤဆူတၢ်ဘူၣ်ထီၣ်ဘါထီၣ်ယွၤအဒဲပူၤလီၤ.

လံာ်တၢ်ဘူၣ်ထီၣ်ဘါထီၣ် 8:11

ဒီးဟံးန့ၢ်ဝဲသိတနီၤဒီးဖှံတၢ်လုၢ်လီၢ်အဖီခိၣ်ဒီး တၢ်အပီးအလီခဲလၢာ်, ဒီးသရာ်အဖီခိၣ်ဒီးအခီၣ်ထံးနွံစု, ဒ်တၢ်ပာ်စီဆှံထီၣ်တၢ်တဖၣ်အံၤဆူယွၤအအိၣ်န့ၣ်လီၤ.

လံာ်တၢ်ဂံၢ် 19:4

အန့ၣ်ဝံၤဒီးစီၤအလၤဧစၢ်ကဘၣ်ဟံးန့ၢ်အသွံၣ်တနီၤဒီးကဘၣ်ဖှံ အီၤလိၤလိၤဆူဒဲစီဆှံန့ၣ်နွံဘျီလၢအစုမုၢ်လီၤ.