လံာ်တၢ်ဘူၣ်ထီၣ်ဘါထီၣ် 4:13 - Sgaw Karen Common Bible

¹³ ပှၤအံၣ်စရ့လးဖိဒီတဖုမ့ၢ်မၤဘၣ်တၢ်ဒဲးဘးဒီးကဲထီၣ်တၢ် ခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ်သူၣ်ပာ်သးအပူၤ,

လံာ်တၢ်ဘူၣ်ထီၣ်ဘါထီၣ် 4:13 Iomraidhean Croise

လံာ်စီၤဧ့စြၤ 10:19

အဝဲသ့ၣ်အၢၣ်လီၤအီလီၤတ့ၢ်အသးလၢကပာ်မၢ်ကွံာ်အမါတဖၣ်ဒီး အဝဲသ့ၣ်လုၢ်ထီၣ်သိဖါတဒုဒ်တၢ်လုၢ်တၢ်ပာ်တမံၤလၢအဝဲသ့ၣ် အတၢ်ဒဲးဘးအဂီၢ်န့ၣ်လီၤ.

စံးထီၣ်ပတြၢၤ 19:13

တြီဃာ်စ့ၢ်ကီးနခ့နပှၤလၢတၢ်ဒဲးဘးအဒူတက့ၢ်. မ်အသုတပၢယၤတဂ့ၤ, မ့မ့ၢ်ဒ်န့ၣ်ဒီး, တၢ်ပာ်တၢ်ကမၣ်လၢယလိၤအလီၢ်တအိၣ်ဘၣ်ဒီး ယကပူၤဖျဲးဒီးတၢ်ကမၣ်အဒိၣ်အယိာ်န့ၣ်လီၤ.

လံာ်ယဃ့းစက့လး 45:22

လၢမူးအခီၣ်ထံးတသီအနံၤန့ၣ်စီၤပၤဖိခွါလၢအပၢတၢ်ကဘၣ် လုၢ်ထီၣ်ဂီၤဖံးဖါဖိတဒုဒ်တၢ်လုၢ်တၢ်ပာ်တမံၤအသိးလၢအဝဲ အတၢ်ဒဲးဘးတဖၣ်အဂီၢ်ဒီးလၢကယဲၢ်ပှၤဂီၢ်မုၢ်တဖၣ်အတၢ်ဒဲးဘး တဖၣ်အဂီၢ်န့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:5

ဒီးအံၣ်စရ့လးအပှၤဂီၢ်မုၢ်ကဘၣ်ဟ့ၣ်စီၤအၤဟရိၣ်လၢမဲာ်တဲးလဲးဖါခံဒုလၢတၢ်လုၢ်တၢ် ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:21

အန့ၣ်ဝံၤဒီးအဝဲကဘၣ်လဲၤစိာ်ဂီၤဖံးဖါန့ၣ်ဆူဒဲအချၢဒီး ဆိၣ်ကဲၤထီၣ်ကွံာ်အီၤဒ်အဆိၣ်ကဲၤဝဲဂီၤဖံးဖါလၢတၢ်လုၢ်မၤ ဘူၣ်လၢအကစၢ်ဒၣ်ဝဲအတၢ်ဒဲးဘးအဂီၢ်အသိးန့ၣ်လီၤ. တၢ်အံၤမ့ၢ်တၢ်ပျၢ်တၢ်ဒဲးဘးအတၢ်လုၢ်လၢပှၤအံၣ်စရ့လးဖိဒီ တဖုအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:17

ပှၤတဂၤမ့ၢ်မၤတၢ်ဒဲးဘးလၢတၢ်တတိာ်သူၣ်ပာ်သးအပူၤခီဖျိတၢ် လဲၤခီပတာ်ယွၤအတၢ်မၤလိာ်တမံၤလၢ်လၢ်န့ၣ်, အတၢ်ကမၣ်အိၣ်ဒီးကဘၣ်တူၢ်အတၢ်ကမၣ်ဒၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:4

ဒီးတုၤပှၤတဂၤဂၤမၤတၢ်ဒဲးဘးလၢအဘၣ်ထွဲဒီးတၢ်တမံၤမံၤအံၤန့ၣ်, အဝဲကဘၣ်ဟ့ၣ်က့ၤတၢ်လၢအမၤန့ၢ်ဝဲလၢတၢ်တတီတလိၤအပူၤတမံၤလၢ်လၢ်န့ၣ်လီၤ.

လံာ်တၢ်ဂံၢ် 15:22

ဘၣ်ဆၣ်ဒီး, လၢတၢ်တပာ်သူၣ်ပာ်သးအပူၤပစံးဒၣ်ကလိာ်ပှၤတဂၤဂၤ ကလီၤတိၢ်ဝဲလၢတတိၢ်န့ၢ်တၢ်သိၣ်တၢ်သီတဖၣ်အံၤအကျါတနီၤနီၤ လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

1 ကရံၣ်သူး 11:27

လၢတၢ်န့ၣ်အဃိပှၤတဂၤလၢအအီၣ်ကစၢ်အကိၣ်, ဒီးအီတၢ်လၢအလီခီပူၤလၢကျဲလၢအမၤဟးဂီၤအဝဲဒၣ် အလၤကပီၤန့ၣ်, အဝဲဒၣ်မၤကမၣ်ဘၣ်ကစၢ်အနီၢ်ခိဒီးအသွံၣ်လီၤ.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.