လံာ်တၢ်ဘူၣ်ထီၣ်ဘါထီၣ် 4:12 - Sgaw Karen Common Bible

¹² ဒီးတၢ်အိၣ်လီၤတဲာ်တဖၣ်န့ၣ်ကဘၣ်စိာ်ကွံာ်ဝဲဆူသူၣ်ဒဲအလီၢ် အချၢဖဲတၢ်လီၢ်ကဆှီလၢအမ့ၢ်တၢ်ဂၢ်လီၤဖၣ်ဆါအလီၢ်ဒီးကဘၣ်ဆိၣ် ကဲၤထီၣ်ကွံာ်ဝဲလၢသ့ၣ်မုၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:12 Iomraidhean Croise

လံာ်တၢ်ဟးထီၣ်ကွံာ် 29:14

မ့မ့ၢ်, ဂီၤဖံးဖါအညၣ်, အဖံးတဖၣ်ဒီးအပှံာ်အကဖုတဖၣ်န့ၣ်ဆူးကဲၤထီၣ်အီၤလၢသူၣ်ဒဲလီၢ်အချၢတက့ၢ်. အဝဲအံၤမ့ၢ်တၢ်လုၢ်မၤဘူၣ်တခါလၢကတြူာ်ကွံာ်ပှၤလုၢ်တၢ်အခိၣ်တဖၣ်အတၢ်ဒဲးဘးတဖၣ်န့ၣ်လီၤ.

လံာ်ယဃ့းစက့လး 43:21

နကဘၣ်ဟံးန့ၢ်ဂီၤဖံးဖါဖိလၢတၢ်လုၢ်ထီၣ်အီၤဒ်တၢ်လုၢ်တၢ်ပာ် တမံၤလၢတၢ်လုၢ်တၢ်ဒဲးဘးအဂီၢ်န့ၣ်ဒီးဆိၣ်ကဲၤထီၣ်အီၤလၢ တၢ်လီၢ်ဖဲတၢ်ပာ်လီၤဆီအီၤလၢတၢ်လုၢ်ဟံၣ်အလီၢ်ကဝီၤအချၢ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:46

ဖဲတၢ်ဆါအၢအိၣ်ဒီးအီၤအဖၢမုၢ်န့ၣ်အဝဲမ့ၢ်ပှၤတကဆှီ ဘၣ်တဂၤလီၤ. ဒီးအဝဲကဘၣ်အိၣ်လၢတၢ်သူၣ်ဒဲလီၢ်အချၢလၢ အစီၤစုၤဒီးပှၤဂုၤပှၤဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:27

ဂီၤဖံးဖါဒီးမဲာ်တဲးလဲးလၢအဘၣ်တၢ်သူအီၤလၢတၢ်လုၢ်တၢ်ပျၢ် တၢ်ဒဲးဘးအဂီၢ်အသွံၣ်လၢအဘၣ်တၢ်လဲၤစိာ်နုာ်အီၤဆူ တၢ်လီၢ်စီဆှံကတၢၢ်အပူၤလၢကစိာ်ကွံာ်တၢ်ဒဲးဘးအဂီၢ်န့ၣ်ကဘၣ် တၢ်စိာ်ကွံာ်အီၤဆူဒဲအချၢဒီးဆူးကဲၤထီၣ်ကွံာ်အီၤန့ၣ်လီၤ. အဖံး, အညၣ်ဒီးအအ့ၣ်ခဲလၢာ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:21

အန့ၣ်ဝံၤဒီးအဝဲကဘၣ်လဲၤစိာ်ဂီၤဖံးဖါန့ၣ်ဆူဒဲအချၢဒီး ဆိၣ်ကဲၤထီၣ်ကွံာ်အီၤဒ်အဆိၣ်ကဲၤဝဲဂီၤဖံးဖါလၢတၢ်လုၢ်မၤ ဘူၣ်လၢအကစၢ်ဒၣ်ဝဲအတၢ်ဒဲးဘးအဂီၢ်အသိးန့ၣ်လီၤ. တၢ်အံၤမ့ၢ်တၢ်ပျၢ်တၢ်ဒဲးဘးအတၢ်လုၢ်လၢပှၤအံၣ်စရ့လးဖိဒီ တဖုအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:23

တၢ်လုၢ်ဘုဧိၤဟုဧိၤလၢပှၤလုၢ်တၢ်အခိၣ်လုၢ်ထီၣ်ဝဲန့ၣ်တၢ်တဘၣ် အီၣ်အီၤဘၣ်. ဒီးကဘၣ်တၢ်ဆူးကဲၤကွံာ်အီၤခဲလၢာ်လီၤ.

လံာ်တၢ်ဘူၣ်ထီၣ်ဘါထီၣ် 6:30

ဘၣ်ဆၣ်ဒီးတၢ်သွံၣ်တနီၤနီၤမ့ၢ်ဘၣ်တၢ်စိာ်နုာ်အီၤဆူတၢ်ဘူၣ် ထီၣ်ဘါထီၣ်ယွၤအဒဲအပူၤဒီးသူအီၤလၢ တၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်, ဆၣ်ဖိကီၢ်ဖိအံၤတၢ်တဘၣ်အီၣ်အီၤဘၣ်ဒီး ကဘၣ်တၢ်ဆူးကဲၤကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:4

ဒီးတုၤပှၤတဂၤဂၤမၤတၢ်ဒဲးဘးလၢအဘၣ်ထွဲဒီးတၢ်တမံၤမံၤအံၤန့ၣ်, အဝဲကဘၣ်ဟ့ၣ်က့ၤတၢ်လၢအမၤန့ၢ်ဝဲလၢတၢ်တတီတလိၤအပူၤတမံၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:17

မ့မ့ၢ်တၢ်လၢအအိၣ်တ့ၢ်ဒီးဂီၤဖံးဖါဖိလၢအမ့ၢ်အဖံး, အညၣ်, ဒီးအပှံာ်အကဖုတဖၣ်န့ၣ်ဆူးကဲၤထီၣ်ဝဲလၢပှၤသူၣ်ဒဲလီၢ် အချၢဒ်ယွၤမၤလိာ်အီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:11

မ့မ့ၢ်အညၣ်ဒီးအဖံးတဖၣ်န့ၣ်ဆူးကဲၤဝဲလၢဒဲအချၢန့ၣ်လီၤ.

လံာ်တၢ်ဂံၢ် 15:35

အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

လံာ်တၢ်ဂံၢ် 19:3

ဒီးဟ့ၣ်လီၤအီၤဆူပှၤလုၢ်တၢ်အခိၣ်စီၤအလၤဧစၢ်အအိၣ်တက့ၢ်. တၢ်န့ၣ်ကဘၣ်တၢ်လဲၤစိာ်အီၤဆူသူၣ်ဒဲလီၢ်အချၢဒီးမၤသံအီၤလၢ အဝဲအမဲာ်ညါန့ၣ်လီၤ.

လံာ်တၢ်ဂံၢ် 19:5

ဆၣ်ဖိကီၢ်ဖိဒီဒုညါဃုာ်ဒီးအဖံးအညၣ်, အသွံၣ်ဒီးအပှံာ်အကဖု ခဲလၢာ်န့ၣ်ကဘၣ်တၢ်ဆိၣ်ကဲၤထီၣ်ကွံာ်အီၤလၢပှၤလုၢ်တၢ်အခိၣ် အမဲာ်ညါန့ၣ်လီၤ.

လံာ်တၢ်ဂံၢ် 5:3

မၢအဝဲသ့ၣ်ကိးဂၤဒဲးလၢအတကဆှီဘၣ်တဖၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်အသိးဟးထီၣ်ကွံာ်ခဲလၢာ်, ဒ်သိးအဝဲသ့ၣ်သုတမၤဘၣ်အၢသူၣ်ဒဲလီၢ်ကဝီၤဖဲယ အိၣ်ဆိးလၢယပှၤဂီၢ်မုၢ်အသိးအကျါတဂ့ၤအဂီၢ်န့ၣ်တက့ၢ်.”

ဧ့ၤဘြံၤ 13:11

အဂ့ၢ်ဒ်အံၤ, ဆၣ်ဖိကီၢ်ဖိ, လၢအသွံၣ်ဘၣ်တၢ်စိာ်နုာ်အီၤဆူတၢ်လီၢ်စီဆှံကတၢၢ်အပူၤ လၢပှၤလုၢ်တၢ်အခိၣ်အဒိၣ်ကတၢၢ်ဒ်တၢ်လုၢ်လၢတၢ်ဒဲးဘးအဂီၢ် အသိးန့ၣ်, ဘၣ်တၢ်ဆူးကဲၤထီၣ်အီၤလၢဒဲအချၢလီၤ.