လံာ်တၢ်ဘူၣ်ထီၣ်ဘါထီၣ် 3:16 - Sgaw Karen Common Bible

¹⁶ ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်လၢအမၤမုာ်ယွၤအသးအသိးန့ၣ်လီၤ. တၢ်အသိခဲလၢာ်န့ၣ်မ့ၢ်ယွၤအတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:16 Iomraidhean Croise

လံာ်တၢ်ကဲထီၣ်အခီၣ်ထံး 4:4

ဒီးစီၤဟ့းဘ့းလးဟဲစိာ်စ့ၢ်ကီးသိဝဲၢ်ကိလၢအဖှံလီၤလၢအသိ အကျါတဒုဒီးမၤသံဝဲဝံၤနီၤဖးဝဲတၢ်ဖံးတၢ်ညၣ်အဂ့ၤကတၢၢ် တနီၤဒီးဟ့ၣ်ထီၣ်ဝဲဒ်တၢ်လုၢ်တၢ်ပာ်တမံၤအသိးန့ၣ်လီၤ. ယွၤဘၣ်သူၣ်ဘၣ်သးလၢစီၤဟ့းဘ့းလးဒီးအတၢ်လုၢ်တၢ်ပာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:35

လၢတၢ်လုၢ်ထီၣ်တၢ်လုၢ်တၢ်ပာ်တဖၣ်လၢကဘၣ်တၢ်ဆူးကဲၤထီၣ်အီၤဒီ တဒုအမဲာ်ညါန့ၣ်, ပှၤလုၢ်တၢ်အခိၣ်တဖၣ်အိၣ်မူ အိၣ်ဒါစ့ၢ်ကီးလၢကဆူးကဲၤထီၣ်တၢ်အသိတဖၣ်လၢအဘၣ်တၢ်လုၢ်ထီၣ် အီၤ, ဟဲလၢတၢ်လုၢ်တၢ်ပာ်တဖၣ်လၢပှၤဂီၢ်မုၢ်အီၣ်ဝဲအပူၤ, ဒီးလၢတၢ်လူလီၤစပံးထံလၢအဘၣ်တၢ်လုၢ်ထီၣ်အီၤဃုာ်ဒီးတၢ် လုၢ်ဆူးကဲၤတဖၣ်န့ၣ်လီၤ. ဒီးလၢတၢ်န့ၣ်အဃိ, တၢ်ဘူၣ်တၢ်ဘါထီၣ်လၢယွၤအတၢ်လုၢ်ဟံၣ်အပူၤ စးထီၣ်ကဒါက့ၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:7

စီၤၡလိၤမိၤပာ်စီဆှံထီၣ်ဝဲဂၢၤအတၢ်လီၢ်လၢတၢ်ခၢၣ်သးက တၢၢ်, တၢ်လီၢ်ကဝီၤလၢအအိၣ်ဝဲဖဲယွၤအတၢ်လုၢ်ဟံၣ်အမဲာ်ညါ, အဝဲလုၢ်ထီၣ်တၢ်လုၢ်တၢ်ပာ်တဖၣ်လၢအမ့ၢ်, တၢ်လုၢ်ဆူးကဲၤဒီတဒုညါ, တၢ်လုၢ်ဘုဧိၤဟုဧိၤတဖၣ်ဒီးတၢ်အသိတဖၣ်လၢတၢ်လုၢ်မၤဃူမၤဖိး အပူၤန့ၣ်လီၤ. အဝဲမၤတ့ၢ်တၢ်အံၤမ့ၢ်လၢတၢ်လုၢ်လီၢ်တိၢ်ဘီလၢ အဝဲဘှီထီၣ်တ့ၢ်ဝဲန့ၣ်, ဆံးကဲာ်ဆိးလၢတၢ်လုၢ်တၢ်ပာ်ခဲလၢာ်အံၤအဂီၢ် အဃိန့ၣ်လီၤ.

လံာ်တၢ်ဟးထီၣ်ကွံာ် 29:13

မၤကဒီးတစု, ဟံးန့ၢ်ကယဲၢ်တၢ်အသိလၢအကျးဘၢအပှံာ်အကဖုတဖၣ်န့ၣ်ခဲလၢာ်, ဒီးတၢ်အဂ့ၤကတၢၢ်လၢအသူၣ်, ဒီးအကလ့ၢ်ခံဖျၢၣ်ဃုာ်ဒီးအသိလၢအလိၤဒီးဆူးကဲၤထီၣ်အီၤလၢတၢ်လုၢ်လီၢ်အလိၤဒ် တၢ်လုၢ်မၤဘူၣ်တမံၤအသိးဆူယအိၣ်တက့ၢ်.

လံာ်တၢ်ဟးထီၣ်ကွံာ် 29:22

ကူးတဲာ်ကွံာ်သိဖါအသိ, အမဲၢ်ဘီၣ်, တၢ်အသိလၢအကျးဘၢအပှံာ် အကဖုတဖၣ်, တၢ်အဂ့ၤကတၢၢ်လၢအသူၣ်ကျါ, အကလ့ၢ်ခံဖျၢၣ်ဒီးအသိ အိၣ်လၢအလိၤ, ဒီးအကံၣ်ဒုၣ်လၢအထွဲတခီန့ၣ်တက့ၢ်.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:6

ပှၤလုၢ်တၢ်အခိၣ်ကဘၣ်ဖှံတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လၢ တၢ်သွံၣ်ဖဲအမဲာ်ညါဒီးဆိၣ်ကဲၤထီၣ်တၢ်နၢမူလၢကမၤမုာ်ယွၤအသးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 8:25

အဝဲဟံးန့ၢ်တၢ်အသိ, အမဲၢ်ဘီၣ်, ဒီးတၢ်အသိခဲလၢာ်လၢအပှံာ်အကဖုတဖၣ်အလိၤ, အသူၣ်အဂ့ၤကတၢၢ်တခီ, အကလ့ၢ်တဖၣ်ဃုာ်ဒီးအသိအိၣ်လၢအလိၤ, ဒီးအကံၣ်ဒုၣ်အထွဲတခီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:24

ဒီးယွၤဆှၢလီၤမ့ၣ်အူသတူၢ်ကလာ်ဒီးအီၣ်ကွံာ်တၢ်လုၢ်မ့ၣ်အူ ဒီးအသိတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. ဒီးဖဲပှၤဂီၢ်မုၢ် ထံၣ်ဘၣ်တၢ်န့ၣ်, အဝဲသ့ၣ်ခဲလၢာ်ကိးသတြီထီၣ်ဒီးထိၣ်လီၤပှီၤအသးလီၤ.

လံာ်မးသဲ 22:37

ယ့ၣ်ၡူးစံးဆၢအီၤ, “ ‘အဲၣ်ယွၤနကစၢ်ယွၤလၢနသူၣ်ကံၢ်သးလဲဒီးနသးဒီဖျၢၣ်ညါ, ဒီးနတၢ်ကူၣ်တၢ်ဆးတုၤအလၢာ်တက့ၢ်’ (သိၣ်သီ. ၆:၅).