လံာ်တၢ်ဘူၣ်ထီၣ်ဘါထီၣ် 3:12 - Sgaw Karen Common Bible

^12-13 ဒီးပှၤတဂၤဂၤမ့ၢ်လုၢ်ထီၣ်မဲာ်တဲးလဲးတဒုန့ၣ်, အဝဲကဘၣ်ပာ်အစုလၢအမဲာ်တဲးလဲးအခိၣ်လိၤ, ဒီးမၤသံအီၤဖဲတၢ် ဘူၣ်ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်ကလူလီၤတၢ် သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:12 Iomraidhean Croise

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:2

လၢပှၤအံၣ်စရ့လးဖိကတိၢ်နီၣ်မၤထွဲဝဲဖဲအလုၢ်ထီၣ်တၢ်လုၢ်တၢ် ပာ်တဖၣ်န့ၣ်လီၤ. ပှၤတဂၤလၢ်လၢ်မ့ၢ်လုၢ်ထီၣ်တၢ်လုၢ်တၢ်ပာ်ဘၣ်ဃးဒီးဆၣ်ဖိကီၢ်ဖိန့ၣ်, ကဘၣ်မ့ၢ်အဂီၤဖံး, မ့တမ့ၢ်အသိ, မ့တမ့ၢ်အမဲာ်တဲးလဲးအကျါတဒုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:6

ဒီးအဝဲကဘၣ်အုၣ်ကွံာ်ဝဲအဖံးဒီးဒီၣ်တဲာ်အီၤတကူာ်တကူာ်လီၤ.

လံာ်တၢ်ဘူၣ်ထီၣ်ဘါထီၣ် 10:16

တုၤစီၤမိၤၡ့သံကွၢ်တၢ်ဘၣ်ဃးမဲာ်တဲးလဲးတဒုလၢ တၢ်လုၢ်တၢ်ပျၢ်တၢ်ဒဲးဘးအဂီၢ်အဂ့ၢ်ဒီးသ့ၣ်ညါဝဲလၢအဘၣ်တၢ် ဆိၣ်ကဲၤထီၣ်ကွံာ်လံအီၤန့ၣ်, အသးထီၣ်ဘၣ်စီၤအလၤဧစၢ်ဒီးစီၤအံသမၢ်လီၤ. ဒီးစီၤမိၤၡ့သံကွၢ်ဝဲ,

လံာ်တၢ်ဘူၣ်ထီၣ်ဘါထီၣ် 3:1

ပှၤတဂၤလၢ်လၢ်မ့ၢ်လုၢ်ထီၣ်အဂီၤဖံးဒ်တၢ်လုၢ်မၤဃူမၤဖိးအသိးန့ၣ်, ကဘၣ်မ့ၢ်ဂီၤဖံးအဖါတဒုမ့တမ့ၢ်အမိၢ်တဒုလၢအတအိၣ်ဒီးမဲၣ်သူ မဲၣ်ဂီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:15

မၤကဒီးတစု, စီၤအၤဟရိၣ်လုၢ်ထီၣ်ပှၤဂီၢ်မုၢ်အတၢ်လုၢ်တဖၣ်န့ၣ်လီၤ. အဝဲဟံးန့ၢ်မဲာ်တဲးလဲးလၢကဘၣ်တၢ်လုၢ်ထီၣ်အီၤလၢပှၤဂီၢ်မုၢ်အတၢ်ဒဲးဘးအဂီၢ်, ဒီးမၤသံဝဲဒီးလုၢ်ထီၣ်ဝဲဒ်အမၤဝဲလၢအနီၢ်ကစၢ်ဒၣ်ဝဲအတၢ်လုၢ် တၢ်ပျၢ်တၢ်ဒဲဘးအဂီၢ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:3

ဒီးစံးဘၣ်ပှၤအံၣ်စရ့လးဖိတဖၣ်လၢကဟဲစိာ်ဝဲမဲာ်တဲးလဲး ဖါတဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးဂီၤဖံးတနံၣ်ဖိတဒု, ဒီးသိတနံၣ်ဖိတဒုလၢမဲၣ်သူမဲၣ်ဂီၤတအိၣ်ဘၣ်လၢတၢ်လုၢ်မ့ၣ်အူအဂီၢ်,

လံာ်တၢ်ဂံၢ် 15:6

ဖဲတၢ်လုၢ်ထီၣ်ပာ်ထီၣ်သိဖါတဒုန့ၣ်ကိၣ်ကမူၣ်အဃၢလီၤတယၢၢ်ခံ အ့စရိၣ်ဃါဃုာ်ဒီးသ့ၣ်စၤယံးအသိတဟံၣ်သၢပူတပူကဘၣ်တၢ်ဟဲ စိာ်ဃုာ်အီၤဒ်တၢ်လုၢ်ဘုဧိၤဟုဧိၤအသိးဃုာ်ဒီးစပံးထံတဟံၣ် သၢပူတပူန့ၣ်လီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.