လံာ်တၢ်ဘူၣ်ထီၣ်ဘါထီၣ် 3:11 - Sgaw Karen Common Bible

¹¹ ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:11 Iomraidhean Croise

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

လံာ်ယဃ့းစက့လး 44:7

အဝဲသ့ၣ်မၤဘၣ်အၢဘၣ်သီကွံာ်ယတၢ်လုၢ်ဟံၣ်ခီဖျိပျဲပှၤတခီဘီမုၢ် ဖိတဖၣ်လၢအတဒိးဘၣ်တၢ်ကူးတရံး, ပှၤဂီၢ်မုၢ်တဖၣ်လၢအတစူၢ် ဘၣ်ယၤလဲၤနုာ်ဆူယွၤအတၢ်လုၢ်ဟံၣ်အပူၤဖဲတၢ်လုၢ်တၢ်ပာ်တဖၣ် အသိဒီးအသွံၣ်ဘၣ်တၢ်လုၢ်ထီၣ်ဆူယအိၣ်အခါန့ၣ်လီၤ. လၢတၢ် န့ၣ်အဃိယပှၤဂီၢ်မုၢ်ဘိးဃၣ်ကွံာ်ယတၢ်အၢၣ်လီၤအီလီၤခီဖျိ တၢ်လီၤသးဘၣ်အၢအတၢ်မၤတဖၣ်လၢအဝဲသ့ၣ်မၤတ့ၢ်ဝဲခဲလၢာ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:6

ဒီးကဘၣ်စီဆှံဝဲဒီးတဘၣ်မၤတရီတပါယမံၤဘၣ်. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်အဃိ ဒီးအဝဲကဘၣ်စီဆှံဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:25

ဆၣ်ဖိကီၢ်ဖိလၢတၢ်ပှ့ၤန့ၢ်အီၤလၢ ပှၤတခီဘီမုၢ်ဖိတဖၣ်အအိၣ်န့ၣ်လုၢ်ထီၣ်အီၤဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်သိးတဖၣ်န့ၣ်ဘၣ်တၢ်ပာ်အီၤဒ်ဆၣ်ဖိကီၢ်ဖိလၢ အအိၣ်ဒီးတၢ်လီၤတူာ်လီၤကာ်ဒီးတဘၣ်တၢ်တူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 3:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်လၢအမၤမုာ်ယွၤအသးအသိးန့ၣ်လီၤ. တၢ်အသိခဲလၢာ်န့ၣ်မ့ၢ်ယွၤအတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်မၤလကံ 1:12

ဘၣ်ဆၣ်ဒီးသုမၤတရီတပါယၤခီဖျိ သုစံးလၢယတၢ်လုၢ်လီၢ်အဘျုးတအိၣ်ဘၣ်, ဒီးခီဖျိသုလုၢ်ထီၣ် တၢ်အီၣ်လၢယသးဘၣ်အၢတဖၣ်အဃိန့ၣ်လီၤ.

လံာ်မၤလကံ 1:7

ဒီးသုမၤတရီတပါယၤ, ခီဖျိသုလုၢ်ထီၣ်တၢ်အီၣ်လၢတကြၢးတဘၣ်လၢယတၢ်လုၢ်လီၢ်အဖီခိၣ် လီၤ. ဒီးသုသံကွၢ်, “ပတပာ်ကဲနၤဒ်လဲၣ်.” ဒီးယကတဲဘၣ်သု, သုတပာ်ကဲယၤခီဖျိသုဒုးနဲၣ်ဖျါတၢ်သးဘၣ်အၢလၢယတၢ်လုၢ်လီၢ် အဖီခိၣ်န့ၣ်လီၤ.

လံာ်တၢ်ဂံၢ် 28:24

ဒ်န့ၣ်အသိး, လၢနွံသီအတီၢ်ပူၤလုၢ်ထီၣ်တၢ်လုၢ်တၢ်အီၣ်တၢ် အီတမံၤ, တၢ်နၢမူတမံၤလၢအဘၣ်ယွၤအသးဆူယွၤအအိၣ်တက့ၢ်. လၢတၢ်လုၢ်မ့ၣ်အူဒီးတၢ်လုၢ်စပံးထံလၢတၢ်လုၢ်ထီၣ်အီၤကိး မုၢ်နံၤအမဲာ်ညါန့ၣ်လုၢ်အါထီၣ်တၢ်အံၤတက့ၢ်.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

1 ကရံၣ်သူး 10:21

သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.