လံာ်တၢ်ဘူၣ်ထီၣ်ဘါထီၣ် 27:3 - Sgaw Karen Common Bible

^3-7 ပှၤပိာ်ခွါလၢအသးအိၣ်အနံၣ်ခံဆံတုၤလၢဃုဆံန့ၣ်နဘၣ်ပာ်အပှ့ၤလၢ ၡက့လးယဲၢ်ဆံန့ၣ်လီၤ. ဒီးမ့မ့ၢ်ပိာ်မုၣ်န့ၣ်နဘၣ်ပာ်အပှ့ၤလၢၡက့လး သၢဆံန့ၣ်လီၤ. ပှၤပိာ်ခွါသးစၢ်လၢအသးအိၣ်ယဲၢ်နံၣ်တုၤလၢအနံၣ်ခံဆံန့ၣ် နဘၣ်ပာ်အပှ့ၤလၢၡက့လးခံဆံန့ၣ်လီၤ. ဒီးမ့မ့ၢ်ပိာ်မုၣ်သးစၢ်န့ၣ်နဘၣ်ပာ်အပှ့ၤ လၢၡက့လးတဆံန့ၣ်လီၤ. ပှၤပိာ်ခွါဖိလၢအသးအိၣ်တလါတုၤလၢယဲၢ်နံၣ်န့ၣ်နဘၣ်ပာ်အပှ့ၤ လၢစ့ယဲၢ်ၡက့လးန့ၣ်လီၤ. ဒီးမ့မ့ၢ်ပိာ်မုၣ်ဖိန့ၣ်နဘၣ်ပာ်အပှ့ၤလၢစ့သၢၡက့လးန့ၣ်လီၤ. ပှၤပိာ်ခွါလၢအသးအိၣ်အနံၣ်ဃု ဆံဆူအဖီခိၣ်န့ၣ်နဘၣ်ပာ်အပှ့ၤလၢစ့တဆံယဲၢ်ၡက့လးန့ၣ်လီၤ. ဒီးမ့မ့ၢ်ပိာ်မုၣ်န့ၣ်နဘၣ်ပာ်အပှ့ၤလၢစ့တဆံၡက့လး န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:3 Iomraidhean Croise

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်တၢ်ဟးထီၣ်ကွံာ် 30:13

ပှၤကိးဂၤဒဲးလၢဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ်အတၢ် ကွဲးနီၣ်အပူၤန့ၣ်ကဘၣ်ဟ့ၣ်စ့ဒ်တၢ်လီၤဘၣ်အီၤအသိးဒ်တၢ်လုၢ် ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိးန့ၣ်လီၤ. ပှၤကိးဂၤဒဲးကဘၣ်ဟ့ၣ်စ့အဝဲအံၤဒ်တၢ်လုၢ်မၤဘူၣ်ဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 38:24

ကယဲၢ်ထူလၢဘၣ်တၢ်ပာ်စီဆှံထီၣ်အီၤဆူယွၤလၢဒဲစီဆှံအဂီၢ် န့ၣ်အတယၢၢ်ဃၢဝဲခံဆံခွံကံကၢ်ဒီးၡ့က့လးနွံကယၤသၢဆံဒ် တၢ်အလီၢ်စီဆှံအနီၣ်ထိၣ်အိၣ်ဝဲဒၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:14

ဒီးတုၤပှၤတဂၤပာ်စီဆှံအဟံၣ်ဆူယွၤအအိၣ်န့ၣ် ဒီးဂ့ၤမ့ၢ်ဂ့ၤတဂ့ၤမ့ၢ်ဂ့ၤပှၤလုၢ်တၢ်အခိၣ်ကဘၣ်ပာ်အပှ့ၤန့ၣ်လီၤ. ဒီးတၢ်အပှ့ၤကဘၣ်မ့ၢ်ဝဲဒၣ်ဒ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:25

တၢ်အပှ့ၤခဲလၢာ်ကဘၣ်တၢ်ပာ်လီၤအီၤဒ်ပှၤလုၣ်တၢ်အခိၣ်ပာ်စ့ အနီၣ်ထိၣ်အိၣ်ဝဲဒၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:6

ဒီးကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢ မဲၣ်သူမဲၣ်ဂီၤတအိၣ်ဘၣ်ဒ်တၢ်လုၢ်တၢ်ပာ်အလုၢ်အပှ့ၤအိၣ်ဝဲအသိး ဆူပှၤလုၢ်တၢ်အခိၣ်အအိၣ်လၢတၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ် ကမၣ်အဂီၢ်လီၤ.

လံာ်တၢ်ဂံၢ် 18:16

ဖိသၣ်တဖၣ်လၢအသးအိၣ်တလါန့ၣ်ကဘၣ်တၢ်ပှ့ၤက့ၤအီၤလၢတၢ်အပှ့ၤဒ် တၢ်ပာ်လီၤအီၤလၢစ့နီၣ်ယဲၢ်ဘ့ၣ်လီၤတံၢ်လီၤဆဲးဒ်တၢ်သိၣ်တၢ်သီ အနီၣ်ထိၣ်အသိးန့ၣ်လီၤ.

လံာ်တၢ်ဂံၢ် 3:47

လၢတဂၤအဂီၢ်န့ၣ်သုကဘၣ်ဟ့ၣ်ယဲၢ်ၡက့လးဒ်တၢ်သိၣ်တၢ်သီ အနီၣ်ထိၣ်အိၣ်ဝဲဒၣ်အသိး