လံာ်တၢ်ဘူၣ်ထီၣ်ဘါထီၣ် 27:28 - Sgaw Karen Common Bible

²⁸ တၢ်တမံၤမံၤဒ်အမ့ၢ်ပှၤကညီမ့ၢ်ဂ့ၤ, စံာ်လၢအဘၣ်တၢ်လုၢ်ထီၣ်အီၤလၢာ်လၢာ်ဆ့ဆ့မ့ၢ်ဂ့ၤန့ၣ်, တၢ်ဆါလီၤအီၤမ့ၢ်ဂ့ၤ, တၢ်ပှ့ၤက့ၤအီၤမ့ၢ်ဂ့ၤ, တသ့လ့ၤတက့ၤဘၣ်. မ့ၢ်တၢ်လၢအဘၣ်ဃးဒီးယွၤလီၤစိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:28 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်ယဃ့းစက့လး 44:29

တၢ်လုၢ်ဘုဧိၤဟုဧိၤ, တၢ်လုၢ်တၢ်ဒဲးဘးဒီးတၢ်လုၢ်တၢ်ကမၣ်တဖၣ်က မ့ၢ်ပှၤလုၢ်တၢ်အခိၣ်တဖၣ်အတၢ်အီၣ်ဒီးအဝဲသ့ၣ်ကဒိးန့ၢ် ဘၣ်တၢ်ခဲလၢာ်လၢကီၢ်အံၣ်စရ့လးအပူၤလၢတၢ်ပာ်လီၤဆီအီၤလၢ ယဂီၢ်န့ၣ်လီၤ.

လံာ်ယဃ့းစက့လး 48:14

တၢ်လီၢ်ကဝီၤလၢအဘၣ်တၢ်လုၢ်ထီၣ်အီၤလၢယွၤန့ၣ်မ့ၢ်လီၢ် အဂ့ၤကတၢၢ်လၢကီၢ်ပူၤဒီးပှၤတဘၣ်ဆါကွံာ်အီၤမ့ၢ်ဂ့ၤ, တဘၣ်လဲလိာ်အီၤမ့ၢ်ဂ့ၤ, တဘၣ်ဟ့ၣ်ဆူပှၤအဂၤတဂၤအအိၣ် မ့ၢ်ဂ့ၤနီတဂၤဘၣ်. တၢ်လီၢ်ကဝီၤအံၤစီဆှံဒီးဘၣ်ဃးဒီးယွၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:22

ဒီးအဝဲကအီၣ်ဘၣ်တၢ်အီၣ်လၢအဘၣ်တၢ်လုၢ်ထီၣ်အီၤဆူယအိၣ်, တၢ်အီၣ်လၢအစီအဆှံဒီးအစီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:21

မ့မ့ၢ်ဖဲနံၣ်သဘျ့ခဲကိာ်တဘျီတုၤ ဝဲန့ၣ်ဒီးစံာ်အံၤကကဲထီၣ်ယွၤအတၢ်စုလီၢ်ခီၣ်ခိၣ်လီၤ စိၤဒီးကဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:27

ဘၣ်ဆၣ်ဒီးဆၣ်ဖိကီၢ်ဖိလၢအတကဆှီဘၣ်တ ဒုအဖိဝဲၢ်ကိန့ၣ်ဘၣ်တၢ်ပှ့ၤက့ၤအီၤသ့ဝဲဒ်စ့အနီၣ်ထိၣ်အိၣ် ဝဲအသိးအမဲာ်ညါကဘၣ်ဟ့ၣ်အါထီၣ်ဝဲခံဆံမျးကယၤန့ၣ်လီၤ. မ့ၢ်တဘၣ်တၢ်ပှ့ၤက့ၤအီၤန့ၣ်ဒီးကဘၣ်တၢ်ဆါလီၤကွံာ်အီၤဆူ ပှၤတဂၤဂၤဒ်စ့အနီၣ်ထိၣ်အိၣ်ဝဲဒၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:29

ပှၤကညီတဂၤဂၤဒၣ်လဲာ်မ့ၢ်ဘၣ်တၢ်လုၢ်ထီၣ်အီၤလၢာ်လၢာ်ဆ့ဆ့ န့ၣ်ဘၣ်တၢ်ပှ့ၤက့ၤအီၤတသ့ဘၣ်. ကဘၣ်တၢ်မၤသံကွံာ်အီၤန့ၣ်လီၤ.

လံာ်တၢ်ဂံၢ် 18:14

တၢ်ကိးမံၤဒဲးလၢအအိၣ်လၢကီၢ်အံၣ်စရ့လးအပူၤလၢအဘၣ်တၢ်ပာ် စီဆှံထီၣ်အီၤဆူယအိၣ်လၢတၢ်သူၣ်အိၣ်သးအိၣ်အပူၤန့ၣ်ဘၣ်ဃး ဒီးနၤလီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

လံာ်သိၣ်လီၤသီလီၤတၢ် 25:19

ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.

လံာ်ပှၤစံၣ်ညီၣ်ကွီၢ် 21:11

မၤသံကွံာ်ပိာ်ခွါခဲလၢာ်ဒီးပိာ်မုၣ်လၢအတမ့ၢ်ဘၣ်မုၣ်ကနီၤ တဖၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 21:18

ဘၣ်ဆၣ်ဒီးပပျဲအဝဲသ့ၣ်ထီၣ်ပှၢ်ဒီးပဖိမုၣ်တဖၣ်တသ့ဘၣ်. အဂ့ၢ်ဒ်အံၤ, ပပာ်တၢ်ဆိၣ်အၢလၢပှၤတဂၤလၢ်လၢ်အလိၤလၢအပျဲပှၤဘံၣ်ယၤမံၣ်ဖိထီၣ်ပှၢ်ဒီး ပဖိမုၣ်တဂၤဂၤန့ၣ်လီၤ.”

လံာ်ပှၤစံၣ်ညီၣ်ကွီၢ် 21:5

အဝဲသ့ၣ်သံကွၢ်ဝဲ, “မ့ၢ်ပှၤတဖုဖုလၢအံၣ်စရ့လးအဒူၣ်အကျါ လၢအတလဲၤဘၣ်ဆူတၢ်ပာ်ဖှိၣ်ထီၣ်အသးအလီၢ်လၢယွၤ အမဲာ်ညါဖဲမံးစပၤန့ၣ်အိၣ်ဧါ.” (အဝဲသ့ၣ်ဆိၣ်တၢ်လၢပှၤတဂၤလၢ်လၢ်လၢအတလဲၤဘၣ်ဆူမံးစပၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 15:18

ဒီးအဝဲဆှၢထီၣ်နၤဃုာ်ဒီးတၢ်မၤလိာ်တဖၣ်လၢနကမၤဟးဂီၤကွံာ် ကီၢ်ဧမၤလ့းအပှၤဂီၢ်မုၢ်လၢအအၢအသီတဖၣ်န့ၣ်လီၤ. အဝဲစံးတ့ၢ်နၤလၢနကဒုးတၢ်တုၤနမၤသံကွံာ်အဝဲသ့ၣ်ကိးဂၤဒဲးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”