လံာ်တၢ်ဘူၣ်ထီၣ်ဘါထီၣ် 27:27 - Sgaw Karen Common Bible

²⁷ ဘၣ်ဆၣ်ဒီးဆၣ်ဖိကီၢ်ဖိလၢအတကဆှီဘၣ်တ ဒုအဖိဝဲၢ်ကိန့ၣ်ဘၣ်တၢ်ပှ့ၤက့ၤအီၤသ့ဝဲဒ်စ့အနီၣ်ထိၣ်အိၣ် ဝဲအသိးအမဲာ်ညါကဘၣ်ဟ့ၣ်အါထီၣ်ဝဲခံဆံမျးကယၤန့ၣ်လီၤ. မ့ၢ်တဘၣ်တၢ်ပှ့ၤက့ၤအီၤန့ၣ်ဒီးကဘၣ်တၢ်ဆါလီၤကွံာ်အီၤဆူ ပှၤတဂၤဂၤဒ်စ့အနီၣ်ထိၣ်အိၣ်ဝဲဒၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:27 Iomraidhean Croise

လံာ်တၢ်ဘူၣ်ထီၣ်ဘါထီၣ် 27:11

ဒီးတၢ်အၢၣ်လီၤမ့မ့ၢ်ဆၣ်ဖိကီၢ်ဖိလၢအတကဆှီ ဘၣ်လၢတၢ်တူၢ်လိာ်အီၤဒ်တၢ်လုၢ်မၤဘူၣ်ဆူယွၤအအိၣ် တသ့ဘၣ်န့ၣ်, မ်ပှၤတဂၤန့ၣ်ဟဲစိာ်အဆၣ်ဖိကီၢ်ဖိန့ၣ်ဆူပှၤလုၢ် တၢ်အခိၣ်အအိၣ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 27:13

ပှၤတဂၤန့ၣ်မ့ၢ်သးအိၣ်ပှ့ၤကဒါက့ၤဆၣ်ဖိကီၢ်ဖိတဒုန့ၣ်, ကဘၣ်ဟ့ၣ်ဝဲဆၣ်ဖိကီၢ်ဖိတဒုန့ၣ်အပှ့ၤဃုာ်ဒီးအပှ့ၤပာ်ဖှိၣ်အါ ထီၣ်ခံဆံမျးကယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:15

ဒီးပှၤတဂၤလၢအပာ်စီဆှံအဟံၣ်န့ၣ်မ့ၢ်သးအိၣ်ပှ့ၤကဒါက့ၤဝဲ အဟံၣ်န့ၣ်ကဘၣ်ဟ့ၣ်ဝဲဟံၣ်န့ၣ်အပှ့ၤဃုာ်ဒီးအပှ့ၤခံဆံမျးကယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:26

မ့မ့ၢ်ဆၣ်ဖိကီၢ်ဖိအဝဲၢ်ကိန့ၣ်မ့ၢ်ယွၤအတၢ်ဒီးဘၣ်ဃးဒီးယွၤလီၤ. ဒီးဂီၤဖံးမ့ၢ်ဂ့ၤ, သိမ့ၢ်ဂ့ၤ, အဝဲၢ်ကိန့ၣ်မ့ၢ်ယွၤအတၢ်လီၤ. ပှၤတဘၣ်လုၢ်ထီၣ်အီၤနီတဂၤဘၣ်.

လံာ်တၢ်ဘူၣ်ထီၣ်ဘါထီၣ် 27:28

တၢ်တမံၤမံၤဒ်အမ့ၢ်ပှၤကညီမ့ၢ်ဂ့ၤ, စံာ်လၢအဘၣ်တၢ်လုၢ်ထီၣ်အီၤလၢာ်လၢာ်ဆ့ဆ့မ့ၢ်ဂ့ၤန့ၣ်, တၢ်ဆါလီၤအီၤမ့ၢ်ဂ့ၤ, တၢ်ပှ့ၤက့ၤအီၤမ့ၢ်ဂ့ၤ, တသ့လ့ၤတက့ၤဘၣ်. မ့ၢ်တၢ်လၢအဘၣ်ဃးဒီးယွၤလီၤစိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:31

ဒီးပှၤမ့ၢ်သးအိၣ်ပှ့ၤက့ၤအီၤန့ၣ်ကဘၣ်ဟ့ၣ် တၢ်အပှ့ၤဒ်စ့အနီၣ်ထိၣ်အိၣ်ဝဲအသိးအမဲာ်ညါကဘၣ် ဟ့ၣ်အါထီၣ်ဝဲခံဆံမျးကယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:16

ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.