လံာ်တၢ်ဘူၣ်ထီၣ်ဘါထီၣ် 27:17 - Sgaw Karen Common Bible

¹⁷ အဝဲမ့ၢ်ပာ်စီဆှံအစံာ်ဖဲနံၣ်တၢ်သဘျ့ဝံၤတဘျီဃီဒီး အပှ့ၤကမ့ၢ်ဝဲဒ်နပာ်အီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:17 Iomraidhean Croise

လံာ်တၢ်ဘူၣ်ထီၣ်ဘါထီၣ် 25:10

လၢကျဲဒ်အံၤန့ၣ်သုကဘၣ်ပာ်စီဆှံနံၣ်ယဲၢ်ဆံအနံၣ် န့ၣ်ဒီးဘိးဘၣ်သ့ၣ်ညါတၢ်သဘျ့ဆူပှၤကိးဂၤဒဲးလၢအအိၣ် လၢကီၢ်ပူၤဒီကီၢ်ညါန့ၣ်လီၤ. လၢနံၣ်အံၤအကတီၢ်ပူၤန့ၣ်ကယဲၢ်တၢ်ဖိတၢ်လံၤ, တၢ်စုလီၢ်ခီၣ်ခိၣ်လၢအဘၣ်တၢ်ဆါလီၤကွံာ်တ့ၢ်လံအီၤတဖၣ်ကဘၣ် တၢ်ဟ့ၣ်က့ၤဆူအကစၢ်ဒၣ်ဝဲအအိၣ်မ့ၢ်ဂ့ၤ, ဆူအစၢၤအသွဲၣ်တဖၣ်အအိၣ်မ့ၢ်ဂ့ၤ, ဒီးပှၤတဂၤလၢ်လၢ်လၢအဘၣ်တၢ် ဆါလီၤကွံာ်အီၤဒ်ကုၢ်အသိးန့ၣ်ကဘၣ်တၢ်ဆှၢက ဒါက့ၤအီၤဆူအဒူၣ်ဖိထၢဖိဒၣ်ဝဲအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:11

သုတဘၣ်သူၣ်လီၤဖျးလီၤတၢ်လၢသုစံာ်ပျီတဖၣ်အပူၤဘၣ်, သုတဘၣ်ကူးက့ၤတၢ်လၢအမဲထီၣ်သၣ်ထီၣ်အတၢ်ဒၣ်ဝဲဘၣ်, ဒီးသုတဘၣ်ထၢဖှိၣ်စပံးသၣ်တဖၣ်လၢစပံး အလီၢ်လၢအတဘၣ်တၢ်ပဲာ်ဟိကဆှီထီၣ်အီၤတဖၣ်အပူၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:13

ဒီးလၢနံၣ်အံၤအပူၤန့ၣ်ကယဲၢ်တၢ်စုလီၢ်ခီၣ်ခိၣ်လၢအဘၣ်တၢ်ဆါ လီၤကွံာ်တ့ၢ်လံတဖၣ်ကဘၣ်တၢ်ဟ့ၣ်က့ၤအီၤဆူအကစၢ်လၢအခီၣ်ထံး အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:9

ဒီးလၢလါနွံလါတလါထီၣ်အသီတဆံအနံၤလၢအမ့ၢ်ဝဲတၢ်ပူၤဖျဲး အမုၢ်နံၤန့ၣ်သုဘၣ်ဒုးသီၣ်ကွဲၤအသီၣ်လၢသုကီၢ်ဒီကီၢ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:14

ဒီးတုၤပှၤတဂၤပာ်စီဆှံအဟံၣ်ဆူယွၤအအိၣ်န့ၣ် ဒီးဂ့ၤမ့ၢ်ဂ့ၤတဂ့ၤမ့ၢ်ဂ့ၤပှၤလုၢ်တၢ်အခိၣ်ကဘၣ်ပာ်အပှ့ၤန့ၣ်လီၤ. ဒီးတၢ်အပှ့ၤကဘၣ်မ့ၢ်ဝဲဒၣ်ဒ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:16

ဒီးပှၤတဂၤမ့ၢ်ပာ်စီဆှံအစံာ်တနီၤလၢအန့ၢ်သါဘၣ်ဝဲဆူယွၤအ အိၣ်ဒီးတၢ်အပှ့ၤကဘၣ်တၢ်ပာ်အီၤဒ်တၢ်ချံလၢကဘၣ်ဖှံလီၤအီၤ အနီၣ်ဃီၣ်အိၣ်ဝဲအသိးန့ၣ်လီၤ. ဘုမုယီၤလီၤတယၢၢ်တဃိမ့ၢ်အပှ့ၤမ့ၢ်စ့ၡက့လးယဲၢ်ဆံလီၤ.

လံာ်တၢ်ဘူၣ်ထီၣ်ဘါထီၣ် 27:18

အဝဲမ့ၢ်ပာ်စီဆှံအစံာ်လၢနံၣ်သဘျ့ဝံၤအလီၢ်ခံတဘျီဘျီဒီး, ပှၤလုၢ်တၢ်အခိၣ်ကဘၣ်တိာ်လီၤတၢ်အ ပှ့ၤဒ်နံၣ်လၢအအိၣ်လီၤတဲာ်တုၤနံၣ်သဘျ့ခဲကိာ်တဘျီဒီးပာ် လီၤတၢ်မၤစှၤလီၤအပှ့ၤန့ၣ်လီၤ. ဒီးတၢ်အပှ့ၤလၢနံၣ်ပူၤကွံာ်တဖၣ်တၢ်ကထုးထီၣ်အီၤလၢတၢ်အပှ့ၤ အပူၤလီၤ.