လံာ်တၢ်ဘူၣ်ထီၣ်ဘါထီၣ် 26:8 - Sgaw Karen Common Bible

⁸ ဒီးပှၤယဲၢ်ဂၤလၢသုကျါကမၤနၢၤပှၤတကယၤ, ဒီးပှၤတကယၤကမၤနၢၤပှၤတကလးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 11:11

ပှၤအဆိကတၢၢ်တဂၤန့ၣ်မ့ၢ်ဝဲစီၤယၤၡဘၣ်လၢပှၤဃၤကမိၣ်ဖိ အဒူၣ်ထၢပူၤ, ပှၤအခိၣ်လၢပှၤသၢဂၤအကျါန့ၣ်လီၤ. အဝဲဒုးတၢ်ဒီးအဘီထီဒါပှၤသၢကယၤဂၤဒီးမၤသံကွံာ်အဝဲသ့ၣ် ခဲလၢာ်လၢတၢ်ဒုးတဘျီအပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:20

စီၤယိၤအာ်အဒီပုၢ်ဝဲခွါစီၤအဘံၡဲၤမ့ၢ်ပှၤအခိၣ်လၢပှၤမံၤ ဟူသၣ်ဖျါသၢဆံအကျါန့ၣ်လီၤ. အဝဲဒုးတၢ်ဒီးအဘီထီဒါပှၤသၢကယၤဂၤဒီးမၤသံကွံာ်ဝဲ, ဒီးကဲထီၣ်ပှၤမံၤဟူသၣ်ဖျါလၢပှၤသၢဆံအကျါန့ၣ်လီၤ.

လံာ်နီၢ်အ့ၤစတၢ် 9:16

ပှၤယူဒၤဖိလၢအိၣ်လၢကီၢ်ဆၣ်တဖၣ်အပူၤပာ်ဖှိၣ် ထီၣ်စ့ၢ်ကီးအသးဒီးဒီဒၣ်အိၣ်ပှိၤလီၤက့ၤအသးလီၤ. အဝဲသ့ၣ်မၤပူၤဖျဲးအသးလၢအဒုၣ်အဒါအစုပူၤခီဖျိ မၤသံကွံာ်ပှၤဂီၢ်မုၢ်နွံကလးယဲၢ်ကထိ, လၢအသးဟ့အဝဲသ့ၣ်န့ၣ်လီၤ. ဘၣ်ဆၣ်ဒီး, အဝဲသ့ၣ်တဂုာ်ဆူၣ်ပျီဆူၣ်တၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 26:7

သုကမ့ၢ်ပှၤလၢအမၤနၢၤသုဒုၣ်သုဒါတဖၣ်လီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်တၢ်ဂံၢ် 14:9

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

လံာ်တၢ်ဂံၢ် 31:4

လၢအံၣ်စရ့လးဖိအဒူၣ်တဒူၣ်စုာ်စုာ်အကျါန့ၣ်ဆှၢလီၤပှၤတကထိ ဂၤလၢတၢ်ဒုးတၢ်ယၤအဂီၢ်တက့ၢ်.”

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.