လံာ်တၢ်ဘူၣ်ထီၣ်ဘါထီၣ် 26:7 - Sgaw Karen Common Bible

⁷ သုကမ့ၢ်ပှၤလၢအမၤနၢၤသုဒုၣ်သုဒါတဖၣ်လီၤ.

လံာ်တၢ်ဘူၣ်ထီၣ်ဘါထီၣ် 26:7 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 19:15

တုၤပှၤဧၣ်မိၣ်ဖိတဖၣ်ထံၣ်ဘၣ်ဝဲလၢပှၤစူၤရံဖိတဖၣ်ထွးထီၣ် ဃ့ကွံာ်န့ၣ်, အဝဲသ့ၣ်စ့ၢ်ကီးထွးထီၣ်ဃ့ၢ်ကွံာ်လၢစီၤအဘံၡဲၤအအိၣ်ဒီးဂုၤ က့ၤအခံဆူဝ့ၢ်ပူၤန့ၣ်လီၤ. အန့ၣ်ဒီးစီၤယိၤအာ်က့ၤကဒါက့ၤဆူ ဝ့ၢ်ယရူၤၡလ့ၣ်န့ၣ်လီၤ.

လံာ်နီၢ်အ့ၤစတၢ် 9:16

ပှၤယူဒၤဖိလၢအိၣ်လၢကီၢ်ဆၣ်တဖၣ်အပူၤပာ်ဖှိၣ် ထီၣ်စ့ၢ်ကီးအသးဒီးဒီဒၣ်အိၣ်ပှိၤလီၤက့ၤအသးလီၤ. အဝဲသ့ၣ်မၤပူၤဖျဲးအသးလၢအဒုၣ်အဒါအစုပူၤခီဖျိ မၤသံကွံာ်ပှၤဂီၢ်မုၢ်နွံကလးယဲၢ်ကထိ, လၢအသးဟ့အဝဲသ့ၣ်န့ၣ်လီၤ. ဘၣ်ဆၣ်ဒီး, အဝဲသ့ၣ်တဂုာ်ဆူၣ်ပျီဆူၣ်တၢ်နီတမံၤဘၣ်.

စံးထီၣ်ပတြၢၤ 81:15

ပှၤလၢအသးဟ့ယၤတဖၣ်ကဆုးလီၤအခိၣ်လၢ ယမဲာ်ညါလၢတၢ်ပျံၤအပူၤ, တၢ်သိၣ်ဃီၣ်လၢအဂီၢ်ကအိၣ်ဝဲလီၤစိၤလီၤထီလီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်တၢ်ဘူၣ်ထီၣ်ဘါထီၣ် 26:8

ဒီးပှၤယဲၢ်ဂၤလၢသုကျါကမၤနၢၤပှၤတကယၤ, ဒီးပှၤတကယၤကမၤနၢၤပှၤတကလးန့ၣ်လီၤ.

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:16

စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 7:23

တုၤနုၤတစု, ပှၤပိာ်ခွါတဖၣ်လၢနးသၤလံအဒူၣ်, အၤၡ့ၢ်အဒူၣ်ဒီးမနၤၡ့ၤအဒူၣ်န့ၣ်ဘၣ်တၢ်ကိးထီၣ်အီၤဒီးအဝဲ သ့ၣ်လူၤထွဲပှၤမံးဒယၣ်ဖိတဖၣ်အခံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:13

စီၤယိနၤသၣ်စွါထီၣ်ဆူကျဲဖီခိၣ်လၢအစုဒီးအခီၣ်လ့ၢ်ခိၣ် တဖၣ်ဒီးပှၤသးစၢ်ပိာ်ခွါန့ၣ်ပိာ်အခံလီၤ. စီၤယိနၤသၣ်ဒုးပှၤဖလ့ၡသးဖိတဖၣ်ဒီးမၤလီၤဃံၤကွံာ်အဝဲ သ့ၣ်ဒီးပှၤသးစၢ်န့ၣ်မၤသံကွံာ်အဝဲသ့ၣ်လီၤ.