လံာ်တၢ်ဘူၣ်ထီၣ်ဘါထီၣ် 26:6 - Sgaw Karen Common Bible

⁶ ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်တၢ်ဘူၣ်ထီၣ်ဘါထီၣ် 26:6 Iomraidhean Croise

လံာ်စီၤပၤခံဘ့ၣ်တဘ့ၣ် 2:24

စီၤအလံၤၡါဃၣ်တရံးအသးဒီးကွၢ်ဒီးဆိၣ်အၢအီၤလၢယွၤအမံၤ အပူၤန့ၣ်လီၤ. တုၤနုၤတစု, တၤသူမိၢ်ခံဒုဟဲထီၣ်လၢသ့ၣ်ပှၢ်အကျါဒီးအ့ၣ် ဖှီလီၤကလဲကွံာ်ဖိသၣ်ပိာ်ခွါလွံၢ်ဆံခံဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:9

ဘၣ်ဆၣ်ဒီး, အဝဲမၤတ့ၢ်တၢ်အၢၣ်လီၤတမံၤဒီးယၤလီၤ. အဝဲစံးဘၣ်ယၤလၢယကအိၣ်ဒီးယဖိခွါတဂၤ, လၢအကပၢတၢ်လၢတၢ်ဃူ တၢ်ဖိးအပူၤ, မ့ၢ်လၢသါကဟ့ၣ်အီၤတၢ်ဃူတၢ်ဖိးဒီးအဒုၣ်အဒါ တဖၣ်ခဲလၢာ်အဃိန့ၣ်လီၤ. အဝဲအမံၤကမ့ၢ်စီၤၡလိၤမိၤ, မ့ၢ်လၢဖဲအဝဲပၢဘၣ်တၢ်အကတီၢ်န့ၣ် သါကဟ့ၣ်အံၣ်စရ့လးလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:30

လၢတၢ်န့ၣ်အဃိစီၤယဟိၡၤဖးပၢဘၣ်တၢ်မုာ်မုာ်ခုၣ်ခုၣ်ဒီးကစၢ် ယွၤဟ့ၣ်အီၤတၢ်ဘံၣ်တၢ်ဘၢလၢတၢ်ကိးကပၤဒဲးန့ၣ်လီၤ.

လံာ်စီၤယိၤဘး 11:19

နတပျံၤဘၣ်နဒုၣ်နဒါတဖၣ်လၢၤဘၣ်. ပှၤအါဂၤကဃ့နၤလၢတၢ်မၤ စၢၤန့ၣ်လီၤ.

လံာ်စီၤယိၤဘး 5:23

ပျီလၢနထူစံၣ်ထူပှဲၤကပူၤဖျဲးဒီးလၢၢ်ဧိၤလ့ဧိၤဒီးဆၣ်ဖိ ကီၢ်ဖိအအၢတဖၣ်တထီဒါနၤနီတစုဘၣ်.

စံးထီၣ်ပတြၢၤ 144:14

မ်ပဂီၤဘုၣ်. ဂီၤဖံးတဖၣ်ကဒၢထီၣ်အါအါကလဲာ် ဒီးအဖိသုတလီၤတဲာ်နီတဒုတဂ့ၤ. မ်တၢ်ကိးပသူထီၣ်လၢတၢ်ကိၢ်တၢ်ဂီၤအပူၤ အသုတအိၣ်ထီၣ်လၢပကျဲတဖၣ်န့ၣ်တဂ့ၤ.

စံးထီၣ်ပတြၢၤ 147:14

အဝဲပာ်လီၤတၢ်ဃူတၢ်ဖိးလၢနကီၢ်အဃၢၤ, အဝဲဒုးဘျဲးအီၣ်ဘျဲးအီနၤလၢ ဘုဧိၤဟုဧိၤလၢအဂ့ၤကတၢၢ်လီၤ.

စံးထီၣ်ပတြၢၤ 29:11

ယွၤဟ့ၣ်ဂံၢ်ဟ့ၣ်ဘါအပှၤဂီၢ်မုၢ်, ယွၤဆိၣ်ဂ့ၤအပှၤဂီၢ်မုၢ်လၢ တၢ်ဃူတၢ်ဖိးန့ၣ်လီၤ.

စံးထီၣ်ပတြၢၤ 3:5

ယမံလီၤယဲ, ဒီးယွၤကဟုဘံၣ်ကယာ်ဘၢယၤ ဒီတနၤညါလၢယတၢ်မံအပူၤလီၤ.

စံးထီၣ်ပတြၢၤ 4:8

ယကမံလီၤဒီးမံယဲမုာ်မုာ်လီၤ. ယွၤဧၢ, နမ့ၢ်ပှၤထဲတဂၤဧိၤလၢအကဟုဘံၣ် ကယာ်ဘၢယၤလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

လံာ်တၢ်ဟးထီၣ်ကွံာ် 23:29

ယတနီၣ်ထီၣ်ကွံာ်ဘၣ်အဝဲသ့ၣ်လၢတနံၣ်အတီၢ်ပူၤဘၣ်. ယမ့ၢ်မၤဒီး, ကီၢ်န့ၣ်ကအိၣ်သယုၢ်ဝဲဒီးဆၣ်ဖိကီၢ်ဖိအမံၤတဖၣ် ကအါကဲာ်ဆိးလၢသုဂီၢ်လီၤ.

တၢ်ကတိၤဒိ. 3:24

တုၤနမံလီၤလၢလီၢ်မံခိၣ်ဒီးနတပျံၤဘၣ်တၢ်ဘၣ်. ဒီးနကမံလၢတၢ်သူၣ်တုၤလီၤသးတုၤလီၤအပူၤသီတနၤကျၢၤလီၤ.

တၢ်ကတိၤဒိ. 6:22

တုၤနလဲၤတၢ်ဒီးကဆှၢနၤ, တုၤနမံလီၤဒီးကပၢၤနၤ, ဒီးကဟ့ၣ်ကူၣ်ဟ့ၣ်ဖးနၤလၢမုၢ်ဆါအကတီၢ်လီၤ.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 35:9

ခ့ယုၢ်တဖၣ်တအိၣ်ဖဲန့ၣ်နီတဒုဘၣ်. ဆၣ်ဖိကီၢ်ဖိလၢအဒူအဃိၤတပိာ်ကျဲအဝဲန့ၣ် နီတဒုဘၣ်. ပှၤလၢယွၤမၤပူၤဖျဲးတ့ၢ်အီၤတဖၣ်ကက့ၤဆူ အဟံၣ်လၢကျဲအဝဲန့ၣ်လီၤ.

လံာ်ယၡါယၤ 45:7

ယတ့လီၤတၢ်ကပီၤဒီးတၢ်ခံးခံမံၤလိာ်လီၤ. ယဟဲစိာ်တၢ်ဆိၣ်ဂ့ၤဒီးတၢ်တတၢးတနါခံမံၤလိာ်လီၤ. ယၤ, ယွၤန့ၣ်, မၤတၢ်သ့ၣ်တဖၣ်အံၤခဲလၢာ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 31:26

အန့ၣ်ဒီး, ပှၤဂီၢ်မုၢ်ကစံးဝဲ, ‘ယမံတ့ၢ်ယဲမုာ်ဒိၣ်မးဒီး ယပၢၢ်ထီၣ် အိၣ်ဒီးတၢ်ဂံၢ်တၢ်ဘါန့ၣ်လီၤ.’

လံာ်ယဃ့းစက့လး 14:15

မ့တမ့ၢ်ယကမၢလီၤဆၣ်ဖိကီၢ်ဖိအမံၤတဖၣ်လၢကမၤသံကွံာ်ပှၤဂီၢ် မုၢ်တုၤဒၣ်လဲာ်ထံကီၢ်န့ၣ်ကလီၤပျံၤလီၤဖုးတုၤပှၤဟးထီၣ် က့ၤလီၤတသ့နီတဂၤဘၣ်,

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 5:17

ယကမၢလီၤတၢ်သၣ်ဝံၤလီၤဒိဒီးဆၣ်ဖိကီၢ်ဖိအမံၤတဖၣ်လၢကမၤ သံသုဖိတဖၣ်, ဒီးယကဆှၤလီၤတၢ်ဆူးတၢ်ဆါ, တၢ်စုဆူၣ်ခီၣ်တကး, ဒီးတၢ်ဒုးတၢ်ယၤလၢကမၤသံသုအဂီၢ်လီၤ. ယၤ, ယွၤအံၤ, ကတိၤလံတၢ်လံ.

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်ဟိၤၡ့ 2:20

ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:18

ဒီးသုဘၣ်တိၢ်န့ၢ်ယွၤအတၢ်မၤလိာ်ဒီးအတၢ်သိၣ်တၢ်သီတဖၣ်ဒ်သိး သုကအိၣ်ဂၢၢ်ဆိးကျၢၤလၢကီၢ်ပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:19

ဒီးဟီၣ်ခိၣ်ကဟ့ၣ်ထီၣ်အတၤသၣ်, ဒီးသုကအီၣ်ကုးအီပှဲၤဒီးသုကအိၣ်ဂၢၢ်ဆိးကျၢၤလၢအပူၤလီၤ.

လံာ်တၢ်ဘူၣ်ထီၣ်ဘါထီၣ် 26:22

ဒီးယကဆှၢလီၤဆၣ်ဖိကီၢ်ဖိအမံၤလၢသုကျါဒီးကမၤသံသုဖိ သုလံၤ, ဒီးမၤဟးဂီၤကွံာ်သုဆၣ်ဖိကီၢ်ဖိအဒၢဒီးမၤစှၤလီၤသု ဒ်သိးသုကျဲတဖၣ်ကအိၣ်သယုၢ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:7

သုကမ့ၢ်ပှၤလၢအမၤနၢၤသုဒုၣ်သုဒါတဖၣ်လီၤ.

လံာ်မံကၤ 4:4

ပှၤကိးဂၤဒဲးကအိၣ်မုာ်ဆိးပၢၤလၢအစပံးလီၢ်တဖၣ်ဒီး အချၢၣ်ဒၢထူၣ်တဖၣ်ဒၣ်ဝဲအကျါ, ပှၤတမၤပျံၤအီၤနီတဂၤလၢၤဘၣ်. တၢ်သုးမုၢ်ဂီၢ်မုၢ်အယွၤအၢၣ်လီၤအီလီၤတ့ၢ်တၢ်အံၤလီၤ.

လံာ်စဖါနယၤ 3:13

အံၣ်စရ့လးအပှၤဂီၢ်မုၢ်လၢအအိၣ်မူတ့ၢ်တဖၣ်တမၤ ကမၣ်လၢၤဘၣ်ပှၤနီတဂၤ, တကတိၤလီတၢ်နီတမံၤမ့ၢ်ဂ့ၤ, တကျဲးစၢးလွဲန့ၢ်ပှၤနီတဂၤမ့ၢ်ဂ့ၤဘၣ်န့ၣ်လီၤ. အဝဲသ့ၣ်ကအီၣ်ကုးအီပှဲၤဒီးအိၣ်မုာ်ဆိးပၢၤဒီးတဘၣ် ပျံၤပှၤနီတဂၤဘၣ်န့ၣ်လီၤ.”

လံာ်ဃးကဲ 2:9

တၢ်လုၢ်ဟံၣ်အသီန့ၣ်ကဃံဒိၣ်လၤဒိၣ်န့ၢ်ဒံးအလီၢ်လံၤတဖျၢၣ်, ဒီးဖဲန့ၣ်, ယကဟ့ၣ်ယပှၤဂီၢ်မုၢ်လၢတၢ်ဘီၣ်တၢ်ညီဒီးတၢ်ဃူ တၢ်ဖိးလီၤ.” ယွၤသ့တၢ်လၢာ်ကစၢ်ကတိၤတ့ၢ်တၢ်လံ.

လံာ်စကၤရယၤ 9:10

ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

မၤတၢ် 12:6

တချုးဖဲစီၤဟ့ၤရိာ်သါကထုးထီၣ်ဒီးဆှၢထီၣ်အီၤဆူပှၤဂီၢ်မုၢ် အအိၣ်အမဲာ်ညါတနၤန့ၣ်, စီၤပ့းတရူးမံဘၣ်အသးလၢပှၤ သုးဖိခံဂၤအကဆူးလီၤ. အဝဲဒၣ်ဘၣ်တၢ်စၢဃာ်အီၤလၢပျံၤထးခံဘိ, တဘိအိၣ်စၢဃာ်အသးလၢပှၤသုးဖိဖဲစုစ့ၣ်တဂၤ, ဒီးအဂၤတဘိအိၣ်စၢဃာ်အသးလၢပှၤသုးဖိဖဲစုထွဲတဂၤ, ဒီးပှၤသုးဖိပၢၤတၢ်တဖၣ်အိၣ်ခိးတၢ်ဖဲဃိာ်အကျဲစၢၤန့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.