လံာ်တၢ်ဘူၣ်ထီၣ်ဘါထီၣ် 26:5 - Sgaw Karen Common Bible

⁵ သုတၤသူတၤသၣ်တဖၣ်ကအိၣ်ပှဲၤလုၣ်ကွံာ်တုၤ, သုကကူးဒံးဘုဧိၤဟုဧိၤဖဲတၢ်ဒဲးစပံးသၣ်တဖၣ်အကတီၢ်, ဒီးသုကဒဲးဒံးစပံးသၣ်တဖၣ်ဖဲတၢ်သူၣ်လီၤဘုဧိၤဟုဧိၤအကတီၢ်န့ၣ်လီၤ. သုကအိၣ်ဒီးတၢ်လၢသုအဲၣ်ဒိးအီၣ်အီၤခဲလၢာ်, ဒီးသုကအိၣ်ဆိးပူၤဖျဲးလၢသုထံသုကီၢ်အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:5 Iomraidhean Croise

စံးထီၣ်ပတြၢၤ 144:13

မ်ပသိၣ်ဧိၤဖီဧိၤပှဲၤဝဲဒီး တၤသူတၤသၣ်ကိးကလုာ်ဒဲး မ်ပသိကဖှံလီၤအဒုအကထိတဖၣ်, ဒီးအကလးတဖၣ်လၢပပျီပူၤ,

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

လံာ်တၢ်ဟးထီၣ်ကွံာ် 16:8

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

တၢ်ကတိၤဒိ. 1:33

ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်ဟိၤၡ့ 2:20

ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်ယိၤအ့လး 2:19

ဒီးယွၤစံးဆၢအပှၤဂီၢ်မုၢ်, ခဲကနံၣ်အံၤ, ယကဟ့ၣ်လီၤသု လၢဘုဧိၤဟုဧိၤ, စပံးထံဒီးသ့ၣ်စၤယံးအသိ, ဒီးသုကအိၣ်ဒီးတၢ်သူၣ်မံသးမံလီၤ. ဒီးပှၤကလုာ်ဂၤတဖၣ်တဒုၣ်ဒွဲၣ်စံးအၢလၢၤဘၣ်သုဘၣ်.

လံာ်ယိၤအ့လး 2:22

ဆၣ်ဖိကီၢ်ဖိသ့ၣ်ဧၢ, ပျံၤတၢ်တဂ့ၤ. တၢ်အီၣ်ဆၣ်အလီၢ်တဖၣ်လါဟ့ဝဲ, သ့ၣ်တဖၣ်သၣ်ထီၣ်ဝဲ, ချၢၣ်ဒၢအထူၣ်ဒီးစပံးမုၢ်တဖၣ်အိၣ်အါအါဂီၢ်ဂီၢ်န့ၣ်လီၤ.

လံာ်ယိၤအ့လး 2:26

ဒီးခဲကနံၣ်အံၤ, သုကအိၣ်ဒီးတၢ်အီၣ်တၢ်အီအါအါ ဂီၢ်ဂီၢ်လၢသုကအီၣ်အဂီၢ်, ဒီးသုကသူၣ်မံသးမံန့ၣ်လီၤ. သုကစံးထီၣ်ပတြၢၤယွၤ, သုကစၢ်ယွၤ, ပှၤလၢအမၤတ့ၢ်တၢ်လီၤလိၢ်လီၤလးလၢသုဂီၢ်န့ၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်ဧၤမိၣ် 9:13

ယွၤစံးဝဲဒၣ်, မုၢ်နံၤတဖၣ်ဟဲဝဲ, ဖဲဘုဧိၤဟုဧိၤတဖၣ်ကမဲထီၣ်ချ့န့ၢ်ဒံး တၢ်ကူးအီၤကသ့အကတီၢ်, ဒီးစပံးမုၢ်တဖၣ်ဒိၣ်ထီၣ်ဝဲကချ့န့ၢ်ဒံး တၢ်မၤစပံးထံကသ့အကတီၢ်န့ၣ်လီၤ. ကစၢၢ်ကလိတဖၣ်ကလီၤစီၤဒီးစပံးထံအဆၢဒီးတၢ်လူၢ်ခိၣ် တဖၣ်ကယွၤလီၤဃုာ်ဒီးစပံးထံန့ၣ်လီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

လံာ်သိၣ်လီၤသီလီၤတၢ် 11:15

ဒီးတပံၢ်တမါလၢဆၣ်ဖိကီၢ်ဖိလၢသုဘုၣ်အီၤတဖၣ်အဂီၢ်န့ၣ်လီၤ. သုကအိၣ်ဒီးကယဲၢ်တၢ်အီၣ်တၢ်အီလၢသုအဲၣ်ဒိးအီၤန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.