လံာ်တၢ်ဘူၣ်ထီၣ်ဘါထီၣ် 26:46 - Sgaw Karen Common Bible

⁴⁶ တၢ်ခဲလၢာ်အံၤမ့ၢ်တၢ်သိၣ်တၢ်သီဒီးတၢ်မၤ လိာ်တဖၣ်လၢယွၤဟ့ၣ်လီၤဆူစီၤမိၤၡ့လၢကစၢၢ်စံၤနါအလိၤ, လၢအံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:46 Iomraidhean Croise

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:1

ယွၤကတိၤတ့ၢ်တၢ်ဒီးစီၤမိၤၡ့လၢကစၢၢ်စံၤနါအလိၤဒီးမၤလိာ်အီၤ,

လံာ်တၢ်ဘူၣ်ထီၣ်ဘါထီၣ် 27:1

ဒီးယွၤဟ့ၣ်လီၤစီၤမိၤၡ့, တၢ်သိၣ်တၢ်ဘျၢတဖၣ်ဒ်လၢလာ်အသိးလၢအံၣ်စရ့လးအပှၤဂီၢ်မုၢ် အဂီၢ်န့ၣ်လီၤ. ဖဲပှၤတဂၤဘၣ်တဂၤဘၣ်တၢ်ဟ့ၣ်အီၤဆူယွၤလၢတၢ်မၤလၢထီၣ်ပှဲၤ ထီၣ်တၢ်အၢၣ်လီၤလီၤဆီအဂီၢ်ဒီး, ပှၤအံၤဘၣ်တၢ်မၤထူၣ်ဖျဲးအီၤ သ့ဝဲခီဖျိတၢ်ဟ့ၣ်တၢ်အပှ့ၤလၢစ့ဒ်တၢ်ပာ်လုၢ်ပာ်ပှ့ၤအိၣ်ဝဲဒ် လၢလာ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:34

တၢ်မၤလိာ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤစီၤမိၤၡ့ လၢပှၤအံၣ်စရ့လးဖိအဂီၢ်လၢကစၢၢ်စံၤနါအလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:38

ဒီးယွၤဟ့ၣ်လီၤတၢ်မၤလိာ်တဖၣ်အံၤဆူစီၤမိၤၡ့လၢမုၢ်တနံၤ ဖဲအဝဲကတိၤတၢ်ဒီးပှၤအံၣ်စရ့လးဖိတဖၣ်လၢကစၢၢ်စံၤနါအလိၤလၢပှၢ် မုၢ်ကနၢအပူၤ, ဘၣ်ဃးဒီးတၢ်မၤတၢ်လုၢ်မၤဘူၣ်တဖၣ်ဆူ ယွၤအအိၣ်အဂ့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:36

သတးဒီးစီၤအၤဟရိၣ်ဒီးအဖိခွါတဖၣ်မၤတၢ်ခဲလၢာ်ဒ်ယွၤမၤ လိာ်တၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 36:13

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်လၢ ယွၤဟ့ၣ်လီၤပှၤအံၣ်စရ့လးဖိတဖၣ်ခီဖျိစီၤမိၤၡ့လၢကီၢ်မိၤအး အတၢ်ပျီပူၤတဖၣ်လၢအအိၣ်သဃီၤဒီးဝ့ၢ်ယရံၤဃိလၢထံ ကျိယၢ်ဒ့ၣ်အဘးခီန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်သိၣ်လီၤသီလီၤတၢ် 12:1

အအံၤမ့ၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢသုကဘၣ်စူၢ်အီၤဖဲ သုအိၣ်ဆိးဒံးဝဲလၢကီၢ်တဘ့ၣ်လၢယွၤ, မိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ. ဒိကနၣ်အီၤတက့ၢ်.

လံာ်သိၣ်လီၤသီလီၤတၢ် 13:4

ပိာ်ယွၤအခံဒီးအိၣ်ဒီးတၢ်ယူးယီၣ်ပာ်ကဲအီၤတက့ၢ်. စူၢ်အီၤဒီးတိၢ်န့ၢ်ဖံးဃာ်အဝဲအတၢ်မၤလိာ်တဖၣ်တက့ၢ်. ဘူၣ်ထီၣ်ဘါထီၣ်အီၤဒီးသးတီဒီးအီၤတက့ၢ်.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 33:4

ပစူၢ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤပှၤ, လၢအမ့ၢ်ပပှၤကလုာ်အတၢ်စုလီၢ်ခီၣ်ခိၣ်အထူးအတီၤကတၢၢ်န့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 6:1

တၢ်တဖၣ်အံၤမ့ၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယွၤ, သုကစၢ်ယွၤမၤလိာ်ယၤဒ်သိးယကသိၣ်လိသီလိန့ၣ်လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်လီၤဒီး မၤန့ၢ်အီၤအပူၤန့ၣ်တက့ၢ်.