လံာ်တၢ်ဘူၣ်ထီၣ်ဘါထီၣ် 26:44 - Sgaw Karen Common Bible

⁴⁴ ဘၣ်ဆၣ်ဒီး, အန့ၣ်ဒၣ်လဲာ်, ဖဲအဝဲသ့ၣ်အိၣ်ဒံးလၢအဒုၣ်အဒါတဖၣ် အကီၢ်ပူၤအခါန့ၣ်, ယတညိကွံာ်ဒီးမၤဟးဂီၤအဝဲသ့ၣ်လၢာ်လၢာ်ဆ့ဆ့ဘၣ်. တၢ်န့ၣ်ကမၤကတၢၢ်ကွံာ်ယတၢ်အၢၣ်လီၤအီလီၤဒီးအဝဲသ့ၣ်ဒီးယတၢ်မ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:44 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 13:23

ဘၣ်ဆၣ်ယွၤအသူၣ်အိၣ်သးအိၣ်ဒီးသူၣ်ကညီၤသးကညီၤအဝဲ သ့ၣ်န့ၣ်လီၤ. ယွၤတပျဲဘၣ်အဝဲသ့ၣ်ဘၣ်တၢ်မၤဟးဂီၤကွံာ်အီၤ န့ၣ်ဘၣ်. မ့မ့ၢ်မၤစၢၤအဝဲသ့ၣ်မ့ၢ်လၢအဝဲအတၢ်အၢၣ်လီၤအီလီၤဒီးစီၤ အၤဘြၤဟၣ်, စီၤအံၤစဲးဒီးစီၤယၤကိာ်အဃိန့ၣ်လီၤ. ယွၤတသးပ့ၤနီၣ်ဘၣ် အပှၤဂီၢ်မုၢ်နီတစုဘၣ်.

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

စံးထီၣ်ပတြၢၤ 103:13

ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်, ယွၤသူၣ်ကညီၤသးကညီၤပှၤလၢအပျံၤအီၤလီၤ.

စံးထီၣ်ပတြၢၤ 89:33

ဘၣ်ဆၣ် ယတသုးကွံာ်ယတၢ်အဲၣ်ဂၢၢ်ကျၢၤလၢအီၤ, မ့တမ့ၢ်ယတပျဲဟးဂီၤယတၢ်သူၣ်တီသးလိၤန့ၣ်ဘၣ်.

စံးထီၣ်ပတြၢၤ 94:14

အဂ့ၢ်ဒ်အံၤ, ယွၤတညိကွံာ်ဘၣ်အပှၤဂီၢ်မုၢ်ဘၣ်, ဒီးတလဲၤသဒၣ်ဘၣ်အတၢ်န့ၢ်သါဘၣ်.

လံာ်ယံးရမံယၤ 14:21

သ့ၣ်နီၣ်ထီၣ်က့ၤနတၢ်အၢၣ်လီၤအီလီၤတဖၣ်ဒီးသးဘၣ်အၢပှၤတဂ့ၤ. ဟဲစိာ်တၢ်မဲာ်ဆှးဆူဝ့ၢ်ယရူၤၡလ့ၣ်, တၢ်လီၢ်လၢအမ့ၢ်နတၢ်လၤကပီၤအလီၢ်ပစိာ် အဖီခိၣ်တဂ့ၤ. မၤဟးဂီၤကွံာ်တၢ်အၢၣ်လီၤအီလီၤလၢနမၤတ့ၢ်ဒီး ပှၤန့ၣ်တဂ့ၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယဃ့းစက့လး 16:60

ဘၣ်ဆၣ်ဒီးယကပာ်ကဲဒီးဟံးဃာ်တၢ်အၢၣ်လီၤအီလီၤလၢယမၤဒီးနၤ ဖဲနသးစၢ်အခါန့ၣ်ဒီးယကမၤတၢ်အၢၣ်လီၤအီလီၤတမံၤဒီးနၤလၢ ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ.

လံာ်တၢ်ဘူၣ်ထီၣ်ဘါထီၣ် 26:11

ယကအိၣ်လၢသုကျါလၢယဒဲစီဆှံ အပူၤဒီးယတဃၣ်ကွံာ်ယသးလၢသုနီတစုဘၣ်.

ရိမ့ၤ 11:2

ကစၢ်ယွၤတညိကွံာ်အပှၤကလုာ်လၢအဃုထၢပာ်ဝဲလၢအခီၣ်ထံး လံၤလံၤန့ၣ်ဘၣ်. သုသ့ၣ်ညါတၢ်ကွဲးအသးစီဆှံဘၣ်ဃးဝံအ့ၤလံယၤ အတၢ်ဃ့သကွံၢ်ကညးကစၢ်ယွၤထီဒါအံၣ်စရ့လးလၢအစံးဝဲ,

ရိမ့ၤ 11:26

ဒီးအအံၤမ့ၢ်ကျဲလၢအံၣ်စရ့လးခဲလၢာ်ကတုၤလၢတၢ်အုၣ် က့ၤခီၣ်က့ၤန့ၣ်လီၤ. ဒ်တၢ်ကွဲးအသးစီဆှံစံးဝဲအသိး, “ပှၤအုၣ်က့ၤခီၣ်က့ၤတၢ်ကဟဲဝဲလၢစံယိၣ် ဒီးကသုးကွံာ်တၢ်တယူးတယီၣ်ယွၤခဲလၢာ်လၢ စီၤယၤကိာ်အစၢၤအသွဲၣ်တဖၣ်အသိးအကျါန့ၣ်လီၤ.

လံာ်ပှၤစံၣ်ညီၣ်ကွီၢ် 2:1

ဒီးယွၤအကလူးလဲၤတၢ်လၢဝ့ၢ်ကံးလကၤလးဆူဝ့ၢ်ဘိးကံၣ်ဒီး စံးဘၣ်ပှၤအံၣ်စရ့လးဖိတဖၣ်, “ယထုးထီၣ်သုလၢကီၢ်အဲၤကူပတူးအပူၤဒီးဆှၢသုဆူကီၢ်တဘ့ၣ် လၢယအၢၣ်လီၤအီလီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်လီၤ. ဒီးယစံး, ယတမၤဟးဂီၤယတၢ်အၢၣ်လီၤအီလီၤဒီးသုနီတစုဘၣ်.