လံာ်တၢ်ဘူၣ်ထီၣ်ဘါထီၣ် 26:42 - Sgaw Karen Common Bible

⁴² ယကသ့ၣ်နီၣ်ထီၣ်က့ၤယတၢ်အၢၣ်လီၤဒီးစီၤယၤကိာ်, ဒီးစီၤအံၤစဲးဒီးစီၤအၤဘြၤဟၣ်, ဒီးယကမၤသီထီၣ်က့ၤယတၢ်အၢၣ်လီၤလၢယကဟ့ၣ်ယပှၤဂီၢ်မုၢ်လၢထံဧိၤကီၢ်ဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:42 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 26:2

ဒီးယွၤလီၣ်ဖျါထီၣ်အသးလၢစီၤအံၤစဲးအမဲာ်ညါဒီးစံးဝဲ ဒၣ်, “လဲၤဆူကီၢ်အဲၤကူပတူးအပူၤတဂ့ၤ. အိၣ်လၢကီၢ်လၢယစံးဘၣ် နၤအပူၤတက့ၢ်.

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 35:12

ယကဟ့ၣ်နၤထံဧိၤကီၢ်ဧိၤလၢယဟ့ၣ်တ့ၢ်စီၤအၤဘြၤဟၣ်, စီၤအံၤစဲးဒီးယကဟ့ၣ်စ့ၢ်ကီးအီၤဆူနၤဒီးနစၢၤနသွဲၣ်လၢ နလီၢ်ခံတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 9:15

ယကသ့ၣ်နီၣ်ထီၣ်က့ၤယတၢ်အၢၣ်လီၤအီလီၤဒီးသုဒီးကယဲၢ်ဆၣ်ဖိ ကီၢ်ဖိခဲလၢာ်လၢထံလုၣ်ဘၢတၢ်တမံၤအသုတမၤဟးဂီၤကဒီးကယဲၢ် တၢ်မူတၢ်သါခဲလၢာ်နီတစုလၢၤတဂ့ၤန့ၣ်လီၤ.

လံာ်တၢ်ကဲထီၣ်အခီၣ်ထံး 9:16

တုၤတၢၢ်ကွဲၤဖျါထီၣ်လၢတၢ်အၢၣ်အကျါန့ၣ်ဒီးယကထံၣ်တၢ်အံၤဒီး သ့ၣ်နီၣ်ထီၣ်က့ၤတၢ်အၢၣ်လီၤအီလီၤလီၤထူလီၤယိာ်လၢယမၤဒီး ကယဲၢ်တၢ်မူတၢ်သါခဲလၢာ်လၢဟီၣ်ခိၣ်ဖီခိၣ်န့ၣ်လီၤ.

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 136:23

ဒီးသ့ၣ်နီၣ်ထီၣ်က့ၤပှၤဖဲပဒုၣ်ပဒါမၤနၢၤပှၤ အကတီၢ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်တၢ်ဟးထီၣ်ကွံာ် 2:24

ဒီးကစၢ်ယွၤနၢ်ဟူအတၢ်ကအုကစွါဒီးသ့ၣ်နီၣ်ထီၣ်က့ၤအတၢ်အၢၣ် လီၤအီလီၤဒီးစီၤအၤဘြၤဟၣ်, ဒီးစီၤအံၤစဲးဒီးစီၤယၤကိာ်န့ၣ်လီၤ.

လံာ်တၢ်ဟးထီၣ်ကွံာ် 6:5

ဒီးခဲကနံၣ်အံၤယနၢ်ဟူပှၤအံၣ်စရ့လးဖိတဖၣ်အတၢ်ကအုကစွါ, ပှၤလၢပှၤအဲၤကူပတူးဖိမၢကဲကုၢ်အီၤ, ဒီးယသ့ၣ်နီၣ်ထီၣ်က့ၤ လံယတၢ်အၢၣ်လီၤအီလီၤန့ၣ်လံ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယဃ့းစက့လး 16:60

ဘၣ်ဆၣ်ဒီးယကပာ်ကဲဒီးဟံးဃာ်တၢ်အၢၣ်လီၤအီလီၤလၢယမၤဒီးနၤ ဖဲနသးစၢ်အခါန့ၣ်ဒီးယကမၤတၢ်အၢၣ်လီၤအီလီၤတမံၤဒီးနၤလၢ ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ.

လံာ်ယိၤအ့လး 2:18

တုၤနုၤတစုယွၤကသူၣ်အိၣ်သးအိၣ်အထံအကီၢ်, ဒီးသးကညီၤအပှၤဂီၢ်မုၢ်န့ၣ်လီၤ.”

လံာ်လူၤကၣ် 1:72

အဝဲဒၣ်စံးဝဲလၢအကဒုးနဲၣ်တၢ်သးကညီၤလၢ မိၢ်ပၢ်ဖံဖုလၢပျၢၤတဖၣ် ဒီးသ့ၣ်နီၣ်ထီၣ်အတၢ်အၢၣ်လီၤစီဆှံန့ၣ်လီၤ.

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

လံာ်သိၣ်လီၤသီလီၤတၢ် 9:27

သ့ၣ်နီၣ်ထီၣ်က့ၤနခ့နပှၤတဖၣ်, လၢအမ့ၢ်ဝဲစီၤအၤဘြၤဟၣ်, စီၤအံၤစဲးဒီးစီၤယၤကိာ်တက့ၢ်. ဒီးတဘၣ်ပာ်သူၣ်ပာ်သးလၢပှၤဂီၢ်မုၢ်အံၤအတၢ်ခိၣ်ကိၤ, ဒီးအတၢ်ဒဲးဘးအဂ့ၢ်န့ၣ်တဂ့ၤ.

လံာ်ပှၤစံၣ်ညီၣ်ကွီၢ် 2:1

ဒီးယွၤအကလူးလဲၤတၢ်လၢဝ့ၢ်ကံးလကၤလးဆူဝ့ၢ်ဘိးကံၣ်ဒီး စံးဘၣ်ပှၤအံၣ်စရ့လးဖိတဖၣ်, “ယထုးထီၣ်သုလၢကီၢ်အဲၤကူပတူးအပူၤဒီးဆှၢသုဆူကီၢ်တဘ့ၣ် လၢယအၢၣ်လီၤအီလီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်လီၤ. ဒီးယစံး, ယတမၤဟးဂီၤယတၢ်အၢၣ်လီၤအီလီၤဒီးသုနီတစုဘၣ်.