လံာ်တၢ်ဘူၣ်ထီၣ်ဘါထီၣ် 26:41 - Sgaw Karen Common Bible

⁴¹ ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

လံာ်တၢ်ဘူၣ်ထီၣ်ဘါထီၣ် 26:41 Iomraidhean Croise

လံာ်စီၤပၤအခီၣ်ထံးတဘ့ၣ် 21:29

“မ့ၢ်နပာ်သူၣ်ပာ်သးလၢ, စီၤအၤဃာ်ဆိၣ်လီၤတ့ၢ်အသးလၢယမဲာ် ညါဒ်လဲၣ်န့ၣ်ဧါ. မ့ၢ်လၢအဝဲမၤတ့ၢ်တၢ်အံၤအဃိ, ယတဟဲစိာ်တၢ်တတၢးတနါလၢအဖီခိၣ်ဖဲအဝဲအိၣ်မူဒံးဝဲ အဆၢကတီၢ်န့ၣ်ဘၣ်. တၢ်ဆၢကတီၢ်လၢယကဟဲစိာ်တၢ်တတၢးတနါဆူစီၤ အၤဃာ်အဟံၣ်ဒူၣ်ဃီထၢအဖီခိၣ်န့ၣ်ကမ့ၢ်ဖဲအဝဲအဖိပိာ်ခွါ အစိၤအဆၢကတီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 12:12

မ့ၢ်လၢအဝဲဆီၣ်လီၤအသးလၢယွၤအဖီလာ်အဃိ, ယွၤအတၢ်သးဒိၣ်ထီၣ်တမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်. ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢယူဒၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:26

ဘၣ်ဆၣ်ဒီးလၢခံကတၢၢ်န့ၣ်, စီၤဃံးစကံယၤဒီးဝ့ၢ်ယရူၤရှလ့ၣ် အပှၤဂီၢ်မုၢ်ဆီၣ်လီၤအသး, ဒီးလၢတၢ်န့ၣ်အဃိ, တချုးဒံးဘၣ်လၢစီၤဃံးစကံယၤသံဝံၤန့ၣ်ယွၤတစံၣ် ညီၣ်ဘၣ်ပှၤဂီၢ်မုၢ်ဘၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:23

ဘၣ်ဆၣ်အဝဲတဆီၣ်လီၤအသးဒီးဃၣ်က့ၤအသးဆူယွၤအအိၣ်ဒ်အပၢ်မၤ တ့ၢ်ဝဲအသိးန့ၣ်ဘၣ်. အဝဲမၤတၢ်ဒဲးဘးဒိၣ်န့ၢ်ဒံးအပၢ်ဒၣ်လဲာ်တက့ၢ်လီၤ.

လံာ်စီၤဧ့စြၤ 9:13

ဖဲတၢ်ခဲလၢာ်မၤတ့ၢ်အသးဒီးပှၤဒ်တၢ်စံၣ်ညီၣ်လၢပတၢ်ဒဲးဘးတဖၣ် ဒီးတၢ်ကမၣ်တဖၣ်အဃိဝံၤဒၣ်လဲာ်, ပသ့ၣ်ညါလၢနၤ, ပကစၢ်ယွၤစံၣ်ညီၣ်တ့ၢ်ပှၤစှၤန့ၢ်ဒံးပကြၢးဘၣ် တၢ်စံၣ်ညီၣ်တက့ၢ်ဒီးပျဲဒံးပှၤလၢပကအိၣ်မူဝဲလီၤ.

လံာ်စီၤဧ့စြၤ 9:15

ယွၤ, အံၣ်စရ့လးအကစၢ်ယွၤဧၢ, နတီဝဲလိၤဝဲ, ဘၣ်ဆၣ်နပျဲအိၣ်မူဒံးပှၤလီၤ. ပအၢၣ်လီၤပတၢ်ကမၣ်လၢနၤ, ပဟဲဆူနခီၣ်ထံးမဲာ်ညါန့ၣ်ပတၢ်ကြၢးဝဲဘၣ်ဝဲတအိၣ်နီတမံၤ ဘၣ်.”

လံာ်စီၤနဃ့မယၤ 9:33

နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

စံးထီၣ်ပတြၢၤ 39:9

ယအိၣ်တအုၣ်လီၤ. ယတအဲးထီၣ်ယထးခိၣ်ဘၣ်. အဂ့ၢ်ဒ်အံၤ, တၢ်အံၤမ့ၢ်တၢ်လၢနမၤတ့ၢ်နဲလီၤ.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယဃ့းစက့လး 14:23

အန့ၣ်ဒီးသုကသ့ၣ်ညါလၢတၢ်ခဲလၢာ်လၢယမၤတ့ၢ်အီၤန့ၣ်အိၣ်ဒီး အတၢ်ဂ့ၢ်တၢ်ခၢးလၢအဂ့ၤဝဲန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:43

တုၤနုၤတစု, သုကသ့ၣ်နီၣ်ထီၣ်ကယဲၢ်တၢ်လီၤမဲာ်ဆှးတဖၣ်လၢသု မၤတ့ၢ်အီၤဒီးသုမၤဘၣ်အၢလီၤသုသးဒ်လဲၣ်ဒ်လဲၣ်န့ၣ်လီၤ. သုကသးဘၣ်အၢလီၤက့ၤသုသး, မ့ၢ်လၢတၢ်အၢတၢ် သီခဲလၢာ်လၢသုမၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 44:7

အဝဲသ့ၣ်မၤဘၣ်အၢဘၣ်သီကွံာ်ယတၢ်လုၢ်ဟံၣ်ခီဖျိပျဲပှၤတခီဘီမုၢ် ဖိတဖၣ်လၢအတဒိးဘၣ်တၢ်ကူးတရံး, ပှၤဂီၢ်မုၢ်တဖၣ်လၢအတစူၢ် ဘၣ်ယၤလဲၤနုာ်ဆူယွၤအတၢ်လုၢ်ဟံၣ်အပူၤဖဲတၢ်လုၢ်တၢ်ပာ်တဖၣ် အသိဒီးအသွံၣ်ဘၣ်တၢ်လုၢ်ထီၣ်ဆူယအိၣ်အခါန့ၣ်လီၤ. လၢတၢ် န့ၣ်အဃိယပှၤဂီၢ်မုၢ်ဘိးဃၣ်ကွံာ်ယတၢ်အၢၣ်လီၤအီလီၤခီဖျိ တၢ်လီၤသးဘၣ်အၢအတၢ်မၤတဖၣ်လၢအဝဲသ့ၣ်မၤတ့ၢ်ဝဲခဲလၢာ် န့ၣ်လီၤ.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်ယဃ့းစက့လး 6:9

ဆူတၢ်လီၢ်ဖဲအဝဲသ့ၣ်ကအိၣ်ဆိးဝဲလၢတၢ်မၢကဲကုၢ်အပူၤန့ၣ် လီၤ. ဖဲန့ၣ်, အဝဲသ့ၣ်ကသ့ၣ်နီၣ်ယၤဒီးသ့ၣ်ညါဝဲလၢယစံၣ်ညီၣ်တ့ၢ် အဝဲသ့ၣ်မၤမဲာ်ဆှးအဝဲသ့ၣ်, မ့ၢ်လၢအဝဲသ့ၣ်လဲၤသဒၣ်ကွံာ်ယၤလၢအတၢ်သးတတီအဃိဒီးအဝဲသ့ၣ် ဘၣ်သူၣ်ဘၣ်သးလၢတၢ်ဂီၤတၢ်ဖီၣ်တဖၣ်ဒိၣ်န့ၢ်အါန့ၢ်ဒံးယၤအဃိ န့ၣ်လီၤ. ဒီးအဝဲသ့ၣ်ကသးဘၣ်အၢလီၤက့ၤအသးဒၣ်ဝဲ, မ့ၢ်လၢတၢ်အၢတၢ်သီ ဒီးတၢ်လီၤရၢၢ်လီၤစၢၢ်တဖၣ်လၢအဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:24

ယကဃၣ်ဒူချၢယသး လၢသုဒီးစံၣ်ညီၣ်သုနးန့ၢ်ဒံးတၢ်စံၣ်ညီၣ်လၢညါနွံဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်တၢ်ဂံၢ် 5:7

အဝဲကဘၣ်အၢၣ်လီၤအတၢ်ကမၣ်ဒီးလိးက့ၤတၢ်အလၢအပှဲၤဃုာ်ဒီးတၢ် ပာ်ဖှိၣ်အါထီၣ်မျးကယၤခံဆံဒီးဟ့ၣ်လီၤအီၤဆူပှၤလၢအမၤကမၣ်ဘၣ် တ့ၢ်ဝဲတဂၤအအိၣ်န့ၣ်လီၤ.

လံာ်မးသဲ 23:12

ပှၤတဂၤလၢ်လၢ်လၢအပာ်ဒိၣ်ပာ်ထီလီၤအသးန့ၣ်, ယွၤကဆီၣ်လီၤအီၤလီၤ. ဒီးပှၤတဂၤလၢ်လၢ်လၢအဆီၣ်လီၤအသးန့ၣ်, ယွၤကပာ်ဒိၣ်ပာ်ထီအီၤလီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

လံာ်သိၣ်လီၤသီလီၤတၢ် 10:16

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်ကဲထီၣ်ပှၤ စူၢ်ယွၤအကလုာ်ဒီးဆိကတီၢ်ကွံာ်သုတၢ်ခိၣ်ကိၤန့ၣ်တက့ၢ်.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:21

ဒီးတၢ်တတၢးတနါတဖၣ်လၢအလီၤပျံၤလီၤဖုးအါမံၤကလီၤဘၣ်လၢ အဝဲသ့ၣ်အလိၤန့ၣ်လီၤ. မ့မ့ၢ်တၢ်သးဝံၣ်အံၤကဘၣ်တၢ်သးဝံၣ်ဒံးအီၤ, ဒီးကအိၣ်ဂၢၢ်ကျၢၤဒံးဝဲဒ်တၢ်အုၣ်အသးထီဒါအဝဲသ့ၣ်အသိးန့ၣ် လီၤ. ခဲအံၤဒၣ်လဲာ်, တချုးဒံးဘၣ်လၢယဆှၢနုာ်အဝဲသ့ၣ်ဆူ ကီၢ်န့ၣ်အပူၤ, လၢယအၢၣ်လီၤတ့ၢ်လၢယကဟ့ၣ်အဝဲသ့ၣ်ဘၣ်န့ၣ်, ယသ့ၣ်ညါတၢ်လၢအဝဲသ့ၣ်ဆိကမိၣ်ဝဲန့ၣ်လီၤ.”

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ကလီးစဲ 2:11

လၢသုမူဝဲလၢခရံာ်အပူၤအဃိ, သုဘၣ်တၢ်ကူးတရံးသု တမ့ၢ်ဘၣ်လၢနီၢ်ခိနီၢ်ခီလၢပှၤကညီမၤဝဲန့ၣ်ဘၣ်, မ့ၢ်တၢ်ကူးတရံးဘၣ်ဃးဒီးခရံာ်လၢအမၤထူၣ်ဖျဲးထီၣ်ကွံာ် သုလၢတၢ်ဒဲးဘးတခီန့ၣ်လီၤ.