လံာ်တၢ်ဘူၣ်ထီၣ်ဘါထီၣ် 26:37 - Sgaw Karen Common Bible

³⁷ ဖဲပှၤတလူၤဘၣ်သုနီတဂၤအခါဒၣ်လဲာ်န့ၣ်သုကလီၤဃံၤဒိးလိာ်သု သးတဂၤလၢတဂၤအဖီခိၣ်, ဒီးသုဒုးဆၢကဒါက့ၤသုဒုၣ်သုဒါတကဲဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:37 Iomraidhean Croise

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်ယံးရမံယၤ 46:16

သုသုးဖိတဖၣ်အခီၣ်ဘၣ်တိၢ်ဒီး လီၤဃံၤဝဲလံ. တဂၤစံးဘၣ်အဂၤတဂၤ, မၤချ့ချ့, ပကက့ၤဆူဟံၣ်ဆူပပှၤဂီၢ်မုၢ်အအိၣ်ဒ်သိး ကပူၤဖျဲးထီၣ်ကွံာ်လၢ ဒုၣ်ဒါအနးအဂီၢ်န့ၣ်တက့ၢ်.’

လံာ်ယံးရမံယၤ 6:21

လၢတၢ်န့ၣ်အဃိ, ယကပျဲပှၤဂီၢ်မုၢ်တဖၣ်အံၤအခီၣ်ဘၣ်တိၢ်ဒီး လီၤဃံၤဝဲန့ၣ်လီၤ. ပၢ်တဖၣ်ဒီးဖိတဖၣ်ကသံဝဲ, ဒီးဒ်န့ၣ်အသိး, တံၤသကိးတဖၣ်ဒီးပှၤအိၣ်ဘူးအိၣ် တံၢ်လိာ်သးတဖၣ်ကမ့ၢ်တၢ်တမံၤဃီလီၤ.”

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်နၤဃူၣ် 3:3

သုးမုၢ်ဒီးကသ့ၣ်ကလူၤဃီၤဒုးတၢ်, နးတဖၣ်ကပီၤကပြုၢ်ထီၣ်, ဘီတဖၣ်ကပီၤလ့ၢ်လ့ၢ်, ဒီးတၢ်သံစိၣ်အိၣ်အါအါကလဲာ် ဒီးပှၤအစိၣ်တဖၣ်နဂံၢ်အီၤတဘၣ်ဘၣ်. ဒီးအဝဲသ့ၣ်အခီၣ်ဘၣ်တိၢ်လၢ တၢ်အစိၣ်တဖၣ်န့ၣ်လီၤ.

လံာ်တၢ်ဂံၢ် 14:42

လဲၤတဂ့ၤ. ယွၤတအိၣ်ဒီးသုဘၣ်. ဒီးသုဒုၣ်သုဒါတဖၣ်ကမၤနၢၤကွံာ်သုလီၤ.

လံာ်ပှၤစံၣ်ညီၣ်ကွီၢ် 2:14

လၢတၢ်န့ၣ်အဃိယွၤအသးကဲၤထီၣ်ဘၣ်ပှၤအံၣ်စရ့လးဖိဒီးပျဲပှၤ ဂုာ်ဆူၣ်ပျီဆူၣ်တၢ် တဖၣ်ဒုးအီၤဒီးဂုာ်ဆူၣ်န့ၢ်အတၢ်လီၤ. ဒီးယွၤပျဲဒုၣ်ဒါအိၣ်ဝးတရံးတဖၣ်ဒိၣ်စိလၢအဝဲသ့ၣ်အဖီခိၣ် န့ၣ်လီၤ. ဒီးပှၤအံၣ်စရ့လးဖိတဖၣ်ဒီဒၣ်အိၣ်ပှိၤလီၤက့ၤအသးတန့ၢ်လၢၤဘၣ် န့ၣ်လီၤ.

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:2

ပှၤဖလ့ၡသးဖိတဖၣ်ဒုးတၢ်ဒီးတၢ်ဒုးဆူၣ်ဝဲဝံၤအလီၢ်ခံအဝဲ သ့ၣ်မၤနၢၤကွံာ်ပှၤအံၣ်စရ့လးဖိတဖၣ်ဒီးမၤသံကွံာ်ပှၤလွံၢ် ကထိလၢတၢ်ဒုးပျီပူၤန့ၣ်လီၤ.