လံာ်တၢ်ဘူၣ်ထီၣ်ဘါထီၣ် 26:34 - Sgaw Karen Common Bible

³⁴ တုၤနုၤတစုထံကီၢ်ကမုာ်လၤသးခုလၢအနံၣ်အိၣ်ဘှံးအလၢအပှဲၤ တဖၣ်အပူၤ, လၢသုတဟ့ၣ်အီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:34 Iomraidhean Croise

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 36:21

ဒီးလၢတၢ်န့ၣ်အဃိတၢ်လၢယွၤတဲဆိတ့ၢ်ဝဲခီဖျိဝံယံးရမံ ယၤန့ၣ်လၢထီၣ်ပှဲၤထီၣ်ဝဲလီၤ. စံးဝဲ, “ထံကီၢ်ကအိၣ်သယုၢ်လၢအနံၣ်နွံဆံအတီၢ်ပူၤ, ဒ်သိးကမၤပှဲၤက့ၤတၢ်အိၣ်ဘှံးအနံၣ်လၢတၢ်တတိၢ်န့ၢ်မၤထွဲတ့ၢ် အီၤဘၣ်န့ၣ်လီၤ.”

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:10

လၢကျဲဒ်အံၤန့ၣ်သုကဘၣ်ပာ်စီဆှံနံၣ်ယဲၢ်ဆံအနံၣ် န့ၣ်ဒီးဘိးဘၣ်သ့ၣ်ညါတၢ်သဘျ့ဆူပှၤကိးဂၤဒဲးလၢအအိၣ် လၢကီၢ်ပူၤဒီကီၢ်ညါန့ၣ်လီၤ. လၢနံၣ်အံၤအကတီၢ်ပူၤန့ၣ်ကယဲၢ်တၢ်ဖိတၢ်လံၤ, တၢ်စုလီၢ်ခီၣ်ခိၣ်လၢအဘၣ်တၢ်ဆါလီၤကွံာ်တ့ၢ်လံအီၤတဖၣ်ကဘၣ် တၢ်ဟ့ၣ်က့ၤဆူအကစၢ်ဒၣ်ဝဲအအိၣ်မ့ၢ်ဂ့ၤ, ဆူအစၢၤအသွဲၣ်တဖၣ်အအိၣ်မ့ၢ်ဂ့ၤ, ဒီးပှၤတဂၤလၢ်လၢ်လၢအဘၣ်တၢ် ဆါလီၤကွံာ်အီၤဒ်ကုၢ်အသိးန့ၣ်ကဘၣ်တၢ်ဆှၢက ဒါက့ၤအီၤဆူအဒူၣ်ဖိထၢဖိဒၣ်ဝဲအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:35

ကီၢ်န့ၣ်ကဘၣ်တၢ်ပာ်လီၤတဲာ်တ့ၢ်အီၤဒီးမၤန့ၢ်အတၢ်အိၣ်ဘှံးဖဲ သုအိၣ်လၢတၢ်စိာ်မၢကဲကုၢ်အပူၤလၢသုဒုၣ်သုဒါတဖၣ်အကီၢ်ပူၤ အခါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:43

ဘၣ်ဆၣ်ဒီး, အဆိကတၢၢ်ထံကီၢ်ကဘၣ်တၢ်မၤပျီကွံာ်အီၤဒီးအပှၤဂီၢ်မုၢ်, ဒ်သိးအကမုာ်လၤသးခုဘၣ်ဒီးတၢ်အိၣ်ဘှံးအလၢအပှဲၤ, ဒီးအဝဲသ့ၣ်ကဘၣ်ဟ့ၣ်တၢ်အဘူးအလဲအလၢအပှဲၤလၢအလုၢ်သ့ၣ်ခါပတာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်အဃိန့ၣ်လီၤ.