လံာ်တၢ်ဘူၣ်ထီၣ်ဘါထီၣ် 26:33 - Sgaw Karen Common Bible

³³ ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33 Iomraidhean Croise

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:19

ဘၣ်ဆၣ်ဒီး, နၤဒီးနပှၤဂီၢ်မုၢ်မ့ၢ်တစူၢ်ဘၣ်ဖုး, တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယဟ့ၣ်လီၤ တ့ၢ်နၤ, ဒီးဘူၣ်ထီၣ်ဘါထီၣ်ကစၢ်အဂုၤအဂၤန့ၣ်,

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

လံာ်စီၤနဃ့မယၤ 1:8

ဒီးခဲကနံၣ်အံၤသ့ၣ်နီၣ်ထီၣ်က့ၤတၢ်လၢနတဲဘၣ်စီၤမိၤၡ့န့ၣ် တက့ၢ်. “သုဝဲပှၤအံၣ်စရ့လးဖိတဖၣ်မ့ၢ်တတီဒီးယၤန့ၣ်ဘၣ်ဒီးယကမၤ လီၤပြံလီၤပြါသုလၢပှၤကလုာ်အဂၤတဖၣ်အကျါန့ၣ်လီၤ.

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

စံးထီၣ်ပတြၢၤ 106:27

ဒီးကမၤလီၤပြံလီၤပြါအစၢၤအသွဲၣ်တဖၣ်လၢ ပှၤတဘူၣ်ထီၣ်ဘါထီၣ်ယွၤအသိးအကျါ, ဒီးပျဲအဝဲသ့ၣ်သံကွံာ်လၢ တခီထံတခီကီၢ်အပူၤန့ၣ်လီၤ.

စံးထီၣ်ပတြၢၤ 44:11

နပျဲတၢ်မၤသံအီၣ်ပှၤဒ်သိတဖၣ်အသိး, ဒီးမၤလီၤပြံလီၤပြါတ့ၢ်ပှၤလၢ ပှၤကလုာ်သ့ၣ်တဖၣ်အကျါန့ၣ်လီၤ.

စံးထီၣ်ပတြၢၤ 44:12

နဆါကွံာ်နပှၤဂီၢ်မုၢ်ဒ် တၢ်အလုၢ်အပှ့ၤတအိၣ်ဘၣ်အသိး, နတဃ့တၢ်အပှ့ၤထဲတစဲးဧိၤလၢအဂီၢ်ဘၣ်.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယံးရမံယၤ 13:24

ယွၤကမၤလီၤပြံလီၤပြါကွံာ်နၤဒ်ဘုလီၢ်လၢအ ဘၣ်တၢ်အူဒံအူဖျိးကွံာ်အီၤလၢမဲးမုၢ်ခိၣ်အကလံၤအသိးန့ၣ် လီၤ.

လံာ်ယံးရမံယၤ 15:4

ယကဒုးကဲထီၣ်အဝဲသ့ၣ်လၢတၢ်လီၤပျံၤလီၤဖုးအဒိအတဲာ် တမံၤလၢပှၤဂီၢ်မုၢ်လၢဟီၣ်ခိၣ်ချၢခဲလၢာ်အဂီၢ်, မ့ၢ်လၢ, တၢ်လၢ စီၤဃံးစကံယၤအဖိခွါစီၤမနၤၡ့ၤမၤတ့ၢ်ဝဲလၢဝ့ၢ်ယရူၤရှလ့ၣ်အပူၤ, ဖဲအဝဲကဲကီၢ်ယူဒၤအစီၤပၤအဆၢကတီၢ်, အဃိန့ၣ်လီၤ.”

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 9:16

ယကမၤပြံ မၤပြါအဝဲသ့ၣ်လၢပှၤကလုာ်တဖၣ်အကျါ, ပှၤကလုာ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤတဖၣ်မ့ၢ်ဂ့ၤတနၢ်ဟူသ့ၣ်ညါဝဲအဂ့ၢ်, ဒီးယကဆှၢလီၤသုးမုၢ်တဖၣ်ထီဒါအဝဲသ့ၣ်တုၤ ယမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တစုန့ၣ်လီၤ.”

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 4:15

ပှၤဂီၢ်မုၢ်ကိးဃါတၢ်ဒီးစံး, “ဟးထီၣ်ကွံာ်တက့ၢ်. နမ့ၢ်တၢ်တကဆှီဘၣ်လီၤ. ထိးဘူးယၤတဂ့ၤ,” န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟးဝ့ၤဝီၤလၢပှၤတကလုာ်ဆူပှၤတကလုာ် ဒီးပှၤသဂၢၢ်တူၢ်လိာ်အီၤတအိၣ်ဘၣ်နီတဂၤဘၣ်.

လံာ်သးသယုၢ်တၢ် 4:16

ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်ယဃ့းစက့လး 12:20

ဝ့ၢ်တဖၣ်လၢအခဲအံၤပှဲၤဝဲဒီးပှၤဂီၢ်မုၢ်န့ၣ်ကဘၣ်တၢ်မၤဟး ဂီၤကွံာ်အီၤဒီးထံကီၢ်ကဘၣ်တၢ်ဒုးကဲထီၣ်အီၤလၢပှၢ်မုၢ် ကနၢတတီၤန့ၣ်လီၤ. အန့ၣ်ဒီး, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:23

လၢတၢ်န့ၣ်အဃိ, ယမၤကဒီးတၢ်ဆိၣ်အဂၤတမံၤလၢပှၢ်မုၢ်ကနၢ အပူၤန့ၣ်လီၤ. ယဆိၣ်တၢ်လၢယကမၤလီၤပြံလီၤပြါအဝဲသ့ၣ်လၢဟီၣ်ခိၣ်ဒီ ဘ့ၣ်ညါန့ၣ်လီၤ.

လံာ်ယဃ့းစက့လး 22:15

ယကမၤလီၤပြံလီၤပြါနပှၤဂီၢ်မုၢ်ဆူထံကီၢ်ကိးဘ့ၣ်ဒဲးဒီး ပှၤကိးကလုာ်ဒဲးအကျါဒီးယကမၤကတၢၢ်ကွံာ်နတၢ်မၤအအၢအသီတဖၣ် န့ၣ်လီၤ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.

လံာ်ဧၤမိၣ် 9:4

မ့ၢ်ဘၣ်တၢ်စိၣ်အီၤဆူတၢ်မၢကဲကုၢ်အလီၢ်လၢအဒုၣ်အဒါတဖၣ်ဒၣ် လဲာ်ယကမၤလိာ်လၢအဝဲသ့ၣ်ကဘၣ်တၢ်မၤသံကွံာ်အီၤန့ၣ်လီၤ. ယပာ်လီၤတ့ၢ်ယသးလၢယကမၤဟးဂီၤကွံာ်အီၤလီၤ. တမ့ၢ်လၢယကမၤစၢၤအီၤအဂီၢ်ဘၣ်.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.