လံာ်တၢ်ဘူၣ်ထီၣ်ဘါထီၣ် 26:30 - Sgaw Karen Common Bible30 ယကမၤဟးဂီၤကွံာ်သုတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤ, ယကကူၢ်လီၤကွံာ်သုတၢ်လုၢ်နၢမူအလီၢ်တဖၣ်ဒီးကွံာ်လီၤသုစိၣ် တဖၣ်လၢတၢ်ဂီၤတၢ်ဖီၣ်တဖၣ်အလိၤန့ၣ်လီၤ. ဒီးယကသးဘၣ်အၢသုလီၤ. Faic an caibideil |
လံာ်တၢ်ဘူၣ်ထီၣ်ဘါထီၣ် 26:30
28 Iomraidhean Croise
ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”
ဝံၤဒီး, စီၤယိၤၡံယၤကွၢ်တၢ်ဝးဝးဒီးထံၣ်ဘၣ်လၢတၢ်သွၣ်ခိၣ် တနီၤအိၣ်ဝဲလၢတၢ်လူၢ်အဒီခိၣ်န့ၣ်လီၤ. အဝဲမၢပှၤထုးထီၣ်ကွံာ်တၢ်ဃံတၢ်ကွဲတဖၣ်လၢတၢ်သွၣ်ခိၣ်တဖၣ် အပူၤဒီးဒွဲၣ်အူကွံာ်အီၤလၢတၢ်လုၢ်လီၢ်အဖီခိၣ်န့ၣ်လီၤ. လၢကျဲဒ်သိးအံၤန့ၣ်, အဝဲမၤဘၣ်အၢဘၣ်သီကွံာ်တၢ်လုၢ်လီၢ်, ဒီးမၤတၢ်လၢဝံစံးပာ်ဆိတ့ၢ်ဝဲလၢပျၢၤ, ဖဲမူးဧိၤပွဲဧိၤအကတီၢ်လၢစီၤပၤယၤရၤဘၣ်ဆၢထၢၣ်ဝဲဖဲတၢ် လုၢ်လီၢ်အံၤအကပၤအခါန့ၣ်လီၤ. စီၤပၤယိၤၡံယၤကွၢ်တရံးတၢ်ဝးဝး, ဒီးထံၣ်ဘၣ်ဝံတဂၤလၢအတဲဆိတ့ၢ်တၢ်ဂ့ၢ်အံၤအတၢ်သွၣ်ခိၣ်န့ၣ်လီၤ.
ပှၤလုၢ်တၢ်အခိၣ်တဖၣ်လၢအအိၣ်ဝဲလၢကီၢ်ယူဒၤအဝ့ၢ်တဖၣ်အပူၤ န့ၣ်, အဝဲဟဲကိးဝဲဆူဝ့ၢ်ယရူၤၡလ့ၣ်, ဒီးလၢကီၢ်ဒီဘ့ၣ်ညါန့ၣ် အဝဲမၤဘၣ်အၢတၢ်လုၢ်လီၢ်တဖၣ်ဖဲအဝဲသ့ၣ်လုၢ်ထီၣ်တ့ၢ်တၢ်လုၢ်တၢ် ပာ်တဖၣ်န့ၣ်လီၤ. အဝဲမၤလီၤပှီၢ်ကွံာ်စ့ၢ်ကီးတၢ်လုၢ်လီၢ်လၢအဘၣ်တၢ်ပာ်စီဆှံ ထီၣ်အီၤဆူမဲာ်တဲးလဲးတၢ်ဝံတၢ်နါလၢအအိၣ်ဘူးဒီးတြဲၤလၢ အဘၣ်တၢ်ဘှီအီၤလၢဝ့ၢ်အပဒိၣ်စီၤဟိၤၡ့လၢအအိၣ်ဝဲဖဲတၢ်လဲၤ နုာ်ဆူဝ့ၢ်အတြဲၤဖးဒိၣ်အစုစ့ၣ်တခီန့ၣ်လီၤ.
တုၤဘူၣ်လဲၤကပာ်ဝံၤဝဲန့ၣ်ကယဲၢ်ကီၢ်အံၣ်စရ့လးအပှၤဂီၢ်မုၢ် လဲၤဆူကယဲၢ်ဝ့ၢ်အိၣ်လၢကီၢ်ယူဒၤအပူၤခဲလၢာ်ဒီးမၤကၢ်လီၤက လဲကွံာ်လၢၢ်ထူၣ်တဖၣ်, ကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တ ဖၣ်, ဒီးမၤဟးဂီၤကွံာ်တၢ်လုၢ်လီၢ်တဖၣ်ဒီးပှၤဘါတၢ်ဂီၤတၢ်ဖီၣ် အတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်လီၤ. အဝဲသ့ၣ်မၤတၢ်တမံၤဃီအံၤလၢတၢ်လီၢ်အိၣ်လီၤတဲာ်လၢကီၢ်ယူဒၤ ဒီကီၢ်ညါအပူၤဒီးလီၢ်ကဝီၤတဖၣ်လၢဘံၣ်ယၤမံၣ်, အ့ဖရဲၣ်ဒီးမနၤၡ့ၤအဒူၣ်တဖၣ်အိၣ်ဝဲဆိးဝဲန့ၣ်လီၤ. ဝံၤဒီးအဝဲသ့ၣ်ခဲလၢာ်က့ၤကဒါက့ၤဆူအဟံၣ်န့ၣ်လီၤ.
ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.
တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.
Sanasan