လံာ်တၢ်ဘူၣ်ထီၣ်ဘါထီၣ် 26:3 - Sgaw Karen Common Bible

³ သုမ့ၢ်အိၣ်မူဒ်ယတၢ်သိၣ်တၢ်သီအသိးဒီးတိၢ်န့ၢ်ယတၢ်မၤလိာ်တဖၣ်န့ၣ်,

လံာ်တၢ်ဘူၣ်ထီၣ်ဘါထီၣ် 26:3 Iomraidhean Croise

လံာ်စီၤနဃ့မယၤ 1:9

ဘၣ်ဆၣ်ဒီးသုမ့ၢ်ဃၣ်ကဒါက့ၤသုသးဆူယအိၣ်ဒီးမၤတၢ်လၢယမၤ လိာ်တ့ၢ်လံသုန့ၣ်, သုမ့ၢ်လီၤပြံလီၤပြါဆူဟီၣ်ခိၣ်အက တၢၢ်ဒၣ်လဲာ်ယကဟဲက့ၤစိာ်ကဒါက့ၤသုဆူတၢ်လီၢ်လၢယဃုထၢအီၤ လၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 23:25

သုမ့ၢ်ဘူၣ်ထီၣ်ဘါထီၣ်ယၤ, ယွၤ, သုကစၢ်ယွၤဒီး, ယကဆိၣ်ဂ့ၤသုလၢတၢ်အီၣ်တၢ်အီဒီးထံဒီးသုးယံၤကွံာ် ကယဲၢ်သုတၢ်ဆူးတၢ်ဆါခဲလၢာ်လီၤ.

လံာ်ယၡါယၤ 1:19

ထဲသုမ့ၢ်ဒိကနၣ်ယၤန့ၣ်ဒီး, သုကအီၣ်တၢ်အဂ့ၤတဖၣ်လၢ ထံကီၢ်ဟ့ၣ်ထီၣ်ဝဲန့ၣ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယံးရမံယၤ 11:4

တၢ်န့ၣ်မ့ၢ်တၢ်အၢၣ်လီၤအီလီၤလၢယမၤ တ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်ဖဲယဒုးဟးထီၣ်ကွံာ်အဝဲ သ့ၣ်လၢကီၢ်အဲၤကူပတူးအပူၤ, ကီၢ်တဘ့ၣ်လၢအလီၤဂာ်ဒီးမ့ၣ် အူကဲၤအဖၣ်ကပူၤလၢအဝဲသ့ၣ်အဂီၢ်အခါန့ၣ်လီၤ. ယတဲဘၣ်အဝဲသ့ၣ်လၢကစူၢ်ယၤဒီး ကမၤကယဲၢ်တၢ်လၢယမၤလိာ်တ့ၢ်အီၤန့ၣ်လီၤ. ယတဲဘၣ်အဝဲသ့ၣ်လၢ အဝဲသ့ၣ်မ့ၢ်စူၢ်ယၤဒီး, အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ်အကစၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:25

ဒီးယဲၢ်နံၣ်တနံၣ်န့ၣ်သုကအီၣ်အသၣ်ဒ်သိးအကမၤအါထီၣ်တၢ်လၢသု ဂီၢ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်သိၣ်လီၤသီလီၤတၢ် 7:12

သုမ့ၢ်ဒိကနၣ်တၢ်မၤလိာ်တဖၣ်အံၤဒီးစူၢ်အီၤလၢတၢ်သူၣ်တီသး ရၤအပူၤန့ၣ်, အန့ၣ်တစု, ယွၤ, သုကစၢ်ကဟံးဃာ်ထွဲဒံးအတၢ် အၢၣ်လီၤဒီးသုဒီးကဒုးနဲၣ်သုလၢအတၢ်အဲၣ်တထံၣ်ဃီဒ်အဝဲ အၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.