လံာ်တၢ်ဘူၣ်ထီၣ်ဘါထီၣ် 26:13 - Sgaw Karen Common Bible

¹³ ယဲဒၣ်အံၤယမ့ၢ်ယွၤ, သုကစၢ်ယွၤလၢအဒုးဟးထီၣ်ကွံာ်သုလၢကီၢ်အဲၤကူပတူးပူၤ, ဒ်သိးသုသုတမ့ၢ်လၢၤအဝဲသ့ၣ်အကုၢ်အပှၤတဂ့ၤလီၤ. ဒီးယမၤကၢ်လံသုနီၣ်ယိးအဘိတဖၣ်ဒီးဒုးလဲၤသု တၢ်ထူၣ်ကလာ်လီၤ.”

လံာ်တၢ်ဘူၣ်ထီၣ်ဘါထီၣ် 26:13 Iomraidhean Croise

စံးထီၣ်ပတြၢၤ 116:16

ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ယၡါယၤ 9:3

ယွၤဧၢ, နဟ့ၣ်တ့ၢ်အဝဲသ့ၣ်လၢတၢ်သးခုဖးဒိၣ်, ဒီးနမၤသူၣ်ဖှံသးညီတ့ၢ်အဝဲသ့ၣ်န့ၣ်လီၤ. အဝဲသ့ၣ်သးမုာ်သးခုဝဲလၢတၢ်လၢနမၤတ့ၢ်, ဒ်ပှၤသးမုာ်သးခုဝဲဖဲအဝဲသ့ၣ်ကူးက့ၤဘုခ့အကတီၢ်, မ့တမ့ၢ်, ဖဲအဝဲသ့ၣ်နီၤဟ့ၣ်လိာ်အသးလၢတၢ် ထူးတၢ်တီၤလၢအဂုာ်န့ၢ်ဝဲအကတီၢ်, အသိးန့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 28:2

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒ်အံၤ, “ယမၤဟးဂီၤကွံာ် ကီၢ်ဘၤဘူၤလိၣ်အစီၤပၤ အစိကမီၤလံ.

လံာ်ယံးရမံယၤ 28:4

စီၤယဟိၤယါကံၣ် အဖိခွါ ကီၢ်ယူဒၤအစီၤပၤစီၤယဟိၤယါခံၣ်, ဃုာ်ဒီးကီၢ်ယူဒၤအပှၤဂီၢ်မုၢ်ခဲလၢာ်လၢ အဘၣ်တၢ်စိာ်မၢကဲကုၢ်အီၤဆူ ကီၢ်ဘၤဘူၤလိၣ်အပူၤန့ၣ် ယကဟဲက့ၤစိာ်ကဒါက့ၤစ့ၢ် ကီးအီၤန့ၣ်လီၤ. သပှၢ်ကတၢၢ်, ယကမၤဟးဂီၤကွံာ်ကီၢ်ဘၤဘူၤလိၣ် အစီၤပၤအစိကမီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 30:18

တၢ်ခံးကလီၤဘၣ်လၢ ဝ့ၢ်တၤပါန့ၤအလိၤဖဲ ယမၤကတၢၢ်ကွံာ်ကီၢ်အဲၤကူပတူးအစိကမီၤဒီး မၤကတၢၢ်ကွံာ်အဂံၢ်အဘါလၢအဝဲသ့ၣ်ပာ်ထီၣ်ထီ တ့ၢ်အသးန့ၣ်လီၤ. တၢ်အၢၣ်ကလုၣ်ဘၢ ကီၢ်အဲၤကူပတူးဒီးပှၤဂီၢ်မုၢ်လၢအအိၣ်လၢအဝ့ၢ်တဖၣ်အပူၤန့ၣ် ကဘၣ်တၢ်စိာ်ကွံာ်အီၤဒ်ပှၤဃိာ်ဖိတဖၣ်အသိးန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်ဟိၤၡ့ 11:4

ယထုးဃီၤအဝဲသ့ၣ်ဆူယအိၣ်လၢတၢ်သးအိၣ်ဒီးတၢ်အဲၣ်လီၤ. ယထၢထီၣ်အဝဲသ့ၣ်ဒီးစိာ်ထီၣ်အီၤလၢယဘိးပၤ, ယသကူးလီၤယသးဆူအဝဲသ့ၣ်အအိၣ်ဒီးဒုးအီၣ်အဝဲသ့ၣ်အတၢ်လီၤ.

လံာ်တၢ်ဘူၣ်ထီၣ်ဘါထီၣ် 25:38

တၢ်မၤလိာ်အံၤမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးဒ်သိးကဟ့ၣ်သု လၢကီၢ်ကနၤဧၣ်ဒီးကဲထီၣ်ဝဲသုကစၢ်ယွၤအတၢ်မၤလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:42

အံၣ်စရ့လးအပှၤဂီၢ်မုၢ်မ့ၢ်ယွၤအကုၢ်အပှၤတဖၣ်လၢအဝဲထုး ထီၣ်အီၤလၢကီၢ်အဲၤကူပတူးအပူၤန့ၣ်လီၤ. အဝဲသ့ၣ်တဘၣ်တၢ်ဆါလီၤကွံာ်အီၤဆူကုၢ်အလီၢ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:55

အဂ့ၢ်ဒ်အံၤ, ပှၤအံၣ်စရ့လးဖိန့ၣ်မ့ၢ်ယကုၢ်ယပှၤလီၤ. အဝဲသ့ၣ်မ့ၢ်ယကုၢ်ယပှၤလၢယဒုးဟးထီၣ်ကွံာ်အီၤလၢအဲၤကူပတူးအပူၤလီၤ. ယဲဒၣ်အံၤယမ့ၢ်ယွၤသုကစၢ်ယွၤလီၤ.

လံာ်နၤဃူၣ် 1:13

ဒီးခဲကနံၣ်အံၤယကမၤကတၢၢ်ကွံာ်ပှၤအၤၡူၢ်ဖိသ့ၣ်တဖၣ်အစိ အကမီၤလၢသုဖီခိၣ်ဒီးမၤတဲာ်ထးသွဲတဖၣ်လၢအစၢဃာ်သုန့ၣ် လီၤ.”