လံာ်တၢ်ဘူၣ်ထီၣ်ဘါထီၣ် 25:55 - Sgaw Karen Common Bible

⁵⁵ အဂ့ၢ်ဒ်အံၤ, ပှၤအံၣ်စရ့လးဖိန့ၣ်မ့ၢ်ယကုၢ်ယပှၤလီၤ. အဝဲသ့ၣ်မ့ၢ်ယကုၢ်ယပှၤလၢယဒုးဟးထီၣ်ကွံာ်အီၤလၢအဲၤကူပတူးအပူၤလီၤ. ယဲဒၣ်အံၤယမ့ၢ်ယွၤသုကစၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 25:55 Iomraidhean Croise

စံးထီၣ်ပတြၢၤ 116:16

ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်တၢ်ဘူၣ်ထီၣ်ဘါထီၣ် 25:42

အံၣ်စရ့လးအပှၤဂီၢ်မုၢ်မ့ၢ်ယွၤအကုၢ်အပှၤတဖၣ်လၢအဝဲထုး ထီၣ်အီၤလၢကီၢ်အဲၤကူပတူးအပူၤန့ၣ်လီၤ. အဝဲသ့ၣ်တဘၣ်တၢ်ဆါလီၤကွံာ်အီၤဆူကုၢ်အလီၢ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:54

ဒီးအဝဲဒၣ်မ့ၢ်တဘၣ်တၢ်ပျၢ်ကွံာ်အီၤလၢကျဲဒ်သိးအံၤဘၣ်ဒီး, အဝဲဒီးအဖိတဖၣ်ကဘၣ်တၢ်ပျၢ်ကွံာ်အီၤလၢနံၣ်တၢ်သဘျ့အကတီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

ရိမ့ၤ 6:14

တၢ်ဒဲးဘးတဘၣ်ပၢသုဘၣ်. အဂ့ၢ်ဒ်အံၤ, သုတအိၣ်မူလၢတၢ်သိၣ်တၢ်သီအဖီလာ်ဘၣ်, မ့မ့ၢ်လၢကစၢ်ယွၤအဘျုးအဖှိၣ်အဖီလာ်န့ၣ်လီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

1 ကရံၣ်သူး 9:19

ယမ့ၢ်ပှၤသဘျ့တဂၤ, ဒီးတမ့ၢ်ပှၤကုၢ်နီတဂၤဘၣ်န့ၣ်လီၤ. ဘၣ်ဆၣ်ဒီးယကဲပှၤကိးဂၤဒဲးအကုၢ်ဒ်သိးယကဒိးန့ၢ်က့ၤပှၤအါ အါတသ့ဖဲအသ့ဆူခရံာ်အအိၣ်န့ၣ်လီၤ.

1 ကရံၣ်သူး 9:21

ဒ်န့ၣ်အသိး, ဖဲယမၤတၢ်လၢပှၤကလုာ်တဖၣ်အသိးအကျါ န့ၣ်, ယအိၣ်မူယဲဒ်ပှၤကလုာ်ဂၤတဂၤအသိး, လၢယူဒၤ တၢ်သိၣ်တၢ်သီအချၢ, ဒ်သိးယကမၤန့ၢ်က့ၤပှၤကလုာ်ဂၤတဖၣ်ဆူခရံာ်အအိၣ်န့ၣ်လီၤ. အဝဲအံၤန့ၣ်, အခီပညီတမ့ၢ်လၢယတဒိကနၣ်ယွၤအတၢ်သိၣ်တၢ် သီဘၣ်. ယအိၣ်ယဲနီၢ်နီၢ်လၢခရံာ်အတၢ်သိၣ်တၢ်သီအဖီလာ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.