လံာ်တၢ်ဘူၣ်ထီၣ်ဘါထီၣ် 25:50 - Sgaw Karen Common Bible

⁵⁰ အဝဲကဘၣ်ကတိၤတၢ်ဒီးပှၤလၢအပှ့ၤအီၤတဂၤ, ဒီးအဝဲသ့ၣ် ကဘၣ်ဂံၢ်နီၣ်နံၣ်တဖၣ်စးထီၣ်အကတီၢ်လၢအဝဲဆါလီၤအသးတုၤနံၣ် တၢ်သဘျ့အကတီၢ်ဒီးကဘၣ်ပာ်လီၤအတၢ်သဘျ့အပှ့ၤဒ်ပှၤဒိးလဲအသး ဖိတဂၤအဘူးအလဲအိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:50 Iomraidhean Croise

လံာ်စီၤယိၤဘး 14:6

ဃၣ်ကွံာ်နမဲာ်လၢအဝဲအအိၣ်ဒီးပာ်တ့ၢ်ဒၣ်ထဲအီၤတဂၤဧိၤန့ၣ် တက့ၢ်. တၢ်အိၣ်မူဒ်ပှၤဒိးလဲအသးအတၢ်အိၣ်မူအဆူၣ်အကိၤ န့ၣ်အိၣ်မူဝဲမ့ၢ်သ့ဒီး ပျဲအမုာ်လၤဒၣ်ဝဲတက့ၢ်.

လံာ်ယၡါယၤ 16:14

ဒီးခဲအံၤယွၤစံးဝဲဒၣ်, “လၢသၢနံၣ်တီတီအပူၤန့ၣ်, ကီၢ်မိၤအးအတၢ်ထူးတၢ်တီၤဖးဒိၣ်ကလီၤမၢ်ကွံာ်ဝဲလီၤ. လၢအပှၤဂီၢ်မုၢ်အါအါဂီၢ်ဂီၢ်အကျါန့ၣ်, ထဲပှၤစှၤဂၤဧိၤက အိၣ်မူတ့ၢ်ဝဲဒီးအဝဲသ့ၣ်အဂံၢ်အဘါကစၢ်ဝဲလီၤ.”

လံာ်ယၡါယၤ 21:16

အန့ၣ်ဒီးယွၤစံးဘၣ်ယၤ, “လၢတနံၣ်တီတီအပူၤန့ၣ်, က့ဒၢ်အဒူၣ်တဖၣ်အတၢ်ဒိၣ်တၢ်မုာ်ကတုၤ လၢတၢ်အကတၢၢ်လီၤ.

လံာ်တၢ်ဘူၣ်ထီၣ်ဘါထီၣ် 25:28

ဘၣ်ဆၣ်ဒီးအစ့မ့ၢ်တအိၣ်လၢလၢပှဲၤပှဲၤလၢကပှ့ၤကဒါက့ၤဟီၣ်ခိၣ် န့ၣ်ဒီး, ဟီၣ်ခိၣ်န့ၣ်ကအိၣ်ဒၣ်လၢပှၤလၢအပှ့ၤတ့ၢ်အီၤတဂၤန့ၣ်အစုပူၤ တုၤလၢတၢ်သဘျ့အနံၣ်တစုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:40

အဝဲကအိၣ်ဒီးသုဒ်ပှၤဒိးလဲအသးဖိတဂၤအသိးဒီးမၤသုတၢ်မၤတုၤလၢနံၣ်သဘျ့ အကတီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:49

အဖါတံၢ်မ့ၢ်ဂ့ၤ, အတခွါမ့ၢ်ဂ့ၤ, အဘူးအတံၢ်တံၢ်နီၢ်အကျါတဂၤဂၤမ့ၢ်ဂ့ၤ, ပှ့ၤက့ၤအီၤသ့ဝဲဒၣ်န့ၣ်လီၤ. အဝဲအနီၢ်ကစၢ်ဒၣ်ဝဲမ့ၢ်ဘီၣ်ထီၣ်ညီထီၣ်န့ၣ် ဒီးပှ့ၤက့ၤအသးဒၣ်ဝဲသ့လီၤ.

လံာ်တၢ်ဘူၣ်ထီၣ်ဘါထီၣ် 25:51

တချုးနံၣ်သဘျ့တုၤန့ၣ်တၢ်ဆၢကတီၢ်မ့ၢ်အိၣ်ဒံးအါနံၣ်ဒီးအဝဲ ကဘၣ်မၤပှဲၤထီၣ်တၢ်အပှ့ၤလၢအဘူးအလဲလၢအဒိးန့ၢ်ဘၣ်ဝဲအကျါ တနီၤဒ်တၢ်ဆိၣ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:53

ဒ်ကုၢ်လၢအဘၣ်တၢ်ဒိးလဲအီၤတနံၣ်ဘၣ်တနံၣ်အသိးန့ၣ်ကဘၣ်အိၣ်ဒီး ပှၤလၢအပှ့ၤအီၤဒီးတၢ်တဘၣ်မၤအီၤလၢတၢ်စုဆူၣ်ခီၣ်တကးအပူၤန့ၣ်ဘၣ်.

လံာ်သိၣ်လီၤသီလီၤတၢ် 15:18

တုၤသုပျၢ်ဖျဲးကုၢ်တဂၤန့ၣ်အိၣ်ဒီးတၢ်သူၣ်တမုာ်သးတမုာ်တ ဂ့ၤ. မ့ၢ်လၢအဝဲမၤတ့ၢ်တၢ်လၢနဂီၢ်လၢဃုနံၣ်အတီၢ်ပူၤအိၣ်ဒီးအဘူး အလဲပှဲၤသိးဒၣ်တၢ်ခ့တၢ်ပှၤလၢတၢ်ဒိးလဲအီၤတဂၤအဘူးအလဲတဝာ် န့ၣ်လီၤ. မၤတၢ်အံၤဒီးယွၤသုကစၢ်ယွၤကဆိၣ်ဂ့ၤသုလၢတၢ်လၢသုမၤအီၤ ခဲလၢာ်အပူၤန့ၣ်လီၤ.