လံာ်တၢ်ဘူၣ်ထီၣ်ဘါထီၣ် 25:39 - Sgaw Karen Common Bible

³⁹ ဒီးပှၤအံၣ်စရ့လးဖိကဒဲကဒဲဒီးသုလၢအအိၣ် ဘူးဒီးသုတဂၤမ့ၢ်ဖှီၣ်လီၤယာ်လီၤတုၤအဘၣ်ဆါလီၤအသးလၢသုဒ် ကုၢ်တဂၤအသိးန့ၣ်ဒီးသုတဘၣ်မၢအမၤတၢ်ဒ်ကုၢ်တဂၤအသိးန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:39 Iomraidhean Croise

လံာ်စီၤပၤအခီၣ်ထံးတဘ့ၣ် 9:22

စီၤၡလိၤမိၤတမၢကဲကုၢ်ဘၣ်ပှၤအံၣ်စရ့လးဖိတဖၣ်န့ၣ်ဘၣ်. အဝဲသ့ၣ်မၤအတၢ်ဒ်အဝဲပှၤသုးဖိသံၣ်ဖိတဖၣ်အသိး, ဒ်ပဒိၣ်ပပှၢ်တဖၣ်အသိး, ဒ်သုးခိၣ်သုးနၢ်တဖၣ်အသိး, ဒ်လ့ၣ်ကဟၣ်သုးအခိၣ်တဖၣ်အသိး, ဒီးဒ်ပှၤဒိးကသ့ၣ်သုးဖိတဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 28:10

ခဲကနံၣ်အံၤ, ပှၤပိာ်ခွါတဖၣ်ဒီးပှၤပိာ်မုၣ်တဖၣ်လၢဝ့ၢ်ယရူၤ ၡလ့ၣ်ဒီးကီၢ်ယူဒၤန့ၣ်, သုပာ်လီၤသုသးလၢသုကဒုးကဲထီၣ်အီၤလၢသုကုၢ်တဖၣ်န့ၣ်လီၤ. မ့ၢ်သုတသ့ၣ်ညါလၢသုဝဲစ့ၢ်ကီးသုမၤတ့ၢ်တၢ်ဒဲးဘးတဖၣ်ထီ ဒါယွၤ, သုကစၢ်ယွၤန့ၣ်ဘၣ်ဧါ.

လံာ်စီၤနဃ့မယၤ 5:5

ပမ့ၢ်ပှၤတကလုာ်ဃီဒီးပဒီပုၢ်ဝဲၢ်ပှၤယူဒၤဖိသ့ၣ်တဖၣ်န့ၣ် လီၤ. မ့ၢ်ပဖိပလံၤသ့ၣ်တဖၣ်တဂ့ၤထဲသိးအဝဲသ့ၣ်န့ၣ်ဘၣ်ဧါ. ဘၣ်ဆၣ်ပဘၣ်ဒုးကဲကုၢ်ပဖိပလံၤသ့ၣ်တဖၣ်န့ၣ်လီၤ. ပဖိမုၣ်တနီၤဘၣ်တၢ်ဆါတ့ၢ်လံအီၤလၢကုၢ်အလီၢ်န့ၣ်လီၤ. မ့ၢ်လၢပစံာ်ပျီတဖၣ်ဒီးပစပံးလီၢ်သ့ၣ်တဖၣ်ဘၣ်တၢ်ဟံးထီၣ်ကွံာ် လၢပအိၣ်အဃိတၢ်မၤစၢၤပှၤတအိၣ်ဘၣ်န့ၣ်လီၤ.”

လံာ်တၢ်ဟးထီၣ်ကွံာ် 1:14

ဒီးမၢဆူၣ်မၤနၢၤဝဲဒၣ်လၢတၢ်သူၣ်ထီၣ်ဘှီထီၣ်တၢ်မၤလီၢ်တဖၣ် ဒီးလၢစံာ်ပျီတဖၣ်အပူၤ, ဒီးတသးကညီၤဘၣ်ဝဲနီတစဲးဘၣ်န့ၣ်လီၤ.

လံာ်တၢ်ဟးထီၣ်ကွံာ် 21:2

သုမ့ၢ်ပှ့ၤန့ၢ်ပှၤဧ့ၤဘြံၤဖိ ကုၢ်တဂၤဒီးအဝဲကမၤသုတၢ်ခ့တၢ်ပှၤတၢ်မၤဃုနံၣ်လီၤ. လၢနွံနံၣ်တနံၣ်အပူၤန့ၣ်အဝဲကဘၣ်တၢ်ပျၢ်ဖျဲးကွံာ်အီၤဒီးတဘၣ်ဟ့ၣ်တၢ်အပှ့ၤနီတမံၤဘၣ်.

လံာ်တၢ်ဟးထီၣ်ကွံာ် 22:3

ဆၣ်ဖိကီၢ်ဖိလၢဘၣ်တၢ်ဟုၣ်န့ၢ်အီၤတဒုန့ၣ်မ့မ့ၢ်ကျီၢ်မိၢ် တဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, သိတဒုမ့ၢ်ဂ့ၤဒီး, မ့ၢ်ဘၣ်တၢ်ထံၣ်န့ၢ်အီၤမူဒံးလၢအတၢ်ဖိတၢ်လံၤအကျါန့ၣ်, အဝဲကဘၣ်လိးက့ၤတၢ်ခံစးန့ၣ်လီၤ.

လံာ်ယံးရမံယၤ 25:14

ယကမၤဘၣ်က့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤတ့ၢ်ဝဲ အဃိ, ဒီးပှၤကလုာ်အါကလုာ် ဒီးစီၤပၤဖးဒိၣ်တဖၣ် ကဒုးကဲထီၣ်အဝဲသ့ၣ်လၢကုၢ်တဖၣ် န့ၣ်လီၤ.”

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 30:8

ယွၤသ့တၢ်လၢာ်စံးဝဲဒၣ်, “ဖဲမုၢ်နံၤအဝဲန့ၣ်ဟဲဝဲဒီး, ယကမၤကၢ်ကွံာ်နီၣ်ယိးဘိလၢ အအိၣ်လၢ အဝဲ သ့ၣ်အကိာ်လိၤဒီး သုးကွံာ် အဝဲသ့ၣ်အထးသွဲတဖၣ် ဒီး အဝဲသ့ၣ်တကဲဘၣ်လၢၤပှၤတခီဘီမုၢ် ဖိတဖၣ် အကုၢ်တဖၣ်န့ၣ်ဘၣ်.

လံာ်ယံးရမံယၤ 34:14

နွံနံၣ်တဘျီ, နွံနံၣ်တဘျီန့ၣ်, အဝဲသ့ၣ်ကဘၣ်ပျၢ်ဖျဲး ပှၤဧ့ၤဘြံၤဖိ ကုၢ်တဂၤဂ့ၤတဂၤဂ့ၤလၢ အကဲတ့ၢ်အကုၢ်ဃုနံၣ် န့ၣ်လီၤ. ဘၣ်ဆၣ်ဒီး သုမိၢ်ပၢ်ဖံဖုလၢပျၢၤတဖၣ် တကနၣ်ဃုာ်ယၤဒီး ဒိကနၣ်တၢ်လၢ ယစံးဘၣ်တ့ၢ်အဝဲသ့ၣ်န့ၣ်ဘၣ်.

လံာ်ယံးရမံယၤ 34:8

စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

လံာ်ယံးရမံယၤ 34:9

အဝဲသ့ၣ်အပှၤဧ့ၤဘြံၤဖိ အကုၢ်တဖၣ် မုၣ်မုၣ်ခွါခွါ, ဒ်သိးပှၤသုတမၢကဲကုၢ် အဒီပုၢ်ဝဲၢ်ပှၤအံၣ်စရ့လးဖိ ကဒဲကဲဒ် ကုၢ်တဂၤအသိးတဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:46

ဒီးသုကပာ်လီၤတဲာ်အဝဲသ့ၣ်လၢ သုဖိခွါတဖၣ်အတၢ်န့ၢ်သါအဂီၢ်ဒီးကဘၣ်မၤအတၢ်မၤတစိၤသုဖိ ခွါတဖၣ်အသးသမူန့ၣ်လီၤ. ဘၣ်ဆၣ်ဒီးသုတဘၣ်မၤအံၣ်စရ့လးဖိကဒဲကဒဲဒီးသုလၢတၢ်စု ဆူၣ်ခီၣ်တကးန့ၣ်ဘၣ်.

လံာ်မးသဲ 18:25

မ့ၢ်လၢအခ့အပှၤအံၤလိးက့ၤစ့အံၤတန့ၢ်ဘၣ်အဃိ, အကစၢ်ဟ့ၣ်လီၤအကလုၢ်လၢအကဘၣ်တၢ်ဆါလီၤကွံာ်အီၤ, အမါဒီးအဖိတဖၣ်, ဒီးတၢ်လၢအအိၣ်ဒီးအီၤခဲလၢာ်, ဒီးလိးက့ၤအကမၢ်န့ၣ်လီၤ.