လံာ်တၢ်ဘူၣ်ထီၣ်ဘါထီၣ် 25:37 - Sgaw Karen Common Bible

³⁷ ဒီးသုတဘၣ်ဟ့ၣ်လီၤအီၤလၢသုစ့လၢတၢ်အ့ၣ်ထီၣ်အဂီၢ်ဘၣ်. ဒီးသုတဘၣ်ဟ့ၣ်လီၤအီၤလၢသုတၢ်အီၣ်လၢတၢ်အါထီၣ်အဂီၢ်ဘၣ်.

လံာ်တၢ်ဘူၣ်ထီၣ်ဘါထီၣ် 25:37 Iomraidhean Croise

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယံးရမံယၤ 15:10

ယမ့ၢ်ပှၤတဂၤလၢအသးဘၣ်ဖှီၣ်လီၤ. ဘၣ်မနုၤအဃိယမိၢ် ဆံးစၢ်ထီၣ်ယၤလၢဟီၣ်ခိၣ်ချၢအံၤန့ၣ်လဲၣ်. ယဘၣ်အ့ၣ်လိာ် ယသးဒီးဂ့ၢ်လိာ်တၢ်ဒီးပှၤကိးဂၤဒဲးလၢကီၢ်အံၤအပူၤန့ၣ်လီၤ. ယတဟ့ၣ်လိၢ်လီၤစ့မ့ၢ်ဂ့ၤ, ဃ့လိၢ်စ့မ့ၢ်ဂ့ၤနီတမံၤဘၣ်. အန့ၣ်ဒၣ်လဲာ်, ပှၤကိးဂၤဒဲးဆိၣ်အၢယၤန့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်တၢ်ဘူၣ်ထီၣ်ဘါထီၣ် 25:36

စ့အအ့ၣ်မ့ၢ်ဂ့ၤတၢ်အါထီၣ်မ့ၢ်ဂ့ၤဟံးန့ၢ်လၢအအိၣ်တဂ့ၤ. မ့မ့ၢ်သုဘၣ်ပျံၤသုကစၢ်ယွၤဒီးပျဲပှၤအံၣ်စရ့လးဖိကဒဲကဒဲဒီးသု အိၣ်မူဘူးဒီးသုတက့ၢ်.

လံာ်တၢ်ဘူၣ်ထီၣ်ဘါထီၣ် 25:38

တၢ်မၤလိာ်အံၤမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးဒ်သိးကဟ့ၣ်သု လၢကီၢ်ကနၤဧၣ်ဒီးကဲထီၣ်ဝဲသုကစၢ်ယွၤအတၢ်မၤလိာ်န့ၣ်လီၤ.