လံာ်တၢ်ဘူၣ်ထီၣ်ဘါထီၣ် 25:34 - Sgaw Karen Common Bible

³⁴ ဒီးအစံာ်အပှဲၤလၢအဝ့ၢ်အဃၢၤတဖၣ်န့ၣ်တဘၣ်တၢ်ဆါကွံာ်အီၤဘၣ်. အဂ့ၢ်ဒ်အံၤ, မ့ၢ်အတၢ်လီၤထူလီၤယိာ်လီၤ.

လံာ်တၢ်ဘူၣ်ထီၣ်ဘါထီၣ် 25:34 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:19

လၢပှၤလုၢ်တၢ်အခိၣ်တဖၣ်လၢအအိၣ်ဆိးဝဲလၢစီၤအၤဟရိၣ်အစၢၤ အသွဲၣ်အတၢ်န့ၢ်သါအဝ့ၢ်တဖၣ်အပူၤမ့ၢ်ဂ့ၤ, လၢဝ့ၢ်တဖၣ်န့ၣ်အတၢ်အီၣ်ဆၣ်လီၢ်လါဟ့အပူၤမ့ၢ်ဂ့ၤအကျါပှၤ အိၣ်မူအိၣ်ဒါတဖၣ်အိၣ်စ့ၢ်ကီးဝဲလၢအနီၤလီၤတၢ်အီၣ်တၢ်အီဆူ ကယဲၢ်ပှၤပိာ်ခွါတဖၣ်လၢပှၤလုၢ်တၢ်အခိၣ်အဟံၣ်ဖိဃီဖိအအိၣ်ဒီး ဆူကယဲၢ်ပှၤတဂၤလၢ်လၢ်လၢအမံၤအိၣ်ဝဲလၢပှၤလ့ၤဝံအဒူၣ်ထၢ အတၢ်ကွဲးနီၣ်အပူၤအအိၣ်န့ၣ်လီၤ.

လံာ်ယဃ့းစက့လး 48:13

ပှၤလ့ၤဝံဖိတဖၣ်စ့ၢ်ကီးကဘၣ်ဒိးန့ၢ်တၢ်လီၢ်လီၤဆီတကဝီၤလၢ ပှၤလုၢ်တၢ်အခိၣ်သ့ၣ်တဖၣ်အတၢ်လီၢ်အံၤအကလံၤထံးတကပၤ န့ၣ်လီၤ. တၢ်လီၢ်အံၤစ့ၢ်ကီးအတၢ်ထိၣ်ကဘၣ်မ့ၢ်ဝဲလၢမုၢ်ထီၣ် ဆူမုၢ်နုာ်န့ၣ်အပျၢ်ခံကလးယဲၢ်ကထိဒီးလၢကလံၤစိးဆူကလံၤထံး န့ၣ်အပျၢ်တကလးန့ၣ်လီၤ.

လံာ်ယဃ့းစက့လး 48:14

တၢ်လီၢ်ကဝီၤလၢအဘၣ်တၢ်လုၢ်ထီၣ်အီၤလၢယွၤန့ၣ်မ့ၢ်လီၢ် အဂ့ၤကတၢၢ်လၢကီၢ်ပူၤဒီးပှၤတဘၣ်ဆါကွံာ်အီၤမ့ၢ်ဂ့ၤ, တဘၣ်လဲလိာ်အီၤမ့ၢ်ဂ့ၤ, တဘၣ်ဟ့ၣ်ဆူပှၤအဂၤတဂၤအအိၣ် မ့ၢ်ဂ့ၤနီတဂၤဘၣ်. တၢ်လီၢ်ကဝီၤအံၤစီဆှံဒီးဘၣ်ဃးဒီးယွၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:23

ဒီးသုဟီၣ်ခိၣ်န့ၣ်တဘၣ်တၢ်ဆါလီၤကွံာ်အီၤလီၤထူလီၤယိာ်ဘၣ်. အဂ့ၢ်ဒ်အံၤ, တမ့ၢ်သုတၢ်ဘၣ်. ဒီးသုမ့ၢ်ပှၤတခီဘီမုၢ်ဖိဒီးပှၤသမှံၤလၢယဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 25:33

ဒီးဟံၣ်လၢအဘၣ်တၢ်ဆါအီၤလၢပှၤလ့ၤဝံဖိ, ဒီးမ့ၢ်တဘၣ်တၢ်ပှ့ၤကဒါက့ၤအီၤဘၣ်န့ၣ်ကဘၣ်တၢ်ဟ့ၣ်က့ၤအီၤလၢ တၢ်သဘျ့အနံၣ်န့ၣ်လီၤ. အဂ့ၢ်ဒ်အံၤ, ဟံၣ်ဧိၤဃီဧိၤလၢပှၤလ့ၤဝံဖိအ ဝ့ၢ်တဖၣ်အပူၤန့ၣ်မ့ၢ်အဝဲသ့ၣ်အတၢ်လီၤထူလီၤယိာ်လၢအံၣ်စရ့လးအပှၤဂီၢ်မုၢ်အကျါန့ၣ်လီၤ.