လံာ်တၢ်ဘူၣ်ထီၣ်ဘါထီၣ် 25:25 - Sgaw Karen Common Bible

²⁵ ပှၤအံၣ်စရ့လးဖိတဂၤဂၤမ့ၢ်ဖှီၣ်လီၤယာ်လီၤဝဲတုၤအဘၣ် ဆါလီၤကွံာ်အဟီၣ်ခိၣ်န့ၣ်ဒီး, အဘူးအတံၢ်လၢအဘူးကတၢၢ်ဒီး အီၤကဘၣ်ပှ့ၤကဒါက့ၤဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:25 Iomraidhean Croise

လံာ်တၢ်ဘူၣ်ထီၣ်ဘါထီၣ် 25:24

ဖဲဟီၣ်ခိၣ်န့ၣ်ဘၣ်တၢ်ဆါလီၤအီၤန့ၣ်, သုဘၣ်သ့ၣ်ညါလၢဟီၣ်ခိၣ် အကစၢ်လၢအခီၣ်ထံးန့ၣ်အိၣ်ဒီးခွဲးယာ်လၢကပှ့ၤကဒါက့ၤဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:26

ပှၤတဂၤလၢအတအိၣ်ဘၣ်ဒီးအဘူးအတံၢ်လၢကပှ့ၤက့ၤဟီၣ်ခိၣ်န့ၣ်, လၢခံမ့ၢ်ဘီၣ်ထီၣ်ညီထီၣ်က့ၤဒီးကဘၣ်ပှ့ၤကဒါက့ၤဟီၣ်ခိၣ်န့ၣ်လၢအနီၢ်ကစၢ်ဒၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 25:47

ပှၤတခီဘီမုၢ်ဖိလၢအအိၣ်လၢ သုကျါမ့ၢ်ဘီၣ်ထီၣ်ညီထီၣ်ဒီးဖဲပှၤအံၣ်စရ့လးဖိကဒဲက ဒဲဒီးသုတဂၤမ့ၢ်ဖှီၣ်လီၤယာ်လီၤဝဲဒီးဆါလီၤကွံာ်အသးဒ် ကုၢ်တဂၤအသိးဆူပှၤတခီဘီမုၢ်ဖိတဂၤန့ၣ်အအိၣ်မ့ၢ်ဂ့ၤဆူအဟံၣ်ဖိဃီ ဖိတဂၤဂၤအအိၣ်မ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 27:22

ဒီးပှၤတဂၤဂၤမ့ၢ်လုၢ်ထီၣ်စံာ်လၢအပှ့ၤတ့ၢ်လံဝဲဆူယွၤအအိၣ်န့ၣ်ဒီး,

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.

လံာ်နီၢ်ရူၤသး 2:20

ဒီးနီၢ်နၤဧမံစံးဘၣ်အဒဲၣ်, “မ်ယွၤလၢအဟံးဃာ်အတၢ်အၢၣ်လီၤအီလီၤထီဘိ ဆူပှၤသံဒီးပှၤမူတဂၤန့ၣ်ဆိၣ်ဂ့ၤစီၤဘိၤဧးတက့ၢ်.” ဒီးစံးကဒီးဝဲ, “ပှၤအံၤမ့ၢ်ပဘူးပတံၢ်အကျါတဂၤ, ဒီးအိၣ်ဒီးအမူအဒါလၢကဘၣ်အံးထွဲကွၢ်ထွဲပှၤန့ၣ်လီၤ.”

လံာ်နီၢ်ရူၤသး 3:12

ယမ့ၢ်ပှၤလၢအဘူးအတံၢ်တဂၤနီၢ်နီၢ်လၢမူဒါအိၣ်ဝဲလၢနဂီၢ် လီၤ. ဘၣ်ဆၣ်ပှၤလၢအဘူးဒိၣ်န့ၢ်ယၤတက့ၢ်န့ၣ်, အိၣ်ဝဲတဂၤလီၤ.

လံာ်နီၢ်ရူၤသး 3:2

သ့ၣ်နီၣ်ထီၣ်က့ၤစီၤဘိၤဧးလၢနလဲၤမၤတၢ်ဃုာ်ဒီးအပှၤမၤတၢ် ဖိပိာ်မုၣ်တဖၣ်န့ၣ်, မ့ၢ်ပဘူးပတံၢ်တဂၤန့ၣ်တက့ၢ်. ခဲကနံၣ်အံၤ, ဒိကနၣ်တၢ်တက့ၢ်. မုၢ်တဟါအံၤအဝဲကပ ညၢဘုမုယီၤလၢကြဲၢ်ပူၤန့ၣ်လီၤ.

လံာ်နီၢ်ရူၤသး 3:9

ဒီးစံးဝဲဒၣ်, “နမ့ၢ်မတၤလဲၣ်.” ပိာ်မုၣ်န့ၣ်စံးဆၢဝဲ, “ယမ့ၢ်နကုၢ်ပိာ်မုၣ်နီၢ်ရူၤသးလီၤ. ဒုးလုးစ့ၢ်ကီးယၤလၢ နယၣ်လုးတက့ၢ်. အဂ့ၢ်ဒ်အံၤ, နမ့ၢ်ပှၤလၢအဘူးအတံၢ်တဂၤ, ပှၤလၢအမူအဒါအိၣ်လၢကအံးထွဲကွၢ်ထွဲက့ၤယၤအဂီၢ်န့ၣ်လီၤ.”

လံာ်နီၢ်ရူၤသး 4:3

စီၤဘိၤဧးစံးဘၣ်အဘူးအတံၢ်တဂၤန့ၣ်, “ခဲကနံၣ်အံၤ, နီၢ်နၤဧမံလၢအဟဲက့ၤတ့ၢ်လံလၢကီၢ်မိၤဧးန့ၣ်အဲၣ်ဒိးဆါ လီၤကွံာ်ဟီၣ်ခိၣ်တကဝီၤလၢအမ့ၢ်ပဘူးပတံၢ်စီၤအလံၤမ့လ့းအ တၢ်န့ၣ်လီၤ.