လံာ်တၢ်ဘူၣ်ထီၣ်ဘါထီၣ် 25:24 - Sgaw Karen Common Bible

²⁴ ဖဲဟီၣ်ခိၣ်န့ၣ်ဘၣ်တၢ်ဆါလီၤအီၤန့ၣ်, သုဘၣ်သ့ၣ်ညါလၢဟီၣ်ခိၣ် အကစၢ်လၢအခီၣ်ထံးန့ၣ်အိၣ်ဒီးခွဲးယာ်လၢကပှ့ၤကဒါက့ၤဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:24 Iomraidhean Croise

လံာ်ယဃ့းစက့လး 7:13

ပှၤကူၣ်တၢ်ကၤတၢ်တအိၣ်မူဘၣ်ဝဲတုၤလၢအကမၤန့ၢ်က့ၤအတၢ်လီၤမၢ် နီတဂၤန့ၣ်ဘၣ်. အဂ့ၢ်ဒ်အံၤ, ကစၢ်ယွၤအတၢ်သးဒိၣ်ထီၣ်လီၤဘၣ်ပှၤကိးဂၤဒဲးန့ၣ်လီၤ. ပှၤတဖၣ်လၢအအၢအသီန့ၣ်အိၣ်မူလီၤတဲာ်တသ့ဘၣ်.

လံာ်တၢ်ဘူၣ်ထီၣ်ဘါထီၣ် 25:23

ဒီးသုဟီၣ်ခိၣ်န့ၣ်တဘၣ်တၢ်ဆါလီၤကွံာ်အီၤလီၤထူလီၤယိာ်ဘၣ်. အဂ့ၢ်ဒ်အံၤ, တမ့ၢ်သုတၢ်ဘၣ်. ဒီးသုမ့ၢ်ပှၤတခီဘီမုၢ်ဖိဒီးပှၤသမှံၤလၢယဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 25:25

ပှၤအံၣ်စရ့လးဖိတဂၤဂၤမ့ၢ်ဖှီၣ်လီၤယာ်လီၤဝဲတုၤအဘၣ် ဆါလီၤကွံာ်အဟီၣ်ခိၣ်န့ၣ်ဒီး, အဘူးအတံၢ်လၢအဘူးကတၢၢ်ဒီး အီၤကဘၣ်ပှ့ၤကဒါက့ၤဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:27

ဒီးအဝဲကဘၣ်ဟ့ၣ်က့ၤတၢ်အပှ့ၤဆူပှၤလၢအပှ့ၤတၢ်န့ၣ်စးထီၣ်လၢ အဆါလီၤတၢ်အနံၣ်တုၤနံၣ်လၢတၢ်သဘျ့အနံၣ်, ဒီးတၢ်ကဟ့ၣ်ကဒါက့ၤအီၤအဟီၣ်ခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:31

မ့မ့ၢ်ဟံၣ်ဧိၤဃီဧိၤလၢအအိၣ်ဝဲလၢသဝီလၢအခိၣ်ဒူဝးတ ရံးအီၤတအိၣ်ဘၣ်တဖၣ်အပူၤန့ၣ်ဘၣ်တၢ်ပာ်အီၤဒ်စံာ်ဧိၤပှဲၤဧိၤလၢခိအသိးန့ၣ်လီၤ. အကစၢ်လၢအခီၣ်ထံးတဂၤန့ၣ်အိၣ်ဒီးအတၢ်ခွဲးတၢ်ယာ်လၢကပှ့ၤကဒါက့ၤဝဲ, ဒီးကဘၣ်တၢ်ဟ့ၣ်ကဒါက့ၤအီၤလၢတၢ်သဘျ့အနံၣ်အပူၤန့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

အ့းဖ့းစူး 1:14

သးစီဆှံမ့ၢ်တၢ်လၢအအုၣ်အသးဘၣ်ဃးဒီးတၢ်လၢ ကစၢ်ယွၤကဟ့ၣ်သါအပှၤဂီၢ်မုၢ်တဖၣ်တုၤလီၤလၢပဒိး န့ၢ်ဘၣ်အီၤလၢလၢပှဲၤပှဲၤတစုန့ၣ်လီၤ. မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.