လံာ်တၢ်ဘူၣ်ထီၣ်ဘါထီၣ် 25:21 - Sgaw Karen Common Bible

²¹ ယွၤကဆိၣ်ဂ့ၤထံကီၢ်လၢဃုနံၣ်တနံၣ်အတီၢ်ပူၤဒ်သိးအကဟ့ၣ်ထီၣ်တၢ်အီၣ်လၢကလၢဝဲသၢနံၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 25:21 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 41:47

လၢတၢ်အီၣ်ကုးအီပှဲၤနွံနံၣ်အတီၢ်ပူၤန့ၣ်, ဟီၣ်ခိၣ်ဒုးမဲထီၣ်သၣ်ထီၣ်ဘုဧိၤဟုဧိၤအါအါဂီၢ်ဂီၢ်လီၤ.

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

လံာ်တၢ်ဟးထီၣ်ကွံာ် 16:29

သ့ၣ်နီၣ်ထီၣ်ယၤ, ယွၤအံၤဟ့ၣ်တ့ၢ်သုမုၢ်တနံၤလၢတၢ်အိၣ်ဘှံး အဂီၢ်သတးဒီး, လၢဃုနံၤတနံၤန့ၣ်ယကဟ့ၣ်သုတၢ်အီၣ်, လၢဝဲလၢခံသီအဂီၢ်န့ၣ်လီၤ. ပှၤကိးဂၤဒဲးကဘၣ်အိၣ်, ဖဲအအိၣ်ဝဲအလီၢ်လၢမုၢ်နွံနံၤတနံၤန့ၣ်ဒီးတဘၣ်ဟးထီၣ်လၢ အဟံၣ်ပူၤဘၣ်.”

လံာ်တၢ်ဟးထီၣ်ကွံာ် 16:5

ဒီးလၢဃုနံၤတနံၤန့ၣ်အဝဲသ့ၣ်ကဘၣ်ဟဲက့ၤစိာ်တၢ်ပှဲၤသိးညီ နုၢ်အဟဲက့ၤစိာ်တ့ၢ်ဝဲန့ၣ်ခံစးဒီးကတဲာ်ကတီၤအီၤလီၤ.”

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:4

မ့မ့ၢ်နွံနံၣ်တနံၣ်န့ၣ်ကဘၣ်မ့ၢ်တၢ်အိၣ်ဘှံးလၢလၢပှဲၤပှဲၤအနံၣ် တနံၣ်လၢဟီၣ်ခိၣ်အဂီၢ်, နံၣ်တနံၣ်လၢအဘၣ်တၢ်ပာ်စီဆှံအီၤဆူယွၤအအိၣ်န့ၣ်လီၤ. သူၣ်လီၤဖျးလီၤတၢ်လၢသုစံာ်ပျီပူၤတဂ့ၤ, ဒီးပဲာ်ဟိကဆှီထီၣ်သုစပံးအလီၢ်တဂ့ၤ.

လံာ်တၢ်ဘူၣ်ထီၣ်ဘါထီၣ် 25:6

ဟီၣ်ခိၣ်န့ၣ်မ့ၢ်တဘၣ်တၢ်သူၣ်လီၤဖျးလီၤတၢ်လၢအပူၤလၢနံၣ် တနံၣ်အံၤအပူၤဘၣ်ဆၣ်ဒီး, ကဟ့ၣ်ထီၣ်တၢ်အီၣ်တၢ်အီလၢသုဂီၢ်, သုကုၢ်တဖၣ်အဂီၢ်, သုခ့သုပှၤတဖၣ်လၢအဒိးလဲအသးအဂီၢ်, ပှၤတခီဘီမုၢ်ဖိလၢအအိၣ်ဒီးသုတဖၣ်အဂီၢ်,

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 28:3

ယွၤကဆိၣ်ဂ့ၤသုခူဧိၤဝ့ၢ်ဧိၤတဖၣ်ဒီးသုစံာ်ဧိၤပှဲၤဧိၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 28:8

ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.