လံာ်တၢ်ဘူၣ်ထီၣ်ဘါထီၣ် 25:20 - Sgaw Karen Common Bible

²⁰ ဘၣ်ဆၣ်ဒီးသုကစံးနွံနံၣ်တနံၣ်န့ၣ်ပကအီၣ်တၢ်မနုၤလဲၣ်, မ့ၢ်လၢပတဘၣ်ဖှံတၢ်ဒီးပတဘၣ်ထၢဖှိၣ်တၢ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:20 Iomraidhean Croise

လံာ်စီၤပၤခံဘ့ၣ်တဘ့ၣ် 7:2

ပှၤကွၢ်ထွဲမၤစၢၤစီၤပၤစံးဘၣ်စီၤအလံၤၡါ, “ယွၤအနီၢ်ကစၢ်ဒၣ်ဝဲမ့ၢ်ဆှၢလီၤဘုဧိၤဟုဧိၤတဘျီဃီဒၣ် လဲာ်န့ၣ်, မၤအသးတသ့ဘၣ်.” စီၤအလံၤၡါစံးဆၢဝဲ, “နကထံၣ်ဘၣ်တၢ်န့ၣ်မၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတမံၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 25:9

စီၤအမၤစယါသံကွၢ်ဝံန့ၣ် “မ့မ့ၢ်ဒ်န့ၣ်ဒီးကယဲၢ်စ့လၢယဟ့ၣ် လီၤလံလၢတၢ်ဒိးလဲအဝဲသ့ၣ်အဂီၢ်န့ၣ်, ပကမၤဒ်လဲၣ်.” ဝံန့ၣ်စံးဆၢအီၤ, “ယွၤဟ့ၣ်က့ၤနၤအါန့ၢ်အလီၢ်သ့ဝဲလီၤ.”

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်တၢ်ဘူၣ်ထီၣ်ဘါထီၣ် 25:19

ဒီးဟီၣ်ခိၣ်ကဟ့ၣ်ထီၣ်အတၤသၣ်, ဒီးသုကအီၣ်ကုးအီပှဲၤဒီးသုကအိၣ်ဂၢၢ်ဆိးကျၢၤလၢအပူၤလီၤ.

လံာ်တၢ်ဘူၣ်ထီၣ်ဘါထီၣ် 25:4

မ့မ့ၢ်နွံနံၣ်တနံၣ်န့ၣ်ကဘၣ်မ့ၢ်တၢ်အိၣ်ဘှံးလၢလၢပှဲၤပှဲၤအနံၣ် တနံၣ်လၢဟီၣ်ခိၣ်အဂီၢ်, နံၣ်တနံၣ်လၢအဘၣ်တၢ်ပာ်စီဆှံအီၤဆူယွၤအအိၣ်န့ၣ်လီၤ. သူၣ်လီၤဖျးလီၤတၢ်လၢသုစံာ်ပျီပူၤတဂ့ၤ, ဒီးပဲာ်ဟိကဆှီထီၣ်သုစပံးအလီၢ်တဂ့ၤ.

လံာ်တၢ်ဘူၣ်ထီၣ်ဘါထီၣ် 25:6

ဟီၣ်ခိၣ်န့ၣ်မ့ၢ်တဘၣ်တၢ်သူၣ်လီၤဖျးလီၤတၢ်လၢအပူၤလၢနံၣ် တနံၣ်အံၤအပူၤဘၣ်ဆၣ်ဒီး, ကဟ့ၣ်ထီၣ်တၢ်အီၣ်တၢ်အီလၢသုဂီၢ်, သုကုၢ်တဖၣ်အဂီၢ်, သုခ့သုပှၤတဖၣ်လၢအဒိးလဲအသးအဂီၢ်, ပှၤတခီဘီမုၢ်ဖိလၢအအိၣ်ဒီးသုတဖၣ်အဂီၢ်,

လံာ်တၢ်ဂံၢ် 11:13

ယကမၤန့ၢ်တၢ်ဖံးတၢ်ညၣ်လၢဝဲလၢပှၤခဲလၢာ်အံၤအဂီၢ်ဖဲလဲၣ်ပူၤ လဲၣ်. အဝဲသ့ၣ်ကအုကစွါဒီးဃ့အီၣ်တၢ်ဖံးတၢ်ညၣ်တဆိတ့ၢ်ဒံးဘၣ်လီၤ.

လံာ်တၢ်ဂံၢ် 11:4

ပှၤတခီဘီမုၢ်ဖိအိၣ်ဝဲတနီၤလၢအလဲၤဃုာ်တၢ်ဒီးပှၤအံၣ်စရ့ လးဖိတဖၣ်န့ၣ်လီၤ. အဝဲသ့ၣ်အသးအိၣ်အီၣ်ဘၣ်တၢ်ဖံးတၢ်ညၣ်ဒိၣ်ဒိၣ်ကလဲာ်ဒီးပှၤအံၣ် စရ့လးဖိတဖၣ်ဒၣ်လဲာ်စးထီၣ်ကဒူးကဒ့ၣ်ထီၣ်တၢ်ဒီးစံးဝဲဒၣ်, “မ့ၢ်မတၤကဒုးအီၣ်ပှၤလၢတၢ်ဖံးတၢ်ညၣ်လဲၣ်.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်လူၤကၣ် 12:29

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.