လံာ်တၢ်ဘူၣ်ထီၣ်ဘါထီၣ် 25:18 - Sgaw Karen Common Bible

¹⁸ ဒီးသုဘၣ်တိၢ်န့ၢ်ယွၤအတၢ်မၤလိာ်ဒီးအတၢ်သိၣ်တၢ်သီတဖၣ်ဒ်သိး သုကအိၣ်ဂၢၢ်ဆိးကျၢၤလၢကီၢ်ပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:18 Iomraidhean Croise

လံာ်စီၤပၤအခီၣ်ထံးတဘ့ၣ် 5:5

ယွၤအၢၣ်လီၤတ့ၢ်ယပၢ်စီၤဒၤဝံးလၢ, နဖိခွါလၢယကဒုးကဲထီၣ် အီၤစီၤပၤလၢနလီၢ်ခံန့ၣ်, ကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးခဲကနံၣ်အံၤယပာ်လီၤယသးလၢယကသူၣ်ထီၣ်တၢ်လုၢ်ဟံၣ် အဝဲန့ၣ်လၢတၢ်ကဘူၣ်ထီၣ်ဘါထီၣ်ယွၤယကစၢ်ယွၤအဂီၢ်န့ၣ်လီၤ.

စံးထီၣ်ပတြၢၤ 103:18

ဒီးလၢပှၤလၢအတိၢ်န့ၢ်အတၢ်အၢၣ်လီၤအီလီၤ ဒီးသ့ၣ်နီၣ်ထီၣ်က့ၤအတၢ်မၤလိာ်ဒ်သိး အကတိၢ်န့ၢ်ဟံးဃာ်အီၤလီၤ.

စံးထီၣ်ပတြၢၤ 4:8

ယကမံလီၤဒီးမံယဲမုာ်မုာ်လီၤ. ယွၤဧၢ, နမ့ၢ်ပှၤထဲတဂၤဧိၤလၢအကဟုဘံၣ် ကယာ်ဘၢယၤလၢလၢပှဲၤပှဲၤန့ၣ်လီၤ.

တၢ်ကတိၤဒိ. 1:33

ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 25:5

အဝဲသ့ၣ်တဲဘၣ်သုလၢ သုကဃၣ်ကွံာ်သုသးလၢ သုတၢ်အိၣ် မူကျဲ အအၢအသီဒီး လၢတၢ်အၢတၢ်သီတဖၣ်လၢ သုမၤအီၤ, ဒ်သိး သုကအိၣ်မူဘၣ်ဒံးလၢ ကီၢ်တဘ့ၣ်အံၤအပူၤ, လၢယွၤဟ့ၣ်လီၤသု ဒီး သုမိၢ်ပၢ်ဖံဖုလၢပျၢၤတဖၣ် ဒ်တၢ်န့ၢ်သါအဂၢၢ်အကျၢၤအသိး န့ၣ်လီၤ.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ယဃ့းစက့လး 33:29

တုၤမ့ၢ်ယစံၣ်ညီၣ်ပှၤဂီၢ်မုၢ်လၢအဝဲသ့ၣ်အတၢ်ဒဲးဘးတဖၣ်အဃိဒီး ဒုးကဲထီၣ်ထံကီၢ်လၢတၢ်အိၣ်လီၤဃီအလီၢ်န့ၣ်, အဝဲသ့ၣ်ကသ့ၣ်ညါ ဝဲလၢယမ့ၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 19:19

တိၢ်န့ၢ်ယတၢ်မၤလိာ်တဖၣ်တက့ၢ်. ဒုးဒၢထီၣ်သုဆၣ်ဖိကီၢ်ဖိလၢအကလုာ်လီၤဆီလိာ်အသးန့ၣ်တဂ့ၤ. ဖှံလီၤတၢ်ချံခံမံၤလၢအလီၤဆီလိာ်အသးလၢသုစံာ်ပူၤတဂ့ၤ. ဒီးကူထီၣ်သိးထီၣ်တၢ်ကူတၢ်သိးလၢအဘၣ်တၢ်မၤအီၤလၢလုၣ်လီၤ ဆီလိာ်အသးခံမံၤန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:37

ဒီးသုဘၣ်တိၢ်န့ၢ်ယတၢ်မၤလိာ်ဒီးယတၢ်သိၣ်တၢ်သီတဖၣ်န့ၣ်လီၤ. ယဲဒၣ်အံၤယမ့ၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 25:19

ဒီးဟီၣ်ခိၣ်ကဟ့ၣ်ထီၣ်အတၤသၣ်, ဒီးသုကအီၣ်ကုးအီပှဲၤဒီးသုကအိၣ်ဂၢၢ်ဆိးကျၢၤလၢအပူၤလီၤ.

လံာ်သိၣ်လီၤသီလီၤတၢ် 12:10

တုၤသုခီဂာ်ထံကျိယၢ်ဒ့ၣ်န့ၣ်, ယွၤကပျဲသုမၤန့ၢ်ကီၢ်န့ၣ် ဒီးအိၣ်ဆိးဖဲန့ၣ်လီၤ. အဝဲကကဟုကယာ်သုလၢကယဲၢ်သုဒုၣ်သုဒါခဲလၢာ်ဒီးသုကအိၣ်ဆိး ပှဲၤဒီးတၢ်ဃူတၢ်မုာ်န့ၣ်လီၤ.

လံာ်သိၣ်လီၤသီလီၤတၢ် 33:12

ဘၣ်ဃးဒီးဘံၣ်ယၤမံၣ်အဒူၣ်အဂ့ၢ်န့ၣ်အဝဲစံးဝဲ, “အအံၤမ့ၢ်ဒူၣ်လၢယွၤအဲၣ်အီၤဒီးဒီဒၣ်အိၣ်ပှိၤအီၤန့ၣ်လီၤ. အဝဲအိၣ်ခိးကဟုကယာ်အဝဲသ့ၣ်ကိးဆၢကိးကတီၢ်ဒဲး, ဒီးအဝဲအိၣ်ဝဲဆိးဝဲလၢအဝဲသ့ၣ်အကျါန့ၣ်လီၤ.”

လံာ်သိၣ်လီၤသီလီၤတၢ် 33:28

လၢတၢ်န့ၣ်အဃိ, စီၤယၤကိာ်အစၢၤအသွဲၣ်တဖၣ်အိၣ်ဝဲ ဆိးဝဲလၢတၢ်ဃူတၢ်မုာ်အပူၤ, အိၣ်ပူၤအိၣ်ဖျဲးဝဲလၢကီၢ် တဘ့ၣ်လၢအပှဲၤဒီးဘုဧိၤဟုဧိၤဒီးစပံးထံအပူၤ, ဖဲပစီၤထံလၢမူကပိာ်လိၤတဖၣ်မၤဘၣ်စီၣ်ဟီၣ်ခိၣ်န့ၣ်လီၤ.