လံာ်တၢ်ဘူၣ်ထီၣ်ဘါထီၣ် 25:13 - Sgaw Karen Common Bible

¹³ ဒီးလၢနံၣ်အံၤအပူၤန့ၣ်ကယဲၢ်တၢ်စုလီၢ်ခီၣ်ခိၣ်လၢအဘၣ်တၢ်ဆါ လီၤကွံာ်တ့ၢ်လံတဖၣ်ကဘၣ်တၢ်ဟ့ၣ်က့ၤအီၤဆူအကစၢ်လၢအခီၣ်ထံး အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:13 Iomraidhean Croise

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယဃ့းစက့လး 7:13

ပှၤကူၣ်တၢ်ကၤတၢ်တအိၣ်မူဘၣ်ဝဲတုၤလၢအကမၤန့ၢ်က့ၤအတၢ်လီၤမၢ် နီတဂၤန့ၣ်ဘၣ်. အဂ့ၢ်ဒ်အံၤ, ကစၢ်ယွၤအတၢ်သးဒိၣ်ထီၣ်လီၤဘၣ်ပှၤကိးဂၤဒဲးန့ၣ်လီၤ. ပှၤတဖၣ်လၢအအၢအသီန့ၣ်အိၣ်မူလီၤတဲာ်တသ့ဘၣ်.

လံာ်တၢ်ဘူၣ်ထီၣ်ဘါထီၣ် 25:10

လၢကျဲဒ်အံၤန့ၣ်သုကဘၣ်ပာ်စီဆှံနံၣ်ယဲၢ်ဆံအနံၣ် န့ၣ်ဒီးဘိးဘၣ်သ့ၣ်ညါတၢ်သဘျ့ဆူပှၤကိးဂၤဒဲးလၢအအိၣ် လၢကီၢ်ပူၤဒီကီၢ်ညါန့ၣ်လီၤ. လၢနံၣ်အံၤအကတီၢ်ပူၤန့ၣ်ကယဲၢ်တၢ်ဖိတၢ်လံၤ, တၢ်စုလီၢ်ခီၣ်ခိၣ်လၢအဘၣ်တၢ်ဆါလီၤကွံာ်တ့ၢ်လံအီၤတဖၣ်ကဘၣ် တၢ်ဟ့ၣ်က့ၤဆူအကစၢ်ဒၣ်ဝဲအအိၣ်မ့ၢ်ဂ့ၤ, ဆူအစၢၤအသွဲၣ်တဖၣ်အအိၣ်မ့ၢ်ဂ့ၤ, ဒီးပှၤတဂၤလၢ်လၢ်လၢအဘၣ်တၢ် ဆါလီၤကွံာ်အီၤဒ်ကုၢ်အသိးန့ၣ်ကဘၣ်တၢ်ဆှၢက ဒါက့ၤအီၤဆူအဒူၣ်ဖိထၢဖိဒၣ်ဝဲအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:12

ဒီနံၣ်ညါအံၤကမ့ၢ်နံၣ်စီဆှံလၢသုဂီၢ်လီၤ. သုကဘၣ်အီၣ်ဒၣ်ထဲတၢ်လၢအမဲထီၣ်ဒၣ်အတၢ်လၢစံာ်ပျီပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:28

ဘၣ်ဆၣ်ဒီးအစ့မ့ၢ်တအိၣ်လၢလၢပှဲၤပှဲၤလၢကပှ့ၤကဒါက့ၤဟီၣ်ခိၣ် န့ၣ်ဒီး, ဟီၣ်ခိၣ်န့ၣ်ကအိၣ်ဒၣ်လၢပှၤလၢအပှ့ၤတ့ၢ်အီၤတဂၤန့ၣ်အစုပူၤ တုၤလၢတၢ်သဘျ့အနံၣ်တစုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:54

ဒီးအဝဲဒၣ်မ့ၢ်တဘၣ်တၢ်ပျၢ်ကွံာ်အီၤလၢကျဲဒ်သိးအံၤဘၣ်ဒီး, အဝဲဒီးအဖိတဖၣ်ကဘၣ်တၢ်ပျၢ်ကွံာ်အီၤလၢနံၣ်တၢ်သဘျ့အကတီၢ်န့ၣ်လီၤ.

လံာ်တၢ်ဂံၢ် 36:4

လၢတၢ်ဟ့ၣ်ကဒါက့ၤတၢ်အနံၣ်အပူၤ, ဖဲကယဲၢ်တၢ်စုလီၢ်ခီၣ်ခိၣ်လၢဘၣ်တၢ်ဆါလီၤတ့ၢ်အီၤဘၣ်တၢ်ဟ့ၣ် က့ၤအီၤဆူအကစၢ်လၢအခီၣ်ထံးကတၢၢ်တဂၤအအိၣ်န့ၣ်, စီၤစလၤဖဃး အဖိမုၣ်တဖၣ်အတၢ်စုလီၢ်ခီၣ်ခိၣ်ကဘၣ်တၢ်ပာ်ဖှိၣ်ဂၢၢ်ကျၢၤအီၤ ဆူပှၤအဒူၣ်လၢအဝဲသ့ၣ်ဆီဟံၣ်ဆီဃီတ့ၢ်ဝဲဒီးအီၤအအိၣ်, ဒီးကလီၤမၢ်ကွံာ်လၢပဒူၣ်ထၢအဂီၢ်န့ၣ်လီၤ.”