လံာ်တၢ်ဘူၣ်ထီၣ်ဘါထီၣ် 25:10 - Sgaw Karen Common Bible

¹⁰ လၢကျဲဒ်အံၤန့ၣ်သုကဘၣ်ပာ်စီဆှံနံၣ်ယဲၢ်ဆံအနံၣ် န့ၣ်ဒီးဘိးဘၣ်သ့ၣ်ညါတၢ်သဘျ့ဆူပှၤကိးဂၤဒဲးလၢအအိၣ် လၢကီၢ်ပူၤဒီကီၢ်ညါန့ၣ်လီၤ. လၢနံၣ်အံၤအကတီၢ်ပူၤန့ၣ်ကယဲၢ်တၢ်ဖိတၢ်လံၤ, တၢ်စုလီၢ်ခီၣ်ခိၣ်လၢအဘၣ်တၢ်ဆါလီၤကွံာ်တ့ၢ်လံအီၤတဖၣ်ကဘၣ် တၢ်ဟ့ၣ်က့ၤဆူအကစၢ်ဒၣ်ဝဲအအိၣ်မ့ၢ်ဂ့ၤ, ဆူအစၢၤအသွဲၣ်တဖၣ်အအိၣ်မ့ၢ်ဂ့ၤ, ဒီးပှၤတဂၤလၢ်လၢ်လၢအဘၣ်တၢ် ဆါလီၤကွံာ်အီၤဒ်ကုၢ်အသိးန့ၣ်ကဘၣ်တၢ်ဆှၢက ဒါက့ၤအီၤဆူအဒူၣ်ဖိထၢဖိဒၣ်ဝဲအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:10 Iomraidhean Croise

လံာ်စီၤဧ့စြၤ 1:3

မ်ကစၢ်ယွၤအိၣ်ဒီးသုဝဲခဲလၢာ်လၢအမ့ၢ်အပှၤဂီၢ်မုၢ်န့ၣ်တ က့ၢ်. သုကဘၣ်လဲၤဆူဝ့ၢ်ယရူၤၡလ့ၣ်ဒီးသူၣ်ထီၣ်ကဒါက့ၤယွၤ, အံၣ်စရ့လးအကစၢ်ယွၤလၢအဘၣ်တၢ်ဘူၣ်ထီၣ်ဘါထီၣ်အီၤလၢဝ့ၢ်ယရူၤ ၡလ့ၣ်အပူၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 146:7

လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်, လၢအဟ့ၣ်လီၤတၢ်အီၣ်တၢ်အီလၢ ပှၤသၣ်ဝံၤအဂီၢ်န့ၣ်, မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယံးရမံယၤ 34:10

ပှၤဂီၢ်မုၢ်ခဲလၢာ်ဒီး အခိၣ်အနၢ်တဖၣ်အသးလီၤပလိာ်ဝဲလၢ ကပျၢ်ပူၤဖျဲး အကုၢ်တဖၣ်ဒီး တမၢကဲကုၢ်ကဒီးအဝဲသ့ၣ် နီတစုလၢၤဘၣ်န့ၣ်လီၤ. ဒီးအဝဲသ့ၣ်ပျၢ်ဖျဲးကွံာ်အကုၢ်တဖၣ် န့ၣ်လီၤ.

လံာ်ယံးရမံယၤ 34:8

စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

လံာ်ယဃ့းစက့လး 46:17

ဘၣ်ဆၣ်စီၤပၤဖိခွါလၢအပၢတၢ်, မ့ၢ်ဟ့ၣ်လီၤအဝဲအတၢ်လီၢ် တတီၤဆူပှၤတဂၤဂၤလၢအအိၣ်လၢအဝဲအတၢ်မၤအပူၤဒီး, တၢ်လီၢ်န့ၣ်ကကဲထီၣ်ကဒါက့ၤကဒီးစီၤပၤဖိခွါန့ၣ် အတၢ်စုလီၢ်ခီၣ်ခိၣ်ဖဲတၢ်ထူၣ်ဖျဲးအနံၣ်ဟဲတုၤဝဲန့ၣ်လီၤ. တၢ်န့ၣ်မ့ၢ်အဝဲ အတၢ်ဒီးထဲအဝဲဒီးအဖိခွါတဖၣ်ဧိၤပၢဘၣ်ဝဲလီၤစိၤလီၤထီသ့ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:11

သုတဘၣ်သူၣ်လီၤဖျးလီၤတၢ်လၢသုစံာ်ပျီတဖၣ်အပူၤဘၣ်, သုတဘၣ်ကူးက့ၤတၢ်လၢအမဲထီၣ်သၣ်ထီၣ်အတၢ်ဒၣ်ဝဲဘၣ်, ဒီးသုတဘၣ်ထၢဖှိၣ်စပံးသၣ်တဖၣ်လၢစပံး အလီၢ်လၢအတဘၣ်တၢ်ပဲာ်ဟိကဆှီထီၣ်အီၤတဖၣ်အပူၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 25:13

ဒီးလၢနံၣ်အံၤအပူၤန့ၣ်ကယဲၢ်တၢ်စုလီၢ်ခီၣ်ခိၣ်လၢအဘၣ်တၢ်ဆါ လီၤကွံာ်တ့ၢ်လံတဖၣ်ကဘၣ်တၢ်ဟ့ၣ်က့ၤအီၤဆူအကစၢ်လၢအခီၣ်ထံး အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:41

အကတီၢ်ဖဲန့ၣ်အဝဲဒီးအဖိတဖၣ်ကဟးထီၣ် ကွံာ်လၢသုအိၣ်ဒီးကက့ၤကဒါက့ၤဆူအဒူၣ်ဖိထၢဖိဒၣ်ဝဲအ အိၣ်, ဒီးမိၢ်ပၢ်ဖံဖုလၢပျၢၤတဖၣ်အတၢ်စုလီၢ်ခီၣ်ခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:54

ဒီးအဝဲဒၣ်မ့ၢ်တဘၣ်တၢ်ပျၢ်ကွံာ်အီၤလၢကျဲဒ်သိးအံၤဘၣ်ဒီး, အဝဲဒီးအဖိတဖၣ်ကဘၣ်တၢ်ပျၢ်ကွံာ်အီၤလၢနံၣ်တၢ်သဘျ့အကတီၢ်န့ၣ်လီၤ.

လံာ်လူၤကၣ် 1:74

အဝဲဒၣ်အၢၣ်လီၤအီလီၤလၢအကအုၣ်က့ၤခီၣ်က့ၤပှၤလၢပဒုၣ် ပဒါတဖၣ်အစုပူၤ ဒီးပျဲပမၤအတၢ်ဖံးတၢ်မၤပူၤဖျဲးဒီးတၢ်ပျံၤတၢ်ဖုး,

၂ ကရံၣ်သူး 3:17

ခဲကနံၣ်အံၤ, “ကစၢ်” လၢတၢ်ကွဲးတတီၤအံၤအပူၤန့ၣ်မ့ၢ်ဝဲယွၤ အသးစီဆှံလီၤ. ဒီးဖဲယွၤအသးစီဆှံအိၣ်ဝဲအလီၢ်န့ၣ်တၢ်သဘျ့ အိၣ်ဝဲလီၤ.

ကလၤတံ 4:25

နီၢ်ဟၤကၢ်, လၢအဘၣ်ထိၣ်သတြီၤအီၤဒီးကစၢၢ်စံၤနါလၢကီၢ်ဧ့ရ့းန့ၣ်, မ့ၢ်တၢ်ဒိတၢ်တဲာ်ဘၣ်ဃးမုၢ်မဆါတနံၤအံၤအဝ့ၢ် ယရူၤၡလ့ၣ်လီၤ. အဂ့ၢ်ဒ်အံၤအဝဲကဲကုၢ်ဒီးအဖိတဖၣ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

၁ ပ့းတရူး 2:16

အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.