လံာ်တၢ်ဘူၣ်ထီၣ်ဘါထီၣ် 24:9 - Sgaw Karen Common Bible

⁹ ဒီးကိၣ်န့ၣ်ကကဲထီၣ်စီၤအၤဟရိၣ်ဒီးအစၢၤအ သွဲၣ်တဖၣ်အတၢ်ဒီးကဘၣ်အီၣ်ဝဲလၢတၢ်လီၢ်စီဆှံအပူၤန့ၣ်လီၤ. အဂ့ၢ်ဒ်အံၤမ့ၢ်တၢ်စီဆှံကတၢၢ်လၢအဂီၢ်လၢတၢ်လုၢ်မ့ၣ်အူ အကျါန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 24:9 Iomraidhean Croise

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:12

ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါအိၣ်လီၤတဲာ်ခံဂၤလၢ အမ့ၢ်စီၤအလၤဧစၢ်ဒီးစီၤအံသမၢ်, “ဟံးန့ၢ်တၢ်လုၢ်ဘုဧိၤဟုဧိၤလၢအအိၣ်လီၤတဲာ်လၢတၢ်လုၢ်မၤ ဘူၣ်တၢ်အီၣ်ဆူယွၤအအိၣ်ဒီးမၤကိၣ်လၢကိၣ်မံၣ်တအိၣ်ဘၣ်. ဒီးအီၣ်အီဖဲတၢ်လုၢ်လီၢ်အကပၤန့ၣ်တက့ၢ်. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:17

“ဘၣ်မနုၤလၢသုတအီၣ်တၢ်လုၢ်တၢ်ပျၢ်တၢ်ဒဲးဘးလၢတၢ်လီၢ်စီ ဆှံန့ၣ်လဲၣ်. တၢ်အံၤမ့ၢ်တၢ်လၢအစီဆှံဝဲဒိၣ်မးဒီးယွၤဟ့ၣ်လီၤသုဒ်သိး တၢ်ကစိာ်ကွံာ်ပှၤဂီၢ်မုၢ်အတၢ်ဒဲးဘးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 21:22

ဒီးအဝဲကအီၣ်ဘၣ်တၢ်အီၣ်လၢအဘၣ်တၢ်လုၢ်ထီၣ်အီၤဆူယအိၣ်, တၢ်အီၣ်လၢအစီအဆှံဒီးအစီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:10

ဒီးပှၤအိၣ်ဝဲဒၣ်တဂၤလၢအပၢ်မ့ၢ်ပှၤ အဲၤကူပတူးဖိဒီးအမိၢ်မ့ၢ်ပှၤအံၣ်စရ့လးမုၣ်ဖိနီၢ်ၡလိမံး (စီၤဒၣ်အဒူၣ်ဖိစီၤဘရံၤအဖိမုၣ်) န့ၣ်လီၤ. ဒီးပှၤတဂၤအံၤအ့ၣ်လိာ်အသးဒီးပှၤအံၣ်စရ့လးဖိတဂၤလၢပှၤအံၣ်စရ့လးဖိသူၣ်ဒဲအလီၢ်ပူၤ န့ၣ်လီၤ. ဒီးပှၤအံၤဒုၣ်ဒွဲၣ်ယွၤအမံၤဒီးဆိၣ်အၢတၢ်, ဒီးပှၤလဲၤဆှၢအီၤဆူစီၤမိၤၡ့အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:11

အန့ၣ်ဝံၤဒီးကဘၣ်လဲလိာ်က့ၤအဆ့ကၤဒီးလဲၤစိာ်ဖၣ်ဆါတဖၣ်န့ၣ် ဆူတၢ်လီၢ်ကဆှီလၢဒဲအချၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:16

ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 8:3

အန့ၣ်ဒီး, မၤလိာ်ပှၤဂီၢ်မုၢ်လၢအကဟဲပာ်ဖှိၣ်အသးဖဲန့ၣ်တက့ၢ်.”

လံာ်တၢ်ဘူၣ်ထီၣ်ဘါထီၣ် 8:31

ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါတဖၣ်, “လဲၤစိာ်တၢ်ညၣ်ဆူတၢ်ဘူၣ်ထီၣ်ဘါထီၣ်ယွၤအကျဲစၢၤ, ချီအီၤဒီးအီၣ်ကွံာ်ဖဲန့ၣ်ဒီးကိၣ်လၢအအိၣ်လၢတၢ်ဒိးပာ်စု အတၢ်လုၢ်အကုပူၤ, ဒ်ယွၤမၤလိာ်ဝဲအသိးန့ၣ်တက့ၢ်.

လံာ်မၤလကံ 1:12

ဘၣ်ဆၣ်ဒီးသုမၤတရီတပါယၤခီဖျိ သုစံးလၢယတၢ်လုၢ်လီၢ်အဘျုးတအိၣ်ဘၣ်, ဒီးခီဖျိသုလုၢ်ထီၣ် တၢ်အီၣ်လၢယသးဘၣ်အၢတဖၣ်အဃိန့ၣ်လီၤ.

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

လံာ်မၢ်ကူး 2:26

အဝဲဒၣ်လဲၤနုာ်ဆူကစၢ်ယွၤအဟံၣ်ပူၤဒီးအီၣ်ဝဲကိၣ်လၢတၢ်လုၢ် ထီၣ်အီၤဆူကစၢ်ယွၤအအိၣ်န့ၣ်လီၤ. တၢ်မၤအသးအံၤမ့ၢ်ဖဲစီၤအ့ဘယၤသၢ်ကဲပှၤလုၢ်တၢ်အခိၣ် အဒိၣ်ကတၢၢ်အခါန့ၣ်လီၤ. မ့မ့ၢ်ဒ်ပတၢ်သိၣ်တၢ်သီအိၣ်ဝဲအသိး, ကိၣ်အံၤပှၤအီၣ်သ့ဒၣ်ထဲပှၤလုၢ်တၢ်အခိၣ်တဖၣ်ဧိၤန့ၣ်လီၤ. ဘၣ်ဆၣ်ဒီးစီၤဒၤဝံးအီၣ်ဝဲဒီးဟ့ၣ်အီၣ်ဒၣ်လဲာ်ပှၤပိာ်အခံတဖၣ်လီၤ.”

လံာ်လူၤကၣ် 6:4

အဝဲဒၣ်လဲၤနုာ်ဆူကစၢ်ယွၤအဟံၣ်ပူၤ, ဟံးန့ၢ်ကိၣ်လၢအဘၣ်တၢ်လုၢ်ထီၣ်ပာ်ထီၣ်အီၤလၢကစၢ်ယွၤ, အီၣ်ဝဲဒီးဟ့ၣ်စ့ၢ်ကီးဝဲအပျဲၢ်တဖၣ်လီၤ. နီၢ်နီၢ်တခီန့ၣ်, မ့တမ့ၢ်လၢပှၤလုၢ်တၢ်အခိၣ်တဖၣ်ဘၣ်ဒီး, ပှၤတဂၤဂ့ၤတဂၤဂ့ၤမ့ၢ်အီၣ်ကိၣ်အဝဲန့ၣ်န့ၣ်, မ့ၢ်တၢ်လၢအထီဒါပတၢ်သိၣ်တၢ်သီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:6

မၤသးဒ်န့ၣ်ဒီး, ပှၤလုၢ်တၢ်အခိၣ်ဟ့ၣ်လီၤစီၤဒၤဝံးလၢကိၣ်စီဆှံလီၤ. အဂ့ၢ်ဒ်အံၤ, ကိၣ်လၢအအိၣ်ဒီးအီၤန့ၣ် မ့ၢ်ဒၣ်ထဲကိၣ်လၢဘၣ်တၢ်လုၢ်ထီၣ်အီၤဆူကစၢ်ယွၤအအိၣ်, လၢအဘၣ်တၢ်သုးကွံာ်လံအီၤလၢစီၢ်နီၤခိၣ်စီဆှံအလိၤဒီးလၢ အလီၢ်န့ၣ်ကိၣ်အသီဘၣ်တၢ်ပာ်ထီၣ်အီၤလံန့ၣ်လီၤ.