လံာ်တၢ်ဘူၣ်ထီၣ်ဘါထီၣ် 24:7 - Sgaw Karen Common Bible

⁷ နဘၣ်ပာ်လီၤတၢ်နၢမူလီၢ်ဘၣ်လၢကိၣ်တဂ့ၢ်ဘၣ်တဂ့ၢ် အဖီခိၣ်ဒ်အမ့ၢ်တၢ်ပနီၣ်လၢတၢ်အီၣ်အတၢ်လုၢ်ဆူယွၤအအိၣ်လၢကိၣ်တဖၣ်အလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:7 Iomraidhean Croise

လံာ်တၢ်ကဲထီၣ်အခီၣ်ထံး 9:16

တုၤတၢၢ်ကွဲၤဖျါထီၣ်လၢတၢ်အၢၣ်အကျါန့ၣ်ဒီးယကထံၣ်တၢ်အံၤဒီး သ့ၣ်နီၣ်ထီၣ်က့ၤတၢ်အၢၣ်လီၤအီလီၤလီၤထူလီၤယိာ်လၢယမၤဒီး ကယဲၢ်တၢ်မူတၢ်သါခဲလၢာ်လၢဟီၣ်ခိၣ်ဖီခိၣ်န့ၣ်လီၤ.

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်တၢ်ဟးထီၣ်ကွံာ် 28:12

ပာ်အီၤလၢအ့ဖိးအဖံထံခိၣ်အပျံၤအလိၤဒ်သိးကမ့ၢ်ခၢၣ်စးလၢ ပှၤအံၣ်စရ့လးဖိတဆံခံဒူၣ်အဂီၢ်န့ၣ်တက့ၢ်. မၤသးဒ်န့ၣ်ဒီး, စီၤအၤဟရိၣ်ကစိာ်အဝဲသ့ၣ်အမံၤလၢအဖံထံခိၣ် အလိၤ, ဒ်သိးယၤ, ယွၤ, ကသ့ၣ်နီၣ်ထီၣ်ယပှၤဂီၢ်မုၢ်ထီဘိအဂီၢ်န့ၣ်လီၤ.

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:2

ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:9

ဒီးပှၤလုၢ်တၢ်အခိၣ်ကဟံးန့ၢ်ကိၣ်တနီၤဒ်တၢ်သ့ၣ်နီၣ်ထီၣ်က့ၤ အတၢ်လုၢ်လၢတၢ်အံၤအဂီၢ်ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်ယိၤဟၣ် 6:35

ယ့ၣ်ၡူးစံးဘၣ်တဲဘၣ်အဝဲသ့ၣ်, “ယဲဒၣ်အံၤယမ့ၢ်တၢ်မူ အကိၣ်န့ၣ်လီၤ. ပှၤလၢအဟဲဆူယအိၣ်န့ၣ် တၢ်တသၣ်ဝံၤလၢၤဘၣ်အသးနီတဘျီဘၣ်. ပှၤလၢ အစူၢ်က့ၤနာ်က့ၤယၤန့ၣ်တၢ်တသူလၢၤဘၣ်အသးလၢ ထံနီတဘျီဘၣ်.

လံာ်ယိၤဟၣ် 6:51

ယဲဒၣ်အံၤယမ့ၢ်ကိၣ်မူလၢအဟဲလီၤလၢမူခိၣ် န့ၣ်လီၤ. ပှၤတဂၤလၢ်လၢ်လၢအအီၣ်ကိၣ်အံၤန့ၣ်, ကမူဝဲလီၤထူလီၤယိာ်န့ၣ်လီၤ. ကိၣ်လၢယကဟ့ၣ်လီၤအီၤ န့ၣ်, မ့ၢ်ယညၣ်လၢယဟ့ၣ်လီၤလၢပှၤဟီၣ်ခိၣ်ဖိကမူဝဲအဂီၢ် န့ၣ်လီၤ.”

မၤတၢ် 10:31

ဒီးစံးဘၣ်ယၤ, ‘စီၤကန့လံးဧၢ, ကစၢ်ယွၤနၢ်ဟူလံနတၢ်ထုကဖၣ်ဒီး ထံၣ်ဘၣ်လံနတၢ်ဟ့ၣ်သးကညီၤတဖၣ်လံ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.