လံာ်တၢ်ဘူၣ်ထီၣ်ဘါထီၣ် 24:6 - Sgaw Karen Common Bible

⁶ ဒီးနကဘၣ်ရဲၣ်လီၤကိၣ်ခံဂ့ၢ်, တဂ့ၢ်န့ၣ်ကိၣ်ဃုဖျၢၣ်စုာ်စုာ်, လၢစီၢ်နီၤခိၣ်စီဆှံအဖီခိၣ်လၢယွၤအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:6 Iomraidhean Croise

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:19

စီၤပၤၡလိၤမိၤမၢပှၤမၤစ့ၢ်ကီးတၢ်ပီးတၢ်လီလၢထူတဖၣ်လၢ ယွၤအတၢ်လုၢ်ဟံၣ်အဂီၢ်, ဒ်တၢ်လုၢ်လီၢ်ဒီးစီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ် ထီၣ်အီၤဆူကစၢ်ယွၤအအိၣ်,

လံာ်စီၤနဃ့မယၤ 10:33

လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

လံာ်စီၤနဃ့မယၤ 10:34

ပဝဲဒၣ်ပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ် ပကဖီၣ်တၢ်ဖးကိးနံၣ်ဒဲးလၢတၢ်စံၣ်ညီၣ်တဲာ်ဘၣ်ထွဲဒီးဒူၣ်ထၢမ တၤတဖၣ်ကဘၣ်ဟ့ၣ်ထီၣ်သ့ၣ်လၢတၢ်ကဆိၣ်ကဲၤတၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤပကစၢ်ယွၤဒ်ယူဒၤအတၢ်သိၣ်တၢ်သီပာ် ဖျါအသိးန့ၣ်လီၤ.

လံာ်တၢ်ဟးထီၣ်ကွံာ် 25:30

စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.

လံာ်တၢ်ဟးထီၣ်ကွံာ် 39:36

စီၢ်နီၤခိၣ်ဒီးကယဲၢ်အတၢ်ပီးတၢ်လီတဖၣ်ဒီးကိၣ်လၢတၢ်လုၢ်ထီၣ်အီၤဆူကစၢ်ယွၤ,

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

1 ကရံၣ်သူး 14:40

တၢ်ကိးမံၤဒဲးကြၢးဘၣ်တၢ်မၤအီၤလၢအလီၢ်အကျဲဒီးလၢအဂ့ၢ် အဝီန့ၣ်လီၤ.

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.