လံာ်တၢ်ဘူၣ်ထီၣ်ဘါထီၣ် 24:3 - Sgaw Karen Common Bible

³ ဒီးစီၤအၤဟရိၣ်ကဘၣ်ဒွဲၣ်ကပီၤ ထီၣ်အီၤတလါဘၣ်တလါတုၤမုၢ်ဆ့ၣ်ထီၣ်တစု, လၢယွၤအမဲာ်ညါ, လၢယၣ်ဘျးသဒၢအမဲာ်ညါ, လၢတၢ်အၢၣ်လီၤအီလီၤတလါအမဲာ်ညါ, လၢအမ့ၢ်တၢ်လီၢ်စီဆှံကတၢၢ်န့ၣ်လီၤ. တၢ်သိၣ်တၢ်ဘျၢအံၤသုကဘၣ်တိၢ်န့ၢ်အီၤအစိၤစိၤအဃၣ်ဃၣ်န့ၣ် လီၤ.

လံာ်တၢ်ဘူၣ်ထီၣ်ဘါထီၣ် 24:3 Iomraidhean Croise

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:4

စီၤအၤဟရိၣ်ကဘၣ်ကွၢ်ထွဲမ့ၣ်အူဒၢတဖၣ်လၢအအိၣ်လၢမ့ၣ်အူဒၢ အထူၣ်လၢအဘၣ်တၢ်မၤအီၤလၢထူအလိၤ, ဒ်သိးကကပီၤဝဲလၢယွၤအမဲာ်ညါတထံၣ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဂံၢ် 18:5

ထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်မူဒါတဖၣ်လၢ တၢ်အလီၢ်စီဆှံဂီၢ်ဒီးလၢတၢ်လုၢ်လီၢ်အဂီၢ်, ဒ်သိးယတၢ်သးဒိၣ်အသုတဟဲဖျိးထီၣ်ကဒီးထီဒါဘၣ်ကီၢ်အံၣ်စရ့ လးအပှၤဂီၢ်မုၢ်တဖၣ်တဂ့ၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:3

စီၤၡမူၤအ့လးမံဝဲလၢတၢ်လုၢ်ဟံၣ်အပူၤဖဲယွၤအတၢ်အၢၣ်လီၤ အီလီၤအတလါစီဆှံအိၣ်ဝဲဒၣ်အလီၢ်န့ၣ်လီၤ. တချုးမုၢ်ဆ့ၣ်ထီၣ်တၢ်ခံးဒံးဘၣ်ဖဲမ့ၣ်အူဒၢကပီၤဒံးဝဲန့ၣ်,