လံာ်တၢ်ဘူၣ်ထီၣ်ဘါထီၣ် 24:19 - Sgaw Karen Common Bible

¹⁹ ဒီးကယဲၢ်ပှၤတဂၤလၢ်လၢ်လၢအမၤဆါဘၣ်ပှၤအဂၤတဂၤဂၤန့ၣ်ဒ်အမၤ ဝဲအသိးန့ၣ်ကဘၣ်တၢ်မၤဆၢက့ၤအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:19 Iomraidhean Croise

လံာ်တၢ်ဟးထီၣ်ကွံာ် 21:23

ဘၣ်ဆၣ်ဒီးပိာ်မုၣ်န့ၢ်အနီၢ်ကစၢ်ဒၣ်ဝဲမ့ၢ်ဘၣ်ဒိဒီးတၢ်စံၣ် ညီၣ်ကဘၣ်မ့ၢ်, သးသမူလၢသးသမူအဂီၢ်,

လံာ်တၢ်ဟးထီၣ်ကွံာ် 21:24

မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်,

လံာ်တၢ်ဟးထီၣ်ကွံာ် 21:25

တၢ်ကိၢ်သွၣ်လၢတၢ်ကိၢ်သွၣ်အဂီၢ်, တၢ်ပူၤလီၢ်လၢတၢ်ပူၤလီၢ်အဂီၢ်, ဒီးတၢ်အညိးလၢတၢ်အညိးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 24:18

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤအဆၣ်ဖိ ကီၢ်ဖိန့ၣ်ကဘၣ်လိးက့ၤဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:20

ဒီးကယဲၢ်ပှၤတဂၤလၢ်လၢ်လၢအမၤကၢ်ဝဲပှၤ အဃံတဘိဘိန့ၣ်အနီၢ်ကစၢ်ဒၣ်ဝဲအဃံတဘိကဘၣ်တၢ်မၤကၢ်ကွံာ်အီၤ, မ့ၢ်မၤဖျိးထီၣ်ဘၣ်ပှၤမဲာ်ချံတတိၣ်န့ၣ်အနီၢ်ကစၢ် ဒၣ်ဝဲအမဲာ်ချံတတိၣ်ကဘၣ်တၢ်ထုးထီၣ်ကွံာ်အီၤ, ဒီးမ့ၢ်မၤလီၤဖျုပှၤမဲတဘ့ၣ်န့ၣ်အနီၢ်ကစၢ်ဒၣ်ဝဲအမဲတဘ့ၣ် ကဘၣ်တၢ်မၤလီၤဖျုအီၤန့ၣ်လီၤ. ဒ်အမၤဆါဘၣ်ပှၤဂၤအသိးန့ၣ်အဝဲကဘၣ်တၢ်မၤဆါကဒါက့ၤအီၤန့ၣ်လီၤ.

လံာ်မးသဲ 5:38

သုနၢ်ဟူတ့ၢ်လံလၢတၢ်စံးတ့ၢ်ဝဲ, ‘မဲာ်ချံတတိၣ်လၢမဲာ်ချံတတိၣ်အဂီၢ် ဒီးမဲတဘ့ၣ်လၢမဲတဘ့ၣ်အဂီၢ်လီၤ.’

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်သိၣ်လီၤသီလီၤတၢ် 19:21

လၢကွီၢ်ဒ်သိးန့ၣ်တဖၣ်အဂီၢ်န့ၣ်, ဒုးနဲၣ်တၢ်သးကညီၤနီ တစဲးတဂ့ၤ. တၢ်စံၣ်ညီၣ်ကဘၣ်မ့ၢ်ဝဲ, သးသမူတဖျၢၣ်လၢသးသမူ တဖျၢၣ်အဂီၢ်, မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်, စုတခီလၢစုတခီအဂီၢ်ဒီးခီၣ်တခီ လၢခီၣ်တခီအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.