လံာ်တၢ်ဘူၣ်ထီၣ်ဘါထီၣ် 24:15 - Sgaw Karen Common Bible

¹⁵ ဒီးနဘၣ်စံးဘၣ်ပှၤအံၣ်စရ့လးဖိ, ဖဲဒၣ်ပှၤလၢအဆိၣ်အၢကစၢ်ယွၤန့ၣ်ကတူၢ်ဘၣ်အတၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:15 Iomraidhean Croise

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:1

ပှၤတဂၤဂၤမ့ၢ်ဘၣ်ကဲထီၣ်ပှၤအုၣ်အသးလၢတၢ်လၢအထံၣ်ဘၣ်ဝဲမ့ၢ်ဂ့ၤ, သ့ၣ်ညါဝဲမ့ၢ်ဂ့ၤ, အဂ့ၢ်ဒီးတတဲဖျါထီၣ်ဝဲလၢကွီၢ်ဘျီၣ်ပူၤန့ၣ်, ကဘၣ်တူၢ်အတၢ်ဒဲးဘးဒၣ်ဝဲန့ၣ်လီၤ.

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.